ಮಾರ್ಕ 8:23 - ಕೊಡವ ಬೈಬಲ್

²³ ಯೇಸು ಆ ಮನುಷ್ಯಂಡ ಕೈ ಪುಡ್‍ಚಿ ಕಾಕಿಯಂಡ್ ಊರ್‌ರ ಆಬರಿಕ್ ಪೋಯಿತ್, ಆ ಮನುಷ್ಯಂಡ ಕಣ್ಣ್‌ಕ್ ತುಪ್ಪಿತ್, ಅಂವೊಂಡ ಮೇಲೆ ಕೈ ಬೆಚ್ಚಿತ್, ನೀಕ್ ಎಂತೇಂಗಿಯು ಕಾಂಬಕ್ ಕಯ್ಯುವಾಂದ್ ಕ್‍ೕಟತ್.

ಮಾರ್ಕ 8:23 ပူးပေါင်းရင်းမြစ်များ

ಮಾರ್ಕ 5:23

ನಾಡ ಮೂಡಿ ಕುಂಞಿ ದುಂಬ ಕಾಯಿಲೆಲ್ ಬುದ್ದಿತ್ ಉಂಡ್, ನೀನ್ ದಯಬೆಚ್ಚಿತ್ ಬಂದಿತ್ ನೀಡ ಕೈಯಿನ ಅವಡ ಮೇಲೆ ಬೆಯ್ಯಿ; ಅಕ್ಕ ಅವಡ ಕಾಯಿಲೆ ವಾಸಿಯಾಯಿತ್ ಬದ್‌ಕ್‌ವಾಂದ್ ಬಕ್ತಿಲ್ ಬೋಡಿಯಂಡತ್.

ಮಾರ್ಕ 7:33

ಯೇಸು ಜನಡ ಗುಂಪ್‌ಂಜ ಅಂವೊನ ದೂರ ಕಾಕಿಯಂಡ್ ಪೋಯಿತ್ ಅಂವೊಂಡ ಕೆಮಿರ ಮೇಲೆ ಬೆರತ್‌ನ ಬೆಚ್ಚಿತ್, ತುಪ್ಪಿತ್ ಅಂವೊಂಡ ನಾವ್‌ನ ತೊಟ್ಟತ್.

ಮಾರ್ಕ 8:24

ಆ ಮನುಷ್ಯ ಕೊಡಿಕ್ ನೋಟುವಂಜಿ: ಅಕ್ಕು ನಾಕ್ ಜನಳ ಕಾಂಬ, ಆಚೇಂಗಿ ಅಯಿಂಗ ಮರತ್‌ರನೆಕೆ ನಡ್‍ಪದ್ ಕಾಂಬಾಂದ್ ಎಣ್ಣ್‌ಚಿ.

ಮಾರ್ಕ 8:26

ಪಿಂಞ ಯೇಸು, ನೀನ್ ಊರ್‌ಕ್ ಪೋಕತೆ, ದಾರ್‌ಕು ಎಣ್ಣತೆ, ನೇರೆ ಮನೆಕ್ ಪೋಂದ್ ಆಜ್ಞೆ ಮಾಡ್‍ಚಿ.

ಅಪೊಸ್ತಲ 23:19

ಅಕ್ಕ, ಆ ಸೇನೆರ ಅದಿಕಾರಿ: ಆ ಬಾಲೆಕಾರಂಡ ಕೈಯಿನ ಪುಡ್‌ಚಿತ್, ಆಬರಿಕ್ ಕಾಕಿಯಂಡ್ ಪೋಯಿತ್, ನೀನ್ ನಾಡ ಪಕ್ಕ ಎಣ್ಣ್‌ವಕುಳ್ಳ ವಿಷಯ ಎಂತ್‍ೕಂದ್ ಕ್‍ೕಟತ್.

ಅಪೊಸ್ತಲ 9:8

ಸೌಲ ನೆಲತ್ಂಜ ಎದ್ದಿತ್ ಕಣ್ಣ್ ತೊರ್‌ಪಕ ಅಂವೊಂಗ್ ಒಂದು ಕಾಂಬಕಯಿಂಜಿತ್‌ಲ್ಲೆ. ಅಕ್ಕ ಅಯಿಂಗ ಅಂವೊಂಡ ಕೈ ಪುಡ್‍ಚಂಡ್ ದಮಸ್ಕ ಎಣ್ಣುವ ಪಟ್ಟಣತ್‍ರ ಒಳ್‍ಕ್ ಕಾಕಿಯಂಡ್ ಪೋಚಿ.

ಇಬ್ರಿಯ 8:9

ಅಯಿಂಗಡ ಮುತ್ತಜ್ಜಂಗಳ ಐಗುಪ್ತ ದೇಶತ್ಂಜ ಕಾಕಿಯಂಡ್ ಬಪ್ಪಕಾಯಿತ್, ನಾನ್ ಅಯಿಂಗಡ ಕೈಯಿನ ಪುಡ್‌ಚಿತ್, ಅಯಿಂಗಡ ಪಕ್ಕ ಮಾಡ್‍ನ ಒಪ್ಪಂದತ್‍ರನೆಕೆ ಇದ್ ಇಪ್ಪುಲೆ; ಅಯಿಂಗಡ ಕೂಡೆ ಮಾಡ್‍ನ ಒಪ್ಪಂದತ್‍ಲ್, ಅಯಿಂಗಕ್ ನಂಬಿಕಸ್ತಂಗಳಾಯಿತ್ ಇಪ್ಪಕ್ ಕಯಿಂಜಿತ್‌ಲ್ಲೆ ಅಲ್ಲ! ನಾನ್ ಸಹ ಅಯಿಂಗಳ ತ್‍ಕ್ಕಾರ ಮಾಡಿಯೇಂದ್ ಒಡೆಯ ಎಣ್ಣಿಯಂಡುಂಡ್.

ಪ್ರಕಟನೆ 3:18

ನೀನ್ ಐಶ್ವರ್ಯವಂತನಾಪಕ್, ತಿತ್ತ್‌ಲ್ ಇಟ್ಟಿತ್ ಎಡ್‌ತ ಪೊನ್ನ್‌ನ ಪಿಂಞ ನೀಡ ಅವಮಾನವಾಯಿತುಳ್ಳ ಬೆತ್ತಲೇನ ಮುಚ್ಚ್‌ವಕ್ ಬೊಳ್‍ತ ಬಟ್ಟೇನ ನಾಡ ಕೈಯಿಂಜ ಕ್ರಯಕ್ ಎಡ್‌ತ ಪಿಂಞ ನೀಡ ಕಣ್ಣ್ ಕಾಂಬನೆಕೆ, ಕಣ್ಣ್‌ಕ್ ಮದ್ದ್ ಇಡ್‍ೕಂದ್ ನಾನ್ ನೀಕ್ ಬುದ್ದಿ ಎಣ್ಣ್‌ವಿ.