ಮಾರ್ಕ 8:15 - ಕೊಡವ ಬೈಬಲ್

¹⁵ ನಿಂಗ ಫರಿಸಾಯಂಗಡ ಪಿಂಞ ಹೆರೋದಂಡ ಈಸ್ಟ್‌ರ ವಿಷಯತ್‍ಲ್ ಜಾಗ್ರತೆಲ್ ಇರಂಡೂಂದ್ ಯೇಸು ಎಚ್ಚರ ಮಾಡ್‍ಚಿ.

ಮಾರ್ಕ 8:15 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 19:27

ನಾಡ ಮೋನೇ, ನೀನ್‌ ಬುದ್ದಿತಕ್ಕ್‌ಕ್‌ ಕೆಮಿ ಕೊಡ್‌ಕತೆ ಪೋಚೇಂಗಿ, ಅರಿವ್‌ನ ತಪ್ಪ ತಕ್ಕ್‌ಯಿಂಜ ದೂರ ಪೋಪಿಯ.

ಮತ್ತಾಯ 14:1

ಆ ಕಾಲತ್‍ಲ್, ಗಲಿಲಾಯತ್‍ಲ್ ಹೆರೋದ ಅಂತಿಪ ರಾಜನಾಯಿತ್ಂಜತ್. ಅಂವೊ ಯೇಸು ಮಾಡಿಯಂಡಿಂಜ ಅದ್ಬುತ ಕಾರ್ಯತ್‍ನೆಲ್ಲ ಕ್‍ೕಟಿತ್,

ಮತ್ತಾಯ 14:3

ಹೆರೋದ, ಅಂವೊಂಡ ಅಣ್ಣ ಫಿಲಿಪ್ಪಂಡ ಪೊಣ್ಣ್ ಹೆರೋದ್ಯಳಗುಂಡ್ ಯೋಹಾನನ ಬಂದಿಚಿಟ್ಟಿತ್ ಜೈಲ್‌ಕ್ ಇಟ್ಟಿತ್ಂಜತ್.

ಮತ್ತಾಯ 14:6

ಅನ್ನನೆ ಇಪ್ಪಕ, ಹೆರೋದ ರಾಜ ಪುಟ್ಟ್‌ನ ದಿವಸ ಬಾತ್. ಹೆರೋದ್ಯಡ ಮೋವ, ಅರಮನೇಲ್ ಎಲ್ಲಾಡ ಮಿಂಞತ್‍ಲ್ ಚಾಯಿತೆ ಆಡ್‌ಚಿ. ಅವಡ ಆಟತ್‌ನ ನೋಟಿತ್ ಹೆರೋದ ರಾಜಂಗ್ ದುಂಬ ಕುಶಿ ಆಚಿ.

ಮತ್ತಾಯ 16:6

ಯೇಸು ಅಯಿಂಗಕ್: ಫರಿಸಾಯ ಪಿಂಞ ಸದ್ದುಕಾಯಂಗಡ ಈಸ್ಟ್‌ರ ವಿಷಯತ್ ಎಚ್ಚರತ್ ಇರೀಂದ್ ಎಣ್ಣ್‌ಚಿ.

ಮಾರ್ಕ 12:13

ಮಹಾ ಯಾಜಕಂಗ, ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಪಿಂಞ ಪೆರಿಯಯಿಂಗ ಯೇಸುನ ನಾನಾತರ ಪ್ರಶ್ನೆ ಕ್‍ೕಟಿತ್ ಕೆಣಿಪಕಾಯಿತ್ ಚೆನ್ನ ಫರಿಸಾಯಂಗ ಪಿಂಞ ಹೆರೋದ ರಾಜಂಡ ಪಕ್ಷಕಾರಂಗಳ ಅಯಿಚತ್.

ಮಾರ್ಕ 8:14

ಯೇಸುರ ಶಿಷ್ಯಂಗ ಬೋಂಡಿಯಚ್ಚಕ್ ಒಟ್ಟಿ ಎಡ್‌ತ ಬಪ್ಪಕ್ ಮರ್ಂದ್‌ರ್‌ತ್, ಒರೇ ಒರ್ ಒಟ್ಟಿ ಮಾತ್ರ ಇಂಜತ್.

ಮಾರ್ಕ 8:16

ಅದ್ಂಗ್ ಅಯಿಂಗ: ನಂಗ ಒಟ್ಟಿ ಎಡ್‌ತ ಬರತಾಂಗ್ ಯೇಸು ಇನ್ನನೆ ಎಣ್ಣುವಾಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:15

ಎಲ್ಲಾ ತರ ಅತಿ ಆಸೆರ ವಿಷಯತ್‍ಲ್ ಎಚ್ಚರತ್ ಇರಿ. ನೇರಾನ ಜೀವ ನಿಂಗಡ ದುಂಬ್‍ನ ಆಸ್ತಿಯಿಂಜ ಬಪ್ಪುಲೆ.

1 ತಿಮೊಥೆಯ 5:21

ನೀನ್ ದಾರ್‌ನು ಮೂಡ್ ನೋಟಿತ್ ನ್ಯಾಯಮಾಡತ, ಪಕ್ಷಪಾತ ಮಾಡತೆ, ನೀನ್ ಇದ್‍ನೆಲ್ಲಾ ಮಾಡಿಯಂಡಿರ್‍ೕಂದ್ ದೇವಡ ಮಿಂಞತ್, ಯೇಸು ಕ್ರಿಸ್ತಂಡ ಪ್ರಸನ್ನತ್‌ಲ್ ಪಿಂಞ ಗೊತ್ತ್ ಮಾಡಿತುಳ್ಳ ದೂತಂಗಡ ಮಿಂಞತ್ ಆಜ್ಞೆ ಮಾಡ್‌ವಿ.

1 ತಿಮೊಥೆಯ 6:13

ಎಲ್ಲಾಂಗ್ ಜೀವ ತಪ್ಪ ದೇವಡ ಮಿಂಞತ್, ಪಿಂಞ ಪೊಂತ್ಯ ಪಿಲಾತಂಡ ಮಿಂಞ ನಿಂದಿತ್ ನೇರಾನ ಸಾಕ್ಷಿನ ಗೊತ್ತ್ ಮಾಡ್‍ನ ಯೇಸು ಕ್ರಿಸ್ತನಗುಂಡ್ ನಾನ್ ನೀಕ್ ಆಜ್ಞೆ ಮಾಡ್‍ವದ್ ಎಂತ ಎಣ್ಣ್‌ಚೇಂಗಿ:

2 ತಿಮೊಥೆಯ 2:14

ಈ ವಿಷಯತ್‍ನ ಎಕ್ಕಾಲು ಅಯಿಂಗಕ್ ನೀನ್ ಞಾಪಕ ಮಾಡಿಯಂಡಿರ್. ಒಂದಾಂಗು ಪ್ರಯೋಜನವಿಲ್ಲತ ಪಿಂಞ ಕ್‍ೕಪಯಿಂಗಳ ಪಾಳ್ ಮಾಡ್‌ವಂತ ಅರ್ಥ ಇಲ್ಲತ ತಕ್ಕ್‌ಲ್ ಮಾಡ್‌ವ ತರ್ಕತ್‍ನ ಮಾಡತನೆಕೆ, ದೇವಡ ಮಿಂಞತ್ ಅಯಿಂಗಕ್ ಎಚ್ಚರ ಮಾಡ್.