ಮಾರ್ಕ 6:46 - ಕೊಡವ ಬೈಬಲ್

⁴⁶ ಯೇಸು ಅಲ್ಲಿಯತ್‍ರ ಜನಕೆಲ್ಲ ದೇವ ನಿಂಗಕ್ ನಲ್ಲದ್ ಮಾಡಡ್‍ೕಂದ್ ಎಣ್ಣಿತ್, ದೇವಡ ಪಕ್ಕ ಪ್ರಾರ್ಥನೆ ಮಾಡ್‌ವಕ್ ಕುಂದ್‌ರ ಕೊಡಿಕ್ ಪೋಚಿ.

ಮಾರ್ಕ 6:46 ပူးပေါင်းရင်းမြစ်များ

ಮತ್ತಾಯ 14:23

ಎಲ್ಲಾ ಜನಳ ಅಯಿಚಿರುವಂಜಿ, ಅಂವೊ ಒಬ್ಬನೇ ಪ್ರಾರ್ಥನೆ ಮಾಡ್‌ವಕ್ ಕುಂದ್‌ರ ಕೊಡಿಕ್ ಪೋಚಿ. ಬಯಿಟಾಪಕ ಯೇಸು ಒಬ್ಬನೇ ಅಲ್ಲಿ ಇಂಜತ್.

ಮತ್ತಾಯ 6:6

ಆಚೇಂಗಿ ನಿಂಗ ಪ್ರಾರ್ಥನೆ ಮಾಡ್‌ವಕಾಪಕ ದಾರ್‌ಕು ಗೊತ್ತಿಲ್ಲತೆ ನಿಂಗಡ ಕೋಂಬರೇಕ್ ಪೋಯಿತ್, ಪಡಿ ಇಟ್ಟಂಡ್ ನಿಂಗಕ್ ಕಾಂಗತ ಅಪ್ಪನಾನ ದೇವನ ನೋಟಿತ್ ಪ್ರಾರ್ಥನೆ ಮಾಡಿ. ದಾರ್‌ಕು ಗೊತ್ತಿಲ್ಲತೆ ಮಾಡ್‌ವಾನೆಲ್ಲ ನೋಟುವ ನಿಂಗಡ ಅಪ್ಪ ನಿಂಗಕ್ ಫಲ ತಪ್ಪ.

ಮಾರ್ಕ 1:35

ಪಿತ್ಯಾಂದ್ ಬೊಳಿ ಬುಡ್‌ವಕ್ ಮಿಂಞಲೇ ಯೇಸು ಎದ್ದಿತ್, ದಾರೂ ಇಲ್ಲತ ಮಣಬೂಮಿಕ್ ಪೋಯಿತ್ ದೇವನ ಪ್ರಾರ್ಥನೆ ಮಾಡಿಯಂಡಿಂಜತ್.

ಮಾರ್ಕ 6:47

ಬೈಟಾಪಕ ದೋಣಿ ಕೆರೆರ ಮದ್ಯತ್‍ಲ್ ಪೋಯಿತ್ಂಜತ್; ಯೇಸು ಒಬ್ಬನೇ ಕರೆಲ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:12

ಅಂದತ ಒರ್ ದಿವಸತ್‍ಲ್ ಪ್ರಾರ್ಥನೆ ಮಾಡ್‌ವಕಾಯಿತ್ ಯೇಸು ಕುಂದ್‌ರ ಕೊಡಿಕ್ ಪೋಚಿ. ಅಲ್ಲಿ ಬೈಟೊಡಿ ಪ್ರಾರ್ಥನೆ ಮಾಡಿಯಂಡ್ ಇಂಜತ್.

ಅಪೊಸ್ತಲ 18:18

ಪೌಲ ದುಂಬ ದಿವಸ ಕೊರಿಂಥ ಪಟ್ಟಣತ್‍ಲ್ ಯೇಸುನ ನಂಬ್‍ನ ಅಣ್ಣತಮ್ಮಣಂಗಡ ಕೂಡೆ ಇಂಜ ಪಿಂಞ, ದೇವಡ ಮಕ್ಕಡಯಿಂಜ ಪೊರಟತ್. ತಾಂಗ್ ಒರ್ ಪರ್‍ಕೆ ಇಂಜಗುಂಡ್ ಕೆಂಕ್ರೆಯ ಊರ್‌ಲ್ ಮಂಡೆನ ಬೋಳ್‍ಚಿಟ್ಟಂಡ್, ಸಿರಿಯ ದೇಶಕ್ ಪೋಪಕಾಯಿತ್ ಹಡಗ್‍ನ ಪತ್ತ್‌ಚಿ. ಪ್ರಿಸ್ಕಿಲ್ಲಳು ಅಕ್ವಿಲನು ಅಂವೊಂಡ ಕೂಡೆ ಪೊರಟ್ ಪೋಚಿ.

ಅಪೊಸ್ತಲ 18:21

ದೇವಡ ಚಿತ್ತವಾಚೇಂಗಿ ಪುನಃ ನಿಂಗಡ ಪಕ್ಕ ಬಪ್ಪೀಂದ್ ಎಣ್ಣಿತ್ ಅಯಿಂಗಡ ಅಪ್ಪಣೆನ ಪಡ್ಂದಿತ್ ಪೋಚಿ. ಅಲ್ಲಿಂಜ ಹಡಗ್‍ಲ್ ಪತ್ತಿತ್ ಎಫೆಸ ಪಟ್ಟಣತ್‍ನ ಬುಟ್ಟಿತ್ ಪೋಚಿ.

2 ಕೊರಿಂಥ 2:13

ಆಚೇಂಗಿಯು, ಅಲ್ಲಿ ನಾಡ ಪ್ರೀತಿರ ತಮ್ಮಣನಾನ ತೀತನ ಕಾಂಗತಗುಂಡ್, ನಾಡ ಮನಸ್ಸ್‌ಕ್ ಸಮಾದಾನ ಇಲ್ಲತಾಚಿ. ಆನಗುಂಡ್, ನಾನ್ ಪೊರಟಿತ್ ಪೋಪೀಂದ್ ಅಯಿಂಗಕ್ ಎಣ್ಣಿತ್, ಮಕೆದೋನ್ಯ ಪ್ರಾಂತ್ಯಕ್ ಪೋಯೆ.

1 ಪೇತ್ರ 2:21

ಇದ್ಂಗಾಯಿತೇ ದೇವ ನಿಂಗಳ ಕಾಕಿಯತ್, ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತನು ನಿಂಗಕಾಯಿತ್ ಪಾಡ್‍ಪಟ್ಟಿತ್ ನಿಂಗ ಅಂವೊಂಡ ಬಟ್ಟೇಲ್ ಬಪ್ಪಕಾಯಿತ್ ಅಂವೊನ ಒರ್ ಉದಾರಣೆಯಾಯಿತ್ ಮಾಡ್‍ಚಿ.