ಮಾರ್ಕ 8:11 - ಕೊಡವ ಬೈಬಲ್

¹¹ ಚೆನ್ನ ಫರಿಸಾಯಂಗ ಯೇಸುರ ಪಕ್ಕ ಬಂದಿತ್ ಅಂವೊನ ಕೆಣಿಪಕಾಯಿತ್ ದುಂಬ ವಾದ ಮಾಡ್‍ಚಿ. ದೇವ ನಿನ್ನ ನೇರಾಯಿತು ಒಪ್ಪಿಯಂಡತಾಂದ್ ನಂಗಕ್ ಈ ವಿಷಯತ್‍ಲ್ ಬಾನತ್ಂಜ ಒರ್ ಗುರ್‍ತ್‍ನ ಕಾಟ್‍ೕಂದ್ ಕ್‍ೕಟತ್.

ಮಾರ್ಕ 8:11 ပူးပေါင်းရင်းမြစ်များ

ಮಲಾಕಿ 3:15

ಇಕ್ಕ, ಆಂಗಾರಿಯಳ ಆಶೀರ್ವಾದ ಪಡ್‌ಂದಯಿಂಗಾಂದ್‌ ಕೊಂಡಾಡುವ; ಕ್‍ೕಡ್‌ ಮಾಡುವಯಿಂಗ ಅಬಿವೃದ್ದಿ ಪಡೆಯುವ ಮಾತ್‌ರ ಅಲ್ಲ, ಅಯಿಂಗ ಯೆಹೋವನಾನ ದೇವನ ತಾಂಗಡ ದುಷ್ಟತನತ್‌ರಗುಂಡ್‌ ಪರೀಕ್ಷೆ ಮಾಡ್‌ಚೇಂಗಿಯು ಬಚಾವ್‌ ಆಪಾಂದ್‌ ಎಣ್ಣಿಯಂಡುಳ್ಳಿರಲ್ಲಾ!

ಮತ್ತಾಯ 12:38

ಅಕ್ಕ, ನ್ಯಾಯಪ್ರಮಾಣ ಗೊತ್ತುಳ್ಳ ಉಪಾದ್ಯಂಗ ಪಿಂಞ ಚೆನ್ನ ಫರಿಸಾಯಂಗ ಅಂವೊನ ನೋಟಿತ್: ನೀನ್ ಮಾಡ್‌ವ ಗುರ್‌ತ್ ಕಾರ್ಯತ್‍ನ ನಂಗ ನೋಟಂಡೂಂದ್ ಎಣ್ಣ್‌ಚಿ.

ಮತ್ತಾಯ 19:3

ಅಕ್ಕ, ಚೆನ್ನ ಫರಿಸಾಯ ಯೇಸುನ ಕೆಣಿಪಕಾಯಿತ್ ಅಂವೊಂಡ ಪಕ್ಕ ಬಂದಿತ್: ಒರ್ ಮನುಷ್ಯ ಅಂವೊಂಡ ಪೊಣ್ಣ್‌ನ ಏದ್ ಕಾರಣಕಾಯಿತು ಬೋಂಡಾಂದ್ ಬುಡ್‌ವದ್ ನ್ಯಾಯವಾಂದ್ ಕ್‍ೕಟತ್.

ಮತ್ತಾಯ 21:23

ಯೇಸು ದೇವಾಲಯಕ್ ಬಂದಿತ್, ಅಲ್ಲಿ ಬೋದನೆ ಮಾಡ್‌ವಕ್ ಸುರ್ ಮಾಡ್‍ಚಿ. ಮುಕ್ಯ ಯಾಜಕಂಗಳು ಪೆರಿಯಯಿಂಗಳು ಯೇಸುರ ಪಕ್ಕ ಬಂದಿತ್: ಇದ್‍ನೆಲ್ಲ ನೀನ್ ಏದ್ ಅದಿಕಾರತ್‍ಲ್ ಮಾಡಿಯಂಡುಳ್ಳಿಯಾ? ದಾರ್ ನೀಕ್ ಅದಿಕಾರತ್‍ನ ಕೊಡ್‌ತತ್‍ೕಂದ್ ಕ್‍ೕಟತ್.

