ಮಾರ್ಕ 6:2 - ಕೊಡವ ಬೈಬಲ್

² ಸಬ್ಬತ್ ದಿನ ಬಪ್ಪಕ ಸಬಾಮಂದಿರತ್‍ಲ್ ಬೋದನೆ ಮಾಡ್‌ವಕ್ ಸುರು ಮಾಡ್‍ಚಿ. ದುಂಬ ಜನ ಕೂಡಿತ್ಂಜತ್. ಅಯಿಂಗಕ್ ಇಂವೊಂಡ ಉಪದೇಶತ್‍ನ ಕ್‍ೕಟಿತ್ ದುಂಬ ಆಶ್ಚರ್ಯ ಆಚಿ. ಇನ್ನತ ಉಪದೇಶವೆಲ್ಲ ಇಂವೊಂಗ್ ಎಲ್ಲಿಂಜ ಕ್‍ಟ್ಟ್‌ಚಿ? ಎಲ್ಲಿಂಜ ಈ ತರ ಜ್ಞಾನ ಕ್‍ಟ್ಟ್‌ಚಿ? ಇಂವೊ ಎನ್ನನೆ ಈ ತರ ಅದ್ಬುತ ಕಾರ್ಯ ಮಾಡಿಯಂಡುಂಡ್?

ಮಾರ್ಕ 6:2 ပူးပေါင်းရင်းမြစ်များ

ಮತ್ತಾಯ 4:23

ಪಿಂಞ ಯೇಸು, ಗಲಿಲಾಯ ನಾಡ್‍ಕೆಲ್ಲಾ ಪೋಯಿತ್, ಅಯಿಂಗಡ ಸಬಾಮಂದಿರತ್‍ಲ್ ಬೋದನೆ ಮಾಡಿಯಂಡ್, ದೇವಡ ರಾಜ್ಯತ್‍ರ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡ್, ಅಲ್ಲಿಯತ್‍ರ ಜನಡ ಎಲ್ಲಾ ಕಾಯಿಲೆನ ಪಿಂಞ ರೋಗತ್‍ನ ವಾಸಿ ಮಾಡ್‍ಚಿ.

ಮತ್ತಾಯ 7:28

ಯೇಸು ಇನ್ನನೆಯೆಲ್ಲಾ ಬೋದನೆ ಕೊಡ್‍ತ ಪಿಂಞ ಜನಯೆಲ್ಲಾ ದುಂಬ ಆಶ್ಚರ್ಯ ಪಟ್ಟತ್.

ಮಾರ್ಕ 1:39

ಅನ್ನನೆ ಅಂವೊ ಗಲಿಲಾಯ ನಾಡ್‍ಕೆಲ್ಲಾ ಪೋಯಿತ್, ಅಯಿಂಗಡ ಸಬಾಮಂದಿರತ್‍ಲ್ ದೇವಡ ವಿಷಯತ್‍ನ ಬೋದನೆ ಮಾಡಿಯಂಡ್, ಕೂಳಿನ ಪುಡ್‌ಚಯಿಂಗಕ್ ಕೂಳಿನ ಬುಡ್‌ತಿತ್ ಜನಳ ವಾಸಿ ಮಾಡ್‍ಚಿ.

ಮಾರ್ಕ 10:1

ಯೇಸು ಆ ಜಾಗತ್‍ನ ಬುಟ್ಟಿತ್ ಯೊರ್ದನ್ ಎಣ್ಣುವ ಕೆರೆನ ದಾಟಿತ್ ಯೆಹೂದ್ಯ ಪ್ರಾಂತ್ಯಕ್ ಬಾತ್. ದುಂಬ ಜನ ಕೂಡಿತ್ ಯೇಸುರ ಪಕ್ಕ ಬಪ್ಪಕ್ ಸುರು ಮಾಡ್‍ಚಿ. ಅಯಿಂಗಕೆಲ್ಲ ಎಕ್ಕಲೂ ಮಾಡ್‌ವನೆಕೆ ಬೋದನೆ ಮಾಡಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:47

ಅಂವೊಂಡ ತಕ್ಕ್ ಕ್‍ೕಟ ಎಲ್ಲಾರ್‌ಕು ಅಂವೊಂಡ ಬುದ್ದಿನ ಪಿಂಞ ಅಂವೊ ಎಣ್ಣ್‌ನ ಉತ್ತರತ್‍ನ ಕ್‍ೕಟಿತ್ ಆಶ್ಚರ್ಯ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:15

ಯೇಸು ಅಯಿಂಗಡ ಸಬಾಮಂದಿರತ್‍ಲ್ ಬೋದನೆ ಮಾಡಿಯಂಡಿಂಜತ್. ಎಲ್ಲಾರು ಅಂವೊನ ಹೊಗಳ್‍ಚಿ.

ಯೋಹಾನ 6:42

ಇಂವೊ