ಮಾರ್ಕ 7:5 - ಕೊಡವ ಬೈಬಲ್

⁵ ಅದ್ಂಗ್ ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಅಂವೊನ ನೋಟಿತ್: ಎನ್ನಂಗ್ ನೀಡ ಶಿಷ್ಯಂಗ ಪೂರ್ವ ಕಾಲತ್‍ರ ಪೆರಿಯಯಿಂಗ ಎಣ್ಣ್‌ನ ಪದ್ದತಿರ ಪ್ರಕಾರ ಮಾಡತೆ, ಕೈಯಿನ ಕತ್ತತೆ ಉಂಬಾಂದ್ ಯೇಸುನ ಕ್‍ೕಟತ್.

ಮಾರ್ಕ 7:5 ပူးပေါင်းရင်းမြစ်များ

ಮತ್ತಾಯ 15:2

ಎನ್ನಂಗ್ ನೀಡ ಶಿಷ್ಯಂಗ ಪೂರ್ವ ಕಾಲತ್‍ರ ಪೆರಿಯಯಿಂಗ ಎಣ್ಣ್‌ನ ಪದ್ದತಿನ ಮೀರಿ ನಡ್‍ಪ? ಪದ್ದತಿರ ಪ್ರಕಾರ ಕೈ ಕತ್ತತೆ ಉಂಬಲ್ಲಾಂದ್ ಕ್‍ೕಟತ್.

ಮಾರ್ಕ 7:13

ಇನ್ನನೆ ನಿಂಗಡ ಆಚಾರತ್‍ರಗುಂಡ್ ದೇವಡ ವಾಕ್ಯತ್‍ನ ಅವಮಾನಮಾಡ್‌ವಿರ. ಅನ್ನನೆ ನಿಂಗ ಬೋರೆ ವಿಷಯತತ್‌ಲ್ ಸಹ ಮಾಡಿಯಂಡುಂಡ್.

ಮಾರ್ಕ 7:8

ನಿಂಗ ದೇವಡ ವಾಕ್ಯತ್‍ನ ತ್‍ಕ್ಕಾರ ಮಾಡಿತ್, ಮನುಷ್ಯಂಡ ಉಪದೇಶ ಪ್ರಕಾರ ನಡ್‍ಪಿರ.

ಮಾರ್ಕ 7:9

ಇಂಞು ಯೇಸು, ನಿಂಗ ನಿಂಗಡ ಆಚಾರತ್‍ನ ಮಿಂಞಕ್ ನಡ್‍ತಿಯಂಡ್ ಪೋಪಕಾಯಿತ್ ಎಚ್ಚಕ್ ಹುಶಾರ್‌ಲ್ ದೇವಡ ವಾಕ್ಯತ್‍ನ ತ್‍ಕ್ಕಾರ ಮಾಡಿಯಂಡುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 21:21

ಯೆಹೂದ್ಯಂಗ ಅಲ್ಲತೆ ಬೋರೆ ಜನಾಂಗಡಡೆಲ್ ವಾಸ ಮಾಡಿಯಂಡುಳ್ಳ ಯೆಹೂದ್ಯಂಗೆಲ್ಲಾ ಅಯಿಂಗಡ ಮಕ್ಕಕ್ ಸುನ್ನತಿ ಮಾಡ್‌ವದು, ನಂಗಡ ಪದ್ದತಿರ ಪ್ರಕಾರ ನಡ್‍ಪದೂ ಬೋಂಡಾಂದ್ ನೀನ್ ಎಣ್ಣಿತ್, ನ್ಯಾಯಪ್ರಮಾಣತ್‍ನ ಬುಟ್ಟಿತ್ ಪೋಯೀಂದ್ ನೀನ್ ಬೋದನೆ ಮಾಡಿಯಂಡುಳ್ಳದ್‍ನ ಅಯಿಂಗ ಅರಿಂಜಿ ಬಂದಿತುಂಡ್.

ಅಪೊಸ್ತಲ 21:24

ನೀನ್ ಅಯಿಂಗಳ ಕೂಟಿಯಂಡ್ ಪೋಯಿತ್ ಅಯಿಂಗಡ ಕೂಡೆ ನಿನ್ನ ಶುದ್ದ ಮಾಡ್‌ವ ಆಚಾರತ್‍ಲ್ ಅಯಿಂಗ ತಂಗಡ ತೆಲ್‍ಮಿನ ಬೋಳ್‍ಚಿಡ್‌ವಕ್ ಆಪಂತ ಪಣತ್‍ನ ಕರ್ಚ್‌ಮಾಡ್: ಇನ್ನನೆ ಮಾಡ್‍ಚೇಂಗಿ ನಿಂಗಡ ವಿಷಯತ್ ಕ್‍ೕಟ ತಕ್ಕ್ ನೇರಲ್ಲಾಂದು, ನಿಂಗಳು ಸಹ ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್ಂದಂಡುಂಡ್‍ೕಂದು ಎಲ್ಲಾ ಜನಕು ಗೊತ್ತಾಪ.

ರೋಮ್ 4:12

ಅಬ್ರಹಾಮ, ಸುನ್ನತಿ ಮಾಡ್‍ನಯಿಂಗಕ್, ಅಯಿಂಗ ಸುನ್ನತಿ ಮಾಡ್‍ನಗುಂಡ್ ಮಾತ್ರ ಅಪ್ಪನಾಯಿತ್ ಅಲ್ಲತೆ, ಅಂವೊ ಸುನ್ನತಿ ಮಾಡ್‌ವಕ್ ಮಿಂಞ ಅಂವೊಂಗ್ ಇಂಜ ನಂಬಿಕೇರನೆಕೆ, ಸುನ್ನತಿ ಮಾಡ್‍ನಯಿಂಗ ನಂಬಿಕೆ ಇಡ್‍ವಕ, ಅಂವೊ ಅಯಿಂಗಕ್ ಅಪ್ಪನಾಯಿತ್ ಆಪನೆಕೆ ಆಚಿ.

ಗಲಾತ್ಯ 1:14

ಯೆಹೂದ್ಯ ಜನತ್‍ರ ಮದ್ಯತ್‍ಲ್ ನಾಡ ವಯಸ್‍ಕಾರಂಗಕಿಂಜಲು ದುಂಬ ಗೊತ್ತುಳ್ಳಂವೊನಾಯಿತ್, ನಾಡ ಅಜ್ಜಂಗಡ ಪದ್ದತಿರ ಮೇಲೆ ದುಂಬ ವೈರಾಗ್ಯತ್‍ಲ್ ನಡ್ಂದಂಡಿಂಜ.

2 ಥೆಸಲೊನೀಕ 3:11

ನಿಂಗಡಲ್ಲಿ, ಯೇಸುನ ನಂಬ್‍ನ ಚೆನ್ನ ಜನ, ಒರ್ ಕೆಲಸವು ಮಾಡತೆ, ಕಾಲ ಕಳಂದಂಡ್, ಬೋರೆಯಿಂಗಡ ಕೆಲಸತ್‍ಲ್ ನುಗ್ಗಿಯಂಡ್ ಉಂಡ್‍ೕಂದ್ ನಂಗಡ ಕೆಮಿಕ್ ಸುದ್ದಿ ಬಾತ್.

2 ಥೆಸಲೊನೀಕ 3:6

ನಂಗಡ ಅಣ್ಣತಮ್ಮಣಂಗಳೇ, ಸೋಮಾರಿಯಾಯಿತ್ ಬದ್‍ಕಿಯಂಡ್, ನಂಗ ನಿಂಗಕ್ ಎಣ್ಣ್‌ನ ಪದ್ದತಿರ ಪ್ರಕಾರ ನಡ್‌ಂದಂಡಿಲ್ಲತ ಯೇಸುನ ನಂಬ್‍ನಯಿಂಗಳ ದೂರಮಾಡಿತ್ ಬೆಕ್ಕಂಡೂಂದ್ ಒಡೆಯನಾನ ಯೇಸು ಕ್ರಿಸ್ತ ನಂಗಕ್ ತಂದಿತುಳ್ಳ ಅದಿಕಾರತ್‍ಲ್ ನಂಗ ನಿಂಗಕ್ ಆಜ್ಞೆ ಮಾಡ್‌ವ.