ಮತ್ತಾಯ 22:15

ಫರಿಸಾಯಂಗೆಲ್ಲಾ ಒಂದ್ ಕೂಡಿತ್ ಯೇಸುನ ಅಂವೊಂಡ ತಕ್ಕ್‌ಲ್ ಪುಡಿಪಕಾಯಿತ್ ಗೇನ ಮಾಡ್‍ಚಿ.

ಮತ್ತಾಯ 22:18

ಅಯಿಂಗಡ ಕೆಟ್ಟ ಗುಣತ್‍ನ ಅರ್ಥ ಮಾಡಿಯಂಡ್: ಕಪಟಿಯಳೇ! ನಿಂಗ ಎನ್ನಂಗ್ ನನ್ನ ಕೆಣಿಪಕ್ ನೋಟ್‍ವಿರ?

ಮತ್ತಾಯ 22:23

ಅದೇ ದಿವಸತ್‍ಲ್, ಚತ್ತ್ ಪೋನಯಿಂಗ ದಾರೂ ಜೀವವಾಯಿತ್ ಏವುಲೇಂದ್ ಎಣ್ಣುವ ಸದ್ದುಕಾಯಂಗ ಯೇಸುರ ಪಕ್ಕ ಬಾತ್. ಅಯಿಂಗ ಯೇಸುಕ್:

ಮಾರ್ಕ 12:15

ಆಚೇಂಗಿ ಅಯಿಂಗಡ ಕಪಟ ಕಳಿ ಯೇಸುಕ್ ಗೊತ್ತಾಚಿ. ಅಕ್ಕ ಅಂವೊ: ನಿಂಗ ಎನ್ನಂಗ್ ನನ್ನ ಕೆಣಿಪಕ್ ನೋಟ್‍ವಿರ? ಒರ್ ಬೊಳ್ಳಿರ ನಾಣ್ಯತ್‍ನ ಕೊಂಡ್‌ಬಾರಿ ಅದ್‍ನ ನಾನ್ ನೋಟ್‌ವಿ.

ಮಾರ್ಕ 2:16

ಯೇಸು ಕಂದಾಯ ಎಡ್‌ಪಂವೊ ಪಿಂಞ ಸಮಾಜ ಪಾಪೀಂದ್ ಎಣ್ಣ್‌ವ ಜನಡ ಕೂಡೆ ಉಂಬದ್‌ನ ನ್ಯಾಯಪ್ರಮಾಣತ್‍ರ ಉಪಾದ್ಯಾಂಗಳಾನ ಫರಿಸಾಯಂಗ ನೋಟಿತ್, ಯೇಸುರ ಶಿಷ್ಯಂಗಡ ಪಕ್ಕ: ಎನ್ನಂಗ್ ಅಂವೊ ಕಂದಾಯ ಎಡ್‍ಪಯಿಂಗ ಪಿಂಞ ಸಮಾಜ ಪಾಪಿಯಿಂಗಾಂದ್ ಎಣ್ಣುವ ಜನಡ ಕೂಡೆ ಉಂಬಾಂದ್ ಕ್‍ೕಟತ್.

ಮಾರ್ಕ 9:16

ಅಂವೊ ದೇವಡ ವಾಕ್ಯತ್‍ರ ಉಪಾದ್ಯಂಗಳ ನೋಟಿತ್, ನಿಂಗೆಲ್ಲಾರು ಎಂತ ತರ್ಕ ಮಾಡಿಯಂಡುಳ್ಳಿರಾಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:25

ಯೇಸುರ ಮೇಲೆ ತಪ್ಪ್ ಕಂಡ್‌ಪುಡಿಪಕಾಯಿತ್ ನ್ಯಾಯಪ್ರಮಾಣತ್‍ರ ಶಾಸ್ತ್ರಿ ಒಬ್ಬ: ಉಪಾದ್ಯನೇ, ನಿತ್ಯ ಜೀವ ಕ್‍ಟ್ಟ್‌ವಕ್ ನಾನ್ ಎಂತ ಮಾಡಂಡೂಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:16

ಚೆನ್ನ ಜನ ಯೇಸುನ ಕೆಣಿಪಕಾಯಿತ್: ನೀನ್ ಬಾನತ್ಂಜ ಒರ್ ಗುರ್‍ತ್‍ನ ನಂಗಕ್ ಕಾಟಿತಾಂದ್ ಕ್‍ೕಟತ್.

ಯೋಹಾನ 4:48

ಅಕ್ಕ ಯೇಸು: ನಿಂಗ ಗುರ್‌ತ್ ಪಿಂಞ ಆಶ್ಚರ್ಯ ಕಾರ್ಯತ್‍ನ ಕಾಂಗತೆ ಪೋಚೇಂಗಿ ನಿಂಗ ದಾರೂ ನನ್ನ ನಂಬುಲೇಂದ್ ಎಣ್ಣ್‌ಚಿ.

ಯೋಹಾನ 6:30

ಅದ್ಂಗ್ ಅಯಿಂಗ: ಅನ್ನನೆ ಆಚೇಂಗಿ, ನಿನ್ನ ನಂಗ ನಂಬುವನೆಕೆ ನೀನ್ ಎಂತ ಅದ್ಬುತ ಕಾರ್ಯತ್‍ನ ಮಾಡಿತ್ ಕಾಟ್‌ವಿಯಾ? ನೀನ್ ಎಂತ ಕ್ರಿಯೇನ ಮಾಡ್‌ವಿಯಾ?

ಯೋಹಾನ 7:48

ಫರಿಸಾಯಂಗ ಅಥವ ಅದಿಕಾರಿಯಂಗ ದಾರೇಂಗಿ ಅಂವೊನ ನಂಬಿತುಂಡಾ?

ಯೋಹಾನ 8:6

ಇನ್ನನೆ ಪ್ರಶ್ನೆ ಕ್‍ೕಟಿತ್, ಯೇಸು ತಪ್ಪ ಉತ್ತರತ್ಂಜ ಅಂವೊನ ಕೆಣಿಪಕಾಯಿತ್ ಅಯಿಂಗ ಪ್ರಯತ್ನಪಟ್ಟತ್. ಆಚೇಂಗಿ ಯೇಸು ಬಗ್ಗಿಯಂಡ್ ಕೈ ಬೆರತ್ಂಜ ನೆಲತ್‌ಲ್ ಒಳ್‍ದಿಯಂಡ್ ಇಂಜತ್

ಅಪೊಸ್ತಲ 5:9

ಅಕ್ಕ ಪೇತ್ರ ಅವಕ್: ಒಡೆಯಂಡ ಆತ್ಮತ್‌ನ ಪರೀಕ್ಷೆ ಮಾಡ್‌ವಕ್ ಎನ್ನಂಗ್ ನಿಂಗ ದಂಡಾಳು ಒತ್ತಂಡಿರ? ನೋಟ್, ನೀಡ ವಡಿಯನ ಪೂಪಕ್ ಪೋನ ಜನ ಇಕ್ಕ ಪಡಿರ ಪಕ್ಕ ಬಾತ್, ನಿನ್ನ ಸಹ ಎಡ್‍ತಂಡ್ ಪೋಪಾಂದ್ ಎಣ್ಣ್‌ಚಿ.

1 ಕೊರಿಂಥ 10:9

ಅಯಿಂಗಡಲ್ಲಿ ಚೆನ್ನ ಜನ ಕ್ರಿಸ್ತನ ಪರೀಕ್ಷೆ ಮಾಡ್‍ಚಿ. ಅಯಿಂಗ ಪಾಂಬ್ ಕಡಿಚಿತ್ ಚತ್ತ್ ಪೋಚಿ. ಅನ್ನನೆ ನಂಗಳು ಕ್ರಿಸ್ತನ ಪರೀಕ್ಷೆ ಮಾಡತೆ ಇಕ್ಕನ.