ಮಾರ್ಕ 7:13 - ಕೊಡವ ಬೈಬಲ್

¹³ ಇನ್ನನೆ ನಿಂಗಡ ಆಚಾರತ್‍ರಗುಂಡ್ ದೇವಡ ವಾಕ್ಯತ್‍ನ ಅವಮಾನಮಾಡ್‌ವಿರ. ಅನ್ನನೆ ನಿಂಗ ಬೋರೆ ವಿಷಯತತ್‌ಲ್ ಸಹ ಮಾಡಿಯಂಡುಂಡ್.

ಮಾರ್ಕ 7:13 ပူးပေါင်းရင်းမြစ်များ

ಮತ್ತಾಯ 15:6

ಇನ್ನನೆ ಮಾಡ್‍ಚೇಂಗಿ ನಿಂಗ ನಿಂಗಡ ಜವಾಬ್ದಾರಿ ತ್‍ೕಂದತ್‍ೕಂದ್ ಎಣ್ಣುವಿರ, ಇನ್ನನೆ ನಿಂಗ ಮಾಡ್‍ಚೇಂಗಿ, ನಿಂಗ ನಿಂಗಡ ಪದ್ದತಿಕಾಯಿತ್ ದೇವಡ ವಾಕ್ಯತ್‍ನ ಬುಟ್ಟ್‌ರ್‌ವಿರ.

ಮಾರ್ಕ 7:12

ಇಂಞು ಮಿಂಞಕ್ ಅಂವೊ ಅಂವೊಂಡ ಅಪ್ಪವ್ವಂಗಕ್ ಒರ್ ಸಹಾಯವು ಮಾಡ್‌ವಕ್ ಅವಸ್ಯ ಇಲ್ಲೆ.

ಮಾರ್ಕ 7:14

ಇಂಞೊಮ್ಮ ಅಂವೊ ಜನಡ ಗುಂಪ್‍ನ ಕಾಕುವಂಜಿ, ಅಯಿಂಗಳ ನೋಟಿತ್: ನಿಂಗ ಇದ್‍ನ ಚಾಯಿ ಕ್‍ೕಳಿ, ನಾಡ ತಕ್ಕ್‌ನ, ಕ್‍ೕಟಂಡ್ ಅರ್ಥ ಮಾಡಿಯೊಳಿ.

ಮಾರ್ಕ 7:3

ಎನ್ನಂಗೆಣ್ಣ್‌ಚೇಂಗಿ ಫರಿಸಾಯಂಗ ಪಿಂಞ ಯೆಹೂದ್ಯಂಗೆಲ್ಲರು, ಪೂರ್ವ ಕಾಲತ್‍ರ ಪೆರಿಯಯಿಂಗ ಎಣ್ಣ್‌ನ ಪದ್ದತಿರ ಪ್ರಕಾರ ಕೈಯಿನ ಕತ್ತತೆ ಉಂಬಕಿಂಜಿಲೆ.

ಮಾರ್ಕ 7:5

ಅದ್ಂಗ್ ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಅಂವೊನ ನೋಟಿತ್: ಎನ್ನಂಗ್ ನೀಡ ಶಿಷ್ಯಂಗ ಪೂರ್ವ ಕಾಲತ್‍ರ ಪೆರಿಯಯಿಂಗ ಎಣ್ಣ್‌ನ ಪದ್ದತಿರ ಪ್ರಕಾರ ಮಾಡತೆ, ಕೈಯಿನ ಕತ್ತತೆ ಉಂಬಾಂದ್ ಯೇಸುನ ಕ್‍ೕಟತ್.

ಮಾರ್ಕ 7:9

ಇಂಞು ಯೇಸು, ನಿಂಗ ನಿಂಗಡ ಆಚಾರತ್‍ನ ಮಿಂಞಕ್ ನಡ್‍ತಿಯಂಡ್ ಪೋಪಕಾಯಿತ್ ಎಚ್ಚಕ್ ಹುಶಾರ್‌ಲ್ ದೇವಡ ವಾಕ್ಯತ್‍ನ ತ್‍ಕ್ಕಾರ ಮಾಡಿಯಂಡುಂಡ್‍ೕಂದ್ ಎಣ್ಣ್‌ಚಿ.

ಗಲಾತ್ಯ 1:14

ಯೆಹೂದ್ಯ ಜನತ್‍ರ ಮದ್ಯತ್‍ಲ್ ನಾಡ ವಯಸ್‍ಕಾರಂಗಕಿಂಜಲು ದುಂಬ ಗೊತ್ತುಳ್ಳಂವೊನಾಯಿತ್, ನಾಡ ಅಜ್ಜಂಗಡ ಪದ್ದತಿರ ಮೇಲೆ ದುಂಬ ವೈರಾಗ್ಯತ್‍ಲ್ ನಡ್ಂದಂಡಿಂಜ.

ಗಲಾತ್ಯ 5:21

ಪೊರಾಮೆ, ಕುಡಿ, ಕೂಟ್‌ಕಳಿ ಪಿಂಞ ಬೋರೆ ಬೋರೆ ಕೆಟ್ಟ ಕಾರ್ಯ. ನಾನ್ ನಿಂಗಕ್ ಮಿಂಞಲೇ ಎಣ್ಣ್‌ನನೆಕೆ ಪುನಃ ಎಣ್ಣ್‌ವಿ. ಈ ತರ ಮಾಡ್‌ವಯಿಂಗಕ್, ದೇವ ಅಂವೊಂಡ ಮಕ್ಕಕ್ ಕೊಡ್‍ಪಾಂದ್ ಎಣ್ಣ್‌ನ ದೇವಡ ರಾಜ್ಯತ್‍ನ ಕೊಡ್‍ಪ್‍ಲೆ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:14

ಅಯಿಂಗ ಯೆಹೂದ್ಯಂಗಡ ಕಟ್ಟ್‌ಕಥೆಕು, ಸತ್ಯತ್‍ರ ಬೋದನೆನ ತಿರಸ್ಕಾರ ಮಾಡ್‌ವ ಜನತ್‍ರ ಬೋದನೆಕ್ ಕೆಮಿ ಕೊಡ್‍ಕಂಡಾಂದು ಎಚ್ಚರ ಮಾಡ್.