13 ಅಯಿಂಗಳ ಬುಟ್ಟ್‌ರ್‌ವಂಜಿ ಕೆರೆರ ಆ ಕರೆಕ್ ದೋಣಿಲ್ ಪೋಚಿ.
ಅಯಿಂಗ ಎಣ್ಣ್‌ವಾಂಗ್ ಕೆಮಿ ಕೊಡ್‌ಕತಿ. ಅಯಿಂಗ ಕುರ್‌ಡಂಗಕ್ ಬಟ್ಟೆ ಕಾಟುವ ಕುರ್‌ಡಂಗಳಾಯಿತುಂಡ್. ಒರ್ ಕುರ್‌ಡ ಇಂಞೊರ್ ಕುರ್‌ಡಂಗ್ ಬಟ್ಟೆ ಕಾಟ್‍ಚೇಂಗಿ, ದಂಡಾಳು ಕುಂಡ್‌ಕ್ ಬೂವಲ್ಲಾಂದ್ ಎಣ್ಣ್‌ಚಿ.
ಪವಿತ್ರವಾನ ಏದನೂ ನಾಯಿಕ್ ಕೊಡ್‌ಕತಿ. ನಿಂಗಡ ಮಾಣಿಕ್ಯತ್‍ನ ಪಂದಿಯಡ ಎದಿಕೆ ಕನಿಕತಿ. ಅನ್ನನೆ ನಿಂಗ ಮಾಡ್‍ಚೇಂಗಿ ಅಯಿಂಗ ಅದ್‍ನ ಕಾಲ್‌ಲ್ ಚೌಟಿತ್ ಬಯ್ಯ ನಿಂಗಳ ಕಡಿಪಕ್ ಬಪ್ಪ.
ಯೇಸು ತಾಂಡ ಆತ್ಮತ್‍ಲ್ ನಿಟ್ಟುಸಿರ್ ಬುಟ್ಟಿತ್, ಈ ಸಂತಾನಕಾರಂಗ ಎನ್ನಂಗ್ ಗುರ್‍ತ್‍ನ ತ್‍ೕಡ್‌ವ? ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ, ಈ ಸಂತಾನಕಾರಂಗಕ್ ಬಾನತ್ಂಜ ಒರ್ ಗುರ್‍ತ್‍ನ ಸಹ ಕಾಟಿ ಕೊಡ್‍ಪ್‍ಲೇಂದ್ ಎಣ್ಣಿತ್,
ಯೇಸುರ ಶಿಷ್ಯಂಗ ಬೋಂಡಿಯಚ್ಚಕ್ ಒಟ್ಟಿ ಎಡ್‌ತ ಬಪ್ಪಕ್ ಮರ್ಂದ್‌ರ್‌ತ್, ಒರೇ ಒರ್ ಒಟ್ಟಿ ಮಾತ್ರ ಇಂಜತ್.
ಅಕ್ಕ ಆ ಪ್ರಾಂತ್ಯತ್‍ರ ಜನ ನೀನ್ ಇಲ್ಲಿಂಜ ಪೋಯಿರ್, ನಂಗಕ್ ದುಂಬ ಪೋಡಿ ಆಯಂಡುಂಡ್‍ೕಂದ್ ಯೇಸುಕ್ ಎಣ್ಣ್‌ಚಿ.
ಬೊಳಿ ನಿಂಗಡ ಕೂಡೆ ಇಪ್ಪಕಾಪಲೆ ಬೊಳಿನ ನಂಬಿ. ಅಕ್ಕ ನಿಂಗ ಬೊಳಿರ ಮಕ್ಕಳಾಯಿತ್‌ಪ್ಪಿರಾಂದ್ ಎಣ್ಣ್‌ಚಿ. ಯೇಸು ಇದ್‍ನೆಲ್ಲಾ ಎಣ್ಣ್‌ನ ಪಿಂಞ ಅಯಿಂಗಕ್ ಕಾಂಗತನೆಕೆ ಒಳ್‌ಚಂಡತ್.
ಯೇಸು ಇಂಞು ಅಯಿಂಗಳ ನೋಟಿತ್: ನಾನ್ ಪೋಪಿ, ನಿಂಗ ನನ್ನ ತ್‍ೕಡ್‌ವಿರ. ಆಚೇಂಗಿ ನಾನ್ ಪೋಪ ಜಾಗಕ್ ನಿಂಗ ಬಪ್ಪಕ್ ಕಯ್ಯುಲೆ; ನಿಂಗ ನಿಂಗಡ ಪಾಪತ್‍ಲ್ ಚತ್ತ್ ಪೋಪಿರಾಂದ್ ಎಣ್ಣ್‌ಚಿ.
ಅಲ್ಲಿಯತ್‍ರ ಯೆಹೂದ್ಯಂಗ ಅಂವೊ ಎಣ್ಣ್‌ವಾನ ವಿರೋದ ಮಾಡಿತ್ ನಿಂದಂಡ್ ಕೆಟ್ಟ ತಕ್ಕ್ ಪರಿಯುವಕ, ಪೌಲ, ತಾಂಡ ಪೊರಮೆ ಇಡ್‌ವ ಬಟ್ಟೇನ ಅಯಿಂಗಕ್ ಸಾಕ್ಷಿಯಾಯಿತ್ ಕೊಡ್‍ಕಿತ್: ನಿಂಗಡ ನಾಶಕ್ ನಿಂಗಳೇ ಕಾರಣ; ನಾನ್ ಶುದ್ದ ಮನಸ್ಸ್ ಉಳ್ಳಂವೊನಾಯಿತ್ ಯೆಹೂದ್ಯಂಗಲ್ಲತ ಬೋರೆ ಜನಡ ಪಕ್ಕ ಇಕ್ಕಯಿಂಜ ಪೋಪೀಂದ್ ಎಣ್ಣ್‌ಚಿ.
ಅಕ್ಕ ನಂಗ ಆಸ್ಯ ಸೀಮೆರ ಅದ್ರಮಿತ್ತಿಯ ಎಣ್ಣುವ ಪಟ್ಟಣತ್ಂಜ ಬಂದ ಹಡಗ್‍ಲ್ ಪತ್ತ್‌ಚಿ. ಆ ಹಡಗ್ ಆಸ್ಯ ಸೀಮೆರ ಕರಾವಳಿರ ಬೋರೆ ಬೋರೆ ಜಾಗಕ್ ಪೋಪಕ್ ಇಂಜತ್. ಅಯಿಂಗ ಅದ್‍ಲ್ ನಂಗಳ ಅಯಿಚತ್. ಮಕೆದೋನ್ಯ ಸೀಮೆಕ್ ಕೂಡ್‍ನ ಥೆಸಲೊನೀಕ ಪಟ್ಟಣತ್‍ರ ಅರಿಸ್ತಾರ್ಕ ಎಣ್ಣ್‌ವಂವೊ ನಂಗಡ ಕೂಡೆ ಇಂಜತ್.
