ಮಾರ್ಕ 6:21 - ಕೊಡವ ಬೈಬಲ್

²¹ ಒಮ್ಮ ಹೆರೋದ ತಾಂಡ ಪುಟ್ಟ್‌ನ ದಿವಸತ್‍ಲ್ ಬಲ್ಯ ಬಲ್ಯ ಅದಿಕಾರಿಯಳ, ಪಡೆಲುಳ್ಳ ಬಲ್ಯ ಸೇನಾದಿಪತಿಯಳ, ಗಲಿಲಾಯತ್‍ಲುಳ್ಳ ಮುಕ್ಯಪಟ್ಟ ಜನಳ ಕಾಕಿತ್ ಗದ್ದಾಳ ಮಾಡ್‍ಚಿ. ಅಕ್ಕ ಹೆರೋದ್ಯಕ್ ಸಂದರ್ಪ ಕ್‌ಟ್ಟಿಪೋಚಿ.

ಮಾರ್ಕ 6:21 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 27:41

ಅಂವೊಂಡ ಅಪ್ಪ ಯಾಕೋಬನ ಆಶೀರ್ವಾದ ಮಾಡ್‍ನಗುಂಡ್, ಅಂದಿಂಜ ಏಸಾವ, ಯಾಕೋಬಂಡ ಮೇಲೆ ಪಗೆ ಬೆಚ್ಚಂಡ್, ತಾಂಡ ಮನಸ್ಸ್‌ಲ್: ನಾಡ ಪಪ್ಪ ಬೆರಿಯ ಚತ್ತ್‌ ಪೋಪ. ಅಕ್ಕ ನಾನ್‌ ಯಾಕೋಬನ ಕೊಂದ್ರುವಾಂದ್‌ ಗೇನ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 40:20

ಮೂಂದನೆ ದಿವಸ ಫರೋಹನ ಪುಟ್ಟ್‌ನ ದಿವಸವಾಯಿತ್‌ಂಜತ್. ಆನಗೊಂಡ್‌ ಅಂವೊ ತಾಂಡ ಅದಿಕಾರಿಯಂಗಕ್‌ ಗದ್ದಾಳ ಮಾಡ್‌ಚಿ. ಜೈಲ್‌ಕ್‌ ಇಟ್ಟ ತಾಂಗ್‌ ದ್ರಾಕ್ಷಿರಸ ಮಾಡಿ ಕೊಡ್‌ಪಯಿಂಗಡ ಮುಖ್ಯಸ್ತನು ಅಡಿಗೆ ಮಾಡ್‌ವಯಿಂಗಡ ಮುಖ್ಯಸ್ತನು ಆಯಿತಿಂಜ ಆ ದಂಡ್‌ ಅದಿಕಾರಿಯಳ ಸಹ ಫರೋಹನ ಪೊರಮೆ ಕಾಕ್‌ಚಿಟ್ಟಿತ್‌ ಗೌರವ ಮಾಡ್‌ಚಿ.

ಎಸ್ತೆರ್‌ 2:18

ತಾಂಡ ಎಲ್ಲಾ ಪ್ರಬುವಯಿಂಗಕು, ಸೇವಕಂಗಕು, ಎಸ್ತೇರಂಡ ಪೆದತ್‌ಲ್‌ ಬಲ್ಯ ನಮ್ಮೆ ಮಾಡಿತ್, ಎಲ್ಲಾ ಪ್ರಾಂತ್ಯತ್‌ ಸುಂಕತ್‌ನ ಕಮ್ಮಿ ಮಾಡಿತ್, ರಾಜಂಡ ಗನತ್‍ಕ್ ಸೆರಿಯಾಯಿತ್‌ ಉದಾರವಾಯಿತ್‌ ಇನಾಮ್‌ ಅಯಿಚತ್.

ಎಸ್ತೆರ್‌ 3:7

ರಾಜನಾನ ಅಹಷ್ವೇರೋಷಂಡ ಆಳ್‌ವಿಕೆರ ಪನ್ನೆರಂಡನೇ ಕಾಲತ್, ನಿಸಾನ್‌ ಎಣ್ಣುವ ತಿಂಗವಾನ ಮೊದಲೆನ ತಿಂಗತ್‌ಲ್‌ ಹಾಮಾನಂಡ ಮಿಂಞತ್‌ಲ್‌ ಪೂರ್‌ ಎಣ್ಣುವ ಚೀಟಿನ, ಏದ್‌ ದಿವಸ ಪಿಂಞ ಏದ್‌ ತಿಂಗಾಂದ್‌ ತೀರ್ಮಾನ ಮಾಡುವಕ್‌ ಪ್ರತಿ ದಿವಸಕು, ಪ್ರತಿ ತಿಂಗಕು ಇಟ್ಟತ್. ಆ ಚೀಟಿ ಆದಾರ್‌ ತಿಂಗವಾನ ಪನ್ನರಂಡನೆ ತಿಂಗಕ್‌ ಬುದ್ದತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:1

ಕೈಸರನಾನ ತಿಬೇರಿಯ ರಾಜ್ಯಬಾರ ಮಾಡ್‍ನ ಪದ್‌ನಂಜನೆ ಕಾಲತ್‍ಲ್, ಪೊಂತ್ಯ ಪಿಲಾತ ಯೂದಾಯ ಪ್ರಾಂತ್ಯತ್‍ರ ಅದಿಪತಿಯಾಯಿತು, ಹೆರೋದ ಗಲಿಲಾಯ ಪ್ರಾಂತ್ಯತ್‍ರ ಉಪರಾಜಾನಾಯಿತು, ಅಂವೊಂಡ ತಮ್ಮಣ ಫಿಲಿಪ್ಪ, ಇತುರಾಯಾ ಪಿಂಞ ತ್ರಕೋನೀತಿ ಪ್ರಾಂತ್ಯಂಗಕ್ ಉಪರಾಜನಾಯಿತು, ಲುಸನ್ಯ ಅಬಿಲೇನೆ ಪ್ರಾಂತ್ಯಕ್ ಉಪರಾಜನಾಯಿತು ಇಂಜತ್.

ಅಪೊಸ್ತಲ 25:23

ಪಿತ್ಯಾಂದ್ ಅಗ್ರಿಪ್ಪ ರಾಜನು ಬೆರ್ನಿಕೆ ರಾಣಿಯು ರಾಜ್ಯತ್‍ರ ಬಲ್ಯ ಆಡಂಬರತ್‌ಲ್, ಸೇನೆರ ಅದಿಪತಿಯಂಗ ಪಿಂಞ ಪಟ್ಟಣತ್‍ರ ಮುಕ್ಯಪಟ್ಟಯಿಂಗಡ ಕೂಡೆ ವಿಚಾರಣೆ ಸ್ತಳಕ್ ಬಾತ್. ಅಕ್ಕ ಫೆಸ್ತ ಹುಕುಮ್ ಕೊಡ್‌ಪಕ, ಪೌಲನ ಅಲ್ಲಿಕ್ ಕಾಕಿಯಂಡ್ ಬಾತ್.

1 ಪೇತ್ರ 4:3

ಕಯಿಂಜ ಕಾಲತ್‍ಲ್ ನಂಗ ದೇವನ ಗೊತ್ತ್‌ಲ್ಲತಯಿಂಗ ಎನ್ನನೆ ಬದ್‍ಕಂಡೂಂದ್ ಗೇನಮಾಡ್‍ಚೋ ಅನ್ನನೆ ಬೋಂಡಿಯಚ್ಚಕ್ ಬದ್‍ಕಿರ್‌ತ್. ಅಕ್ಕ ನಂಗ ತಡೀರ ಮೋಹತ್‍ಲ್, ಇಚ್ಛೆಲ್ ನಡ್‌ದಂಡ್, ಕುಡಿಚಂಡ್, ಕೂಟ್‌ಕಳಿ ಮಾಡ್‌ವಯಿಂಗಳಾಯಿತ್, ಕುಡ್‍ಕಂಗಳಾಯಿತ್ ಅಸಹ್ಯವಾನ ವಿಗ್ರಹ ಆರಾದನೆ ಮಾಡಿಯಂಡ್ ಇಂಜತ್.

ಪ್ರಕಟನೆ 11:10

ಈ ದಂಡ್ ಪ್ರವಾದಿಯಳು ಬೂಮಿರ ಜನತ್‍ನ ಹಿಂಸೆ ಮಾಡ್‍ನಗುಂಡ್, ಅಯಿಂಗಕಾಯಿತ್ ಬೂಮಿಲ್ ವಾಸ ಮಾಡಿಯಂಡ್ ಉಳ್ಳಯಿಂಗ ದುಂಬ ಕುಶಿಪಟ್ಟಿತ್ ಕೊಂಡಾಡಿತ್ ಒಬ್ಬೊಂಗೊಬ್ಬ ಇನಾಮ್‍ನ ಅಯಿಪ.