ಮಾರ್ಕ 7:18 - ಕೊಡವ ಬೈಬಲ್

¹⁸ ಅದ್ಂಗ್ ಯೇಸು: ನಿಂಗಕ್ ಕೂಡೆ ಈ ತಕ್ಕ್ ಅರ್ಥ ಆಯಿತಿಲ್ಲೆಯಾ? ಮನುಷ್ಯಂಡ ಬಾಯಿರೊಳ್‌ಕ್ ಪೊರಮೆಯಿಂಜ ಪೋಪದ್ ಅಂವೊನ ಅಶುದ್ದ ಮಾಡುಲೆ,

ಮಾರ್ಕ 7:18 ပူးပေါင်းရင်းမြစ်များ

ಮತ್ತಾಯ 15:11

ಒಬ್ಬಂಡ ಬಾಯಿರ ಒಳ್‍ಕ್ ಪೋಪದ್ ಅಂವೊನ ಅಶುದ್ದ ಮಾಡುಲೆ, ಬಾಯಿಂಜ ಪೊರಮೆ ಬಪ್ಪದೇ ಅಂವೊನ ಅಶುದ್ದ ಮಾಡ್‌ವಾಂದ್ ಎಣ್ಣ್‌ಚಿ.

ಮತ್ತಾಯ 16:11

ನಾನ್ ಒಟ್ಟಿರ ವಿಷಯತ್‍ನ ತಕ್ಕ್ ಪರ್‌ಂದಿತ್‌ಲ್ಲೇಂದ್ ಎನ್ನಂಗ್ ಇಂಞು ಅರ್ಥ ಆಯಂಡಿಲ್ಲೆ. ನಿಂಗ ಫರಿಸಾಯ ಪಿಂಞ ಸದ್ದುಕಾಯಂಗಡ ಈಸ್ಟ್‌ರ ವಿಷಯತ್ ಎಚ್ಚರವಾಯಿತಿರಂಡೂಂದ್ ನಾನ್ ಎಣ್ಣಿಯೆ.

ಮಾರ್ಕ 4:13

ಪಿಂಞ ಯೇಸು ಅಯಿಂಗಳ ನೋಟಿತ್, ಈ ಕಥೇರ ರೂಪ ನಿಂಗಕ್ ಅರ್ಥ ಆಯಿತಿಲ್ಲೆಯಾ ಅನ್ನನೆ ಆಚೇಂಗಿ ನಿಂಗಕ್ ಬೋರೆ ಕಥೇರ ರೂಪ ಎನ್ನನೆ ಅರ್ಥ ಆಪ ಎಣ್ಣಿಯಂಡ್ ಕ್‍ೕಟತ್.

ಮಾರ್ಕ 7:17

ಯೇಸು ಜನಡ ಗುಂಪ್‍ನ ಬುಟ್ಟಿತ್ ಮನೆರ ಒಳ್‍ಲ್ ಪೋಪಕ, ಅಂವೊಂಡ ಶಿಷ್ಯಂಗ ನೀನ್ ಇಕ್ಕ ಎಣ್ಣ್‌ನ ತಕ್ಕ್‌ನ ಅರ್ಥ ಮಾಡಿತ್ ಬುಡ್‌ತಿತ್ ಎಣ್ಣಿತಾಂದ್ ಎಣ್ಣ್‌ಚಿ.

ಮಾರ್ಕ 7:19

ಎನ್ನಂಗೆಣ್ಣ್‌ಚೇಂಗಿ ನಂಗ ಪೊರಮೆಯಿಂಜ ಏದ್ ತಿಂಬ ಅದ್ ಕೆಲತ್‍ರ ಒಳ್‍ಕ್ ಪೋಪದಲ್ಲತೆ ಹೃದಯಕ್ ಪೋಪುಲೆ. ಕೆಲತ್‍ರ ಒಳ್‍ಕ್ ಪೋಯಿತ್ ಅರ್‌ಗಣೆ ಆಯಿತ್ ಅದ್ ಪೊರಮೆ ಬಪ್ಪ. ಆನಗುಂಡ್ ಎಲ್ಲಾನ ತಿಂಗಲೂಂದ್ ಯೇಸು ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:25

ಪಿಂಞ ಯೇಸು ಆ ದಂಡ್ ಶಿಷ್ಯಂಗಳ ನೋಟಿತ್: ನಿಂಗ ಎನ್ನಂಗ್ ನಂಬುಲೆ? ಪ್ರವಾದಿಯಂಗ ಎಣ್ಣ್‌ನಾನೆಲ್ಲ ನಂಬುವಕ್ ಎನ್ನಂಗ್ ಇಚ್ಚಕ್ ಮಂದ ಆಯಿತುಳ್ಳಿರ?

ಯೋಹಾನ 3:10

ನೀನ್ ಇಸ್ರಾಯೇಲ್‍ರ ಒರ್ ಉಪಾದ್ಯನಾಯಿತ್ಂಜತೇಂಗಿಯು ಈ ವಿಷಯವೆಲ್ಲ ನೀಕ್ ಗೊತ್ತ್‌ಲ್ಲೆಯಾಂದ್ ಯೇಸು ಅಂವೊಂಗ್ ಜವಾಬ್ ಕೊಡ್‍ತತ್.

1 ಕೊರಿಂಥ 3:2

ನಾನ್ ನಿಂಗಕ್ ಕೂಳ್‍ರನೆಕೆ ಉಳ್ಳ ಆಳವಾನ ಸತ್ಯತ್‍ನ ಬೋದನೆ ಮಾಡತೆ, ಪಾಲ್‍ರನೆಕೆ ಉಳ್ಳ, ಗಟ್ಟಿಯಿಲ್ಲತ ಸತ್ಯತ್‍ನ ಬೋದನೆ ಮಾಡಿಯೆ. ಎನ್ನಂಗೆಣ್ಣ್‌ಚೇಂಗಿ ಅಚ್ಚಕ್ ಶಕ್ತಿ ನಿಂಗಕಿಂಜಿಲೆ.

ಇಬ್ರಿಯ 5:11

ಈ ಮೆಲ್ಕಿಜೆದೇಕಂಡ ವಿಷಯತ್‍ನ ನಂಗಕ್ ಎಣ್ಣ್‌ವಕ್ ಇಂಞು ದುಂಬ ಉಂಡ್. ಆಚೇಂಗಿ, ಅರ್ಥ ಮಾಡ್‌ವಕ್ ನಿಂಗ ಕಷ್ಟಟಪಡುವಗುಂಡ್ ಆ ವಿಷಯತ್‍ನ ನಿಂಗಕ್ ವಿವರಿಚಿಡುವದ್ ಕಷ್ಟ ಆಪ.