ಮಾರ್ಕ 8:12 - ಕೊಡವ ಬೈಬಲ್

¹² ಯೇಸು ತಾಂಡ ಆತ್ಮತ್‍ಲ್ ನಿಟ್ಟುಸಿರ್ ಬುಟ್ಟಿತ್, ಈ ಸಂತಾನಕಾರಂಗ ಎನ್ನಂಗ್ ಗುರ್‍ತ್‍ನ ತ್‍ೕಡ್‌ವ? ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ, ಈ ಸಂತಾನಕಾರಂಗಕ್ ಬಾನತ್ಂಜ ಒರ್ ಗುರ್‍ತ್‍ನ ಸಹ ಕಾಟಿ ಕೊಡ್‍ಪ್‍ಲೇಂದ್ ಎಣ್ಣಿತ್,

ಮಾರ್ಕ 8:12 ပူးပေါင်းရင်းမြစ်များ

ಮತ್ತಾಯ 12:38

ಅಕ್ಕ, ನ್ಯಾಯಪ್ರಮಾಣ ಗೊತ್ತುಳ್ಳ ಉಪಾದ್ಯಂಗ ಪಿಂಞ ಚೆನ್ನ ಫರಿಸಾಯಂಗ ಅಂವೊನ ನೋಟಿತ್: ನೀನ್ ಮಾಡ್‌ವ ಗುರ್‌ತ್ ಕಾರ್ಯತ್‍ನ ನಂಗ ನೋಟಂಡೂಂದ್ ಎಣ್ಣ್‌ಚಿ.

ಮತ್ತಾಯ 16:4

ದೇವನ ನೇರಾಯಿತ್ ಆರಾದನೆ ಮಾಡತ ಮೋಸವಾನ ಈ ಸಂತಾನಕಾರಂಗ, ನನ್ನಿಂಜ ಒರ್ ಗುರ್‌ತ್ ಬೋಂಡೂಂದ್ ಕ್‍ೕಪ. ಆಚೇಂಗಿ, ಯೋನ ಪ್ರವಾದಿರ ಗುರ್‌ತ್ ಅಲ್ಲತೆ ಬೋರೆ ಒರ್ ಗುರ್‌ತು ಈಂಗಕ್ ತಪ್ಪ್‌ಲೇಂದ್ ಎಣ್ಣಿತ್ ಅಯಿಂಗಳ ಬುಟ್ಟಿತ್ ಪೋಚಿ.

ಮಾರ್ಕ 3:5

ಸುತ್ತ್‌ಮುತ್ತ್ ನೋಟಿತ್ ಯೇಸುಕ್ ಚೆಡಿ ಬಾತ್, ಅದೇ ಸಮಯತ್‍ಲ್ ಅಯಿಂಗಡ ಕಠಿಣ ಹೃದಯತ್‍ನ ಕಂಡಿತ್ ಯೇಸುಕ್ ಬೇಜಾರ್ ಆಚಿ. ಯೇಸು ಆ ಮನುಷ್ಯಂಗ್, ನೀಡ ಕೈಯಿನ ನೀಟ್‍ೕಂದ್ ಎಣ್ಣ್‌ಚಿ, ಅಂವೊ ಕೈ ನೀಟ್‌ಚಿ, ಅಂವೊಂಡ ಕೈ ಪೂರ್ತಿ ವಾಸಿಯಾಚಿ.

ಮಾರ್ಕ 6:6

ಈ ಜನಕ್ ನಾಡ ಮೇಲೆ ನಂಬಿಕೆ ಬಂದಿತ್‌ಲ್ಲೇಂದ್ ಯೇಸುಕ್ ಆಶ್ಚರ್ಯ ಆಚಿ. ಪಿಂಞ ಯೇಸು ಪಕ್ಕತ್‍ರ ಊರ್‌ಕೆಲ್ಲಾ ಪೋಯಿತ್ ಜನಕ್ ಬೋದನೆ ಕೊಡ್‍ತತ್.

ಮಾರ್ಕ 7:34

ಅಂವೊ ಕೊಡಿಕ್ ಪರಲೋಕತ್‌ನ ನೋಟ್‌ವಂಜಿ, ನಿಟ್ಟುಸಿರ್ ಬುಟ್ಟಿತ್, ಎಪ್ಫಥಾಂದ್ ಎಣ್ಣ್‌ಚಿ. ಅದ್ಂಗ್ ತೊರಕ್‌ಡ್‍ೕಂದ್ ಅರ್ಥ.

ಮಾರ್ಕ 8:13

ಅಯಿಂಗಳ ಬುಟ್ಟ್‌ರ್‌ವಂಜಿ ಕೆರೆರ ಆ ಕರೆಕ್ ದೋಣಿಲ್ ಪೋಚಿ.

ಮಾರ್ಕ 9:19

ಅದ್ಂಗ್ ಯೇಸು: ನಂಬಿಕೆ ಇಲ್ಲತ ಸಂತಾನಕಾರಳೇ, ನಿಂಗಡ ಕೂಡೆ ಎಚ್ಚಕ್ ಕಾಲ ನಾನ್ ತಾಳ್ಮೆಯಾಯಿತ್ ಇಪ್ಪಕ್ ಕಯ್ಯು? ನೀಡ ಮೋಂವೊನ ಇಲ್ಲಿ ಕಾಕಿಯಂಡ್ ಬಾಂದ್ ಆ ಕ್‍ಣ್ಣಂಡ ಅಪ್ಪಂಗ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:41

ಪಟ್ಟಣತ್‍ರ ಪಕ್ಕ ಬಪ್ಪಕ, ಯೆರೂಸಲೇಮ್‍ನ ನೋಟ್‌ವಕಾಪಕ, ಅದ್ಂಗಾಯಿತ್ ಯೇಸು ಮೊರಟತ್.