ಮಾರ್ಕ 7:27 - ಕೊಡವ ಬೈಬಲ್

²⁷ ಅವಕ್ ಯೇಸು: ನಂಗಡ ಮಕ್ಕ ಮಿಂಞ ತಿಂದಿತ್ ತೃಪ್ತಿಯಾಡ್. ಚೆರಿಯ ಮಕ್ಕಡ ಆಹಾರತ್‍ನ ಎಡ್‍ತಿತ್ ನಾಯಿಕ್ ಕನಿಪದ್ ಸರಿಯಲ್ಲಾಂದ್ ಎಣ್ಣ್‌ಚಿ.

ಮಾರ್ಕ 7:27 ပူးပေါင်းရင်းမြစ်များ

ಮತ್ತಾಯ 10:5

ಈ ಪನ್ನೆರಂಡ್ ಶಿಷ್ಯಂಗಳ ಯೇಸು ಅಯಿಪಕ, ಇನ್ನನೆ ಎಚ್ಚರಿಕೆ ಮಾಡಿತ್ ಅಯಿಚತ್: ಯೆಹೂದ್ಯಂಗ ಇಲ್ಲತ ಜಾಗಕ್ ಪೋಕತಿ ಪಿಂಞ ಸಮಾರ್ಯ ಪಟ್ಟಣತ್‍ಲ್ ಕಾಲಿಡತಿ.

ಮತ್ತಾಯ 7:6

ಪವಿತ್ರವಾನ ಏದನೂ ನಾಯಿಕ್ ಕೊಡ್‌ಕತಿ. ನಿಂಗಡ ಮಾಣಿಕ್ಯತ್‍ನ ಪಂದಿಯಡ ಎದಿಕೆ ಕನಿಕತಿ. ಅನ್ನನೆ ನಿಂಗ ಮಾಡ್‍ಚೇಂಗಿ ಅಯಿಂಗ ಅದ್‍ನ ಕಾಲ್‌ಲ್ ಚೌಟಿತ್ ಬಯ್ಯ ನಿಂಗಳ ಕಡಿಪಕ್ ಬಪ್ಪ.

ಮಾರ್ಕ 7:26

ಅವ ಸಿರಿಯ ದೇಶತ್‍ರ ಪೊಯಿನಿಕ ಪ್ರಾಂತ್ಯತ್‌ಳುಲ್ಲ ಗ್ರೀಕ್ ತಕ್ಕ್ ಪರಿಯುವ ಪೊಣ್ಣಾಳಾಯಿತ್ಂಜತ್. ಅವ, ನಾಡ ಮೋವಳ ಪುಡ್‌ಚಿತುಳ್ಳ ಕೂಳಿನ ಬುಡ್‍ತಿ ಎಣ್ಣಿಯಂಡ್ ಬೋಡಿಯಂಡತ್.

ಮಾರ್ಕ 7:28

ಅದ್ಂಗ್ ಅವ: ಅಕ್ಕು ಒಡೆಯನೇ, ಮೇಜಿರ ಅಡಿಲಿಪ್ಪ ನಾಯಿಯು, ಮಕ್ಕ ತಿಂಬಕ ಅಡಿಕ್ ಬುದ್ದಾನ ತಿಂಬಾಂದ್ ಎಣ್ಣ್‌ಚಿ.

ಅಪೊಸ್ತಲ 22:21

ಅದ್ಂಗ್ ಅಂವೊ: ನೀನ್ ಪೋ, ನಾನ್ ನಿನ್ನ ದೂರ, ಯೆಹೂದ್ಯಂಗ ಅಲ್ಲತ ಬೋರೆ ಜನಡ ಪಕ್ಕ ಅಯಿಪೀಂದ್ ಎಣ್ಣ್‌ಚಿ.

ರೋಮ್ 15:8

ದೇವ ನೇರಾನಂವೋಂದ್ ನಿರೂಬಿಚಿಡ್‍ವಕಾಯಿತ್, ದೇವ ನಂಗಡ ಮುತ್ತಜ್ಜಂಗಕ್ ಮಾಡ್‍ನ ವಾಗ್ದಾನತ್‍ನ ನೆರೆವೇರಿಚಿಡುವನೆಕೆ, ಯೇಸು ಕ್ರಿಸ್ತ ಯೆಹೂದ್ಯಂಗಕ್ ಸೇವಕನಾಯಿತ್ ಬಾತ್‍ೕಂದ್ ನಾನ್ ಎಣ್ಣ್‌ವಿ.

ಎಫೆಸ 2:12

ಅಕ್ಕ ನಿಂಗ ಕ್ರಿಸ್ತಂಡಲ್ಲಿ ಕೂಡತಯಿಂಗಳಾಯಿತ್, ಇಸ್ರಾಯೇಲ್ ರಾಜ್ಯಕ್ ಕೂಡತಯಿಂಗಳಾಯಿತ್, ದೇವಡ ಒಪ್ಪಂದತ್‍ರ ವಾಗ್ದಾನಕ್ ಕೂಡತಯಿಂಗಳಾಯಿತ್, ನಿರೀಕ್ಷೆ ಇಲ್ಲತಯಿಂಗಳಾಯಿತ್, ಈ ಲೋಕತ್‍ಲ್ ದೇವ ಇಲ್ಲತಯಿಂಗಳಾಯಿತ್ ಬದ್‌ಕಿಯಂಡಿಂಜಿರಾಂದ್ ಗೇನ ಬೆಚ್ಚೊಳಿ.