ಮಾರ್ಕ 6:51 - ಕೊಡವ ಬೈಬಲ್

⁵¹ ಯೇಸು ಅಯಿಂಗಡ ಕೂಡೆ ದೋಣಿಲ್ ಅಳ್‌ತಂಡತ್. ಅಲ್ಲಿ ಬೀಜಿಯಂಡಿಂಜ ಗಾಳಿ ನಿಂದತ್. ಆ ಶಿಷ್ಯಂಗಕ್ ಇಂಞು ಆಶ್ಚರ್ಯ ಆಚಿ.

ಮಾರ್ಕ 6:51 ပူးပေါင်းရင်းမြစ်များ

ಮತ್ತಾಯ 8:10

ಇದ್‍ನ ಕ್‍ೕಟ ಯೇಸು, ಅಲ್ಲಿ ಉಳ್ಳ ಜನಳೆಲ್ಲ ನೋಟ್‌ವಂಜಿ: ಇನ್ನತ ಒರ್ ನಂಬಿಕೇನ ಇಸ್ರಾಯೇಲ್ ಜನತ್‍ಲ್ ಸಹ ನಾನ್ ಕಂಡಿತ್‌ಲ್ಲೇಂದ್ ಆಶ್ಚರ್ಯತ್‍ಲ್ ಎಣ್ಣ್‌ಚಿ.

ಮಾರ್ಕ 1:27

ಅಲ್ಲಿ ಇಂಜ ಎಲ್ಲಾ ಜನಳು ಆಶ್ಚರ್ಯಪಟ್ಟಿತ್: ಇದ್ ಎಂತ? ಈ ಪುದಿಯ ಬೋದನೆ ಎಂತದ್? ಅಂವೊ ಅದಿಕಾರತ್‍ಲ್ ಕೂಳಿಯಳ ಪೊರಮೆ ಪೋಪಕ್ ಆಜ್ಞೆ ಮಾಡ್‌ವ, ಅದೂ ಅಂವೊಂಡ ತಕ್ಕ್‌ನ ಕ್‍ೕಪಲ್ಲಾಂದ್ ಅಯಿಂಗಡ ಒಳ್‌ಲೇ ತಕ್ಕ್ ಪರ್‌ದಂಡ್ ಇಂಜತ್.

ಮಾರ್ಕ 2:12

ಅಕ್ಕಣೆಕ್, ಆ ಮನುಷ್ಯ ಎದ್ದಿತ್ ತಾಂಡ ಕಡ್‌ಕೆನ ಸುತ್ತಿಯಂಡ್ ಎಲ್ಲಾಡ ಮಿಂಞತ್ ನಡ್ಂದ್ ಪೋಚಿ. ಅಕ್ಕ ಅಲ್ಲಿ ಉಳ್ಳ ಜನ ಎಲ್ಲಾರು ಆಶ್ಚರ್ಯ ಪಟ್ಟಿತ್, ಇಂತ ಒರ್ ಅದ್ಬುತ ಕಾರ್ಯತ್‍ನ ನಂಗ ಕಂಡಿತೇ ಇಲ್ಲೇಂದ್ ಎಣ್ಣಿತ್, ದೇವನ ತುದಿಪಕ್ ಸುರು ಮಾಡ್‍ಚಿ.

ಮಾರ್ಕ 4:39

ಯೇಸು ಎದ್ದಿತ್, ನಿಪ್ಪಂಜಿ, ಗಾಳಿನ ಚೂಕಿತ್, ಕೆರೆನ ನೋಟಿತ್: ಶಾಂತ ಆಯಿರ್, ಮುಂಡತೆ ಇರ್‍ೕಂದ್ ಹುಕುಮ್ ಕೊಡ್‍ತತ್. ಅಕ್ಕನೆ ಗಾಳಿ ನಿಂದಿತ್ ದುಂಬ ಶಾಂತವಾಚಿ.

ಮಾರ್ಕ 4:41

ಅಯಿಂಗಕ್ ದುಂಬ ಪೋಡಿ ಆಯಿತ್, ಆಶ್ಚರ್ಯ ಆಯಿತ್: ಗಾಳಿಯು ಅಲೆಯು ಇಂವೊಂಗ್ ಬಗ್ಗಿತ್ ನಡ್‍ಂದಂಡುಂಡಲ್ಲ, ಈ ಮನುಷ್ಯ ದಾರಾಯಿತಿಕ್ಕೂಂದ್ ಅಯಿಂಗಯಿಂಗಳೇ ತಕ್ಕ್ ಪರ್‌ದಂಡಿಂಜ‌ತ್.

ಮಾರ್ಕ 5:42

ಅವ ಒಮ್ಮಕೆ ಎದ್ದುರ್‌ವಂಜಿ ಆಲೆ ಈಲೆ ನಡ್‍ಪಕ್ ಸುರು ಮಾಡ್‍ಚಿ. ಅವ ಪನ್ನೆರಂಡ್ ವಯಸ್‌ರ ಮೂಡಿ ಕುಂಞಿ ಆಯಿತ್ಂಜತ್. ಇದ್‍ ಅಲ್ಲಿ ಉಳ್ಳಯಿಂಗಕೆಲ್ಲಾ ಆಶ್ಚರ್ಯ ಆಚಿ.

ಮಾರ್ಕ 6:32

ಅಯಿಂಗ ದೋಣಿಲ್ ಅಳ್‌ತಿತ್ ದಾರೂ ಇಲ್ಲತ ಜಾಗಕ್ ಪೋಚಿ.

ಮಾರ್ಕ 7:37

ಯೇಸುರ ವಿಷಯತ್ ಜನಕೆಲ್ಲಾ: ಅಂವೊ ಎಲ್ಲಾ ಚಾಯಿತೆ ಮಾಡ್‍ಚಿ, ಕೆಮಿ ಕೇಕತಯಿಂಗಳ ಕ್‍ೕಪನೆಕೆ, ಬಾಯಿ ಬಕ್ಕತಯಿಂಗಳ ತಕ್ಕ ಪರಿಯುವನೆಕೆ ಮಾಡ್‍ಚೀಂದ್ ದುಂಬ ಆಶ್ಚರ್ಯ ಆಚಿ.

ಯೋಹಾನ 6:21

ಅಕ್ಕ ಅಯಿಂಗ ಯೇಸುನ ಕುಶೀಲ್ ದೋಣಿರ ಒಳ್‍ಕ್ ಕಾಕಿಯಂಡತ್. ಅಚ್ಚಕ್ ಬೆರಿಯ, ಅಯಿಂಗ ಬಪ್ಪಕುಳ್ಳ ಜಾಗಕ್ ಎತ್ತ್‌ಚಿ.