ಮಾರ್ಕ 7:4 - ಕೊಡವ ಬೈಬಲ್

⁴ ಅದ್ ಅಲ್ಲತೆ ಪೇಟೇಯಿಂಜ ಬಂದ ಪಿಂಞ ಕುಳಿಕತೆ ಉಂಬಕಿಂಜಿಲೆ. ಅನ್ನನೆ ಕುಡಿಪ ಕಪ್ಪ್‌ನ, ಕುಡಿಕೆನ, ಚೆಂಬ್ ಪಾತ್ರತ್‍ನ ಚಾಯಿತೆ ಕತ್ತತೆ ಉಪಯೋಗಿಚಿಡುವಕಿಂಜಿಲೆ.

ಮಾರ್ಕ 7:4 ပူးပေါင်းရင်းမြစ်များ

ಮತ್ತಾಯ 23:25

ಕಪಟಿಯಾನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳೇ, ಫರಿಸಾಯಂಗಳೇ ನಿಂಗಕ್ ಅಯ್ಯೋ! ನಿಂಗ ಉಂಬ ಪಾತ್ರತ್‍ನ ಪಿಂಞ ಕಪ್ಪ್‌ನ ಪೊರಮೆ ಚಾಯಿತೆ ಶುದ್ದವಾಯಿತ್ ಕತ್ತ್‌ವಿರ ಆಚೇಂಗಿ ಒಳ್‍ಲ್ ಬರಿ ಅತಿ ಆಸೆ ಪಿಂಞ ಒಟ್ಟೆಕಿಚ್ಚ್ ಮಾತ್ರ ದುಂಬಿತುಂಡ್.

ಮತ್ತಾಯ 23:26

ಕುರ್‌ಡನಾನ ಫರಿಸಾಯನೇ, ಮಿಂಞ ನೀನ್ ಉಂಬ ಪಾತ್ರತ್‍ರ ಒಳ್‍ಲ್ ಚಾಯಿತೆ ಶುದ್ದ ಮಾಡ್. ಅಕ್ಕ, ಪೊರಮೆ ಉಳ್ಳದು ಶುದ್ದ ಆಪ.

ಮತ್ತಾಯ 27:24

ಗಲಾಟೆ ಜಾಸ್ತಿ ಆಪದ್ ಅಲ್ಲತೆ ಅಂವೊಂಡ ಪ್ರಯತ್ನತ್ಂಜ ಒರ್ ಪ್ರಯೋಜನವು ಇಲ್ಲೇಂದ್ ಗೊತ್ತಾನ ಪಿಂಞ ಪಿಲಾತ ಚೆನ್ನ ನೀರ್‌ನ ಎಡ್‍ತಂಡ್ ಜನಡ ಮಿಂಞ ಕೈ ಕತ್ತ್‌ವಂಜಿ, ಜನಡ ಮಿಂಞತ್: ಈ ನೀತಿವಂತಂವೊಂಡ ಚಾವ್‍ಕ್ ನಾನ್ ಜವಾಬ್‍ದಾರನಲ್ಲ! ನಿಂಗಕ್ ಎಂತ ಬೋಂಡ್‌ವೋ ಅದ್‍ನ ನಿಂಗಳೇ ಮಾಡಿಯೊಳೀಂದ್ ಎಣ್ಣ್‌ಚಿ.

ಮಾರ್ಕ 7:8

ನಿಂಗ ದೇವಡ ವಾಕ್ಯತ್‍ನ ತ್‍ಕ್ಕಾರ ಮಾಡಿತ್, ಮನುಷ್ಯಂಡ ಉಪದೇಶ ಪ್ರಕಾರ ನಡ್‍ಪಿರ.

ಯೋಹಾನ 2:6

ಆ ಜಾಗತ್‍ಲ್, ಯೆಹೂದ್ಯಂಗ ತಂಗಡ ಪದ್ದತಿರ ಪ್ರಕಾರ ಅಯಿಂಗಳ ಶುದ್ದ ಮಾಡ್‌ವಕಾಯಿತ್ ನೀರ್ ಬೆಪ್ಪಕುಳ್ಳ ಆರ್ ಕಲ್ಲ್‌ರ ಬರಣಿ ಇಂಜತ್. ಓರೋರ್ ಬರಣಿಯು ದಂಡ್ ಅಲ್ಲ ಮೂಂದ್ ಬಿಂದಿಗೆ ನೀರ್ ದುಂಬ್‌ವಚ್ಚಕ್ ಬಲ್ಯದಾಯಿತ್ಂಜತ್.

ಯೋಹಾನ 3:25

ಅಕ್ಕ ಯೋಹಾನಂಡ ಶಿಷ್ಯಂಗಕು ಯೆಹೂದ್ಯ ಒಬ್ಬಂಗು ಅಯಿಂಗಡ ಪದ್ದತಿರ ಪ್ರಕಾರ ಶುದ್ದವಾಯಿತ್ ಇಪ್ಪ ವಿಷಯತ್‍ಲ್ ವಾದ ಸುರು ಆಚಿ.

ಇಬ್ರಿಯ 9:10

ಇನ್ನನೆ ಮಾಡ್‌ವ ವಿಷಯವೆಲ್ಲ, ಪುದಿಯದಾಯಿತ್ ಬದ್‍ಲಾಪ ಕಾಲಕತ್ತನೆ ಮಾಡ್‌ವಕಾಯಿತ್ ಕ್‍ಟ್ಟ್‌ನ, ತಿಂಬಕ್ ಕುಡಿಪಕ್ ಉಳ್ಳ ಪದ್ದತಿರನೆಕೆ ಓರೋರ್ ವಿಷಯಕ್ ಕತ್ತ್‌ವಕು, ತಡೀರ ಪದ್ದತಿಯು ಅಲ್ಲತೆ ಬೋರೆ ಒಂದು ಇಲ್ಲೆ.

ಯಾಕೋಬ 4:8

ನಿಂಗ ದೇವಡ ಪಕ್ಕ ಬಾರಿ, ಅಕ್ಕ ದೇವ ನಿಂಗಡ ಪಕ್ಕ ಬಪ್ಪ. ಪಾಪಿಯಳೇ, ನಿಂಗಡ ಕೈಯಿನ ಕತ್ತಿಯೊಳಿ; ದೇವಡ ವಿಷಯತ್ ದಂಡ್ ಮನಸ್ಸ್ ಉಳ್ಳಯಿಂಗಳೇ, ನಿಂಗಡ ಹೃದಯತ್‍ನ ಶುದ್ದ ಮಾಡಿ.

1 ಯೋಹಾನ 1:7

ಆಚೇಂಗಿ, ದೇವ ಬೊಳಿಲ್ ಉಳ್ಳನೆಕೆ ನಂಗಳು ಬೊಳಿಳ್ ನಡ್ಂದತೇಂಗಿ, ಅಕ್ಕ ನಂಗ ಒಬ್ಬೊಬ್ಬಂಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಆಪ; ದೇವಡ ಮೋಂವೊನಾನ ಯೇಸು ಕ್ರಿಸ್ತಂಡ ಚೋರೆ ನಂಗಡ ಸಕಲ ಪಾಪತ್‍ನ ಶುದ್ದ ಮಾಡ್‌ವ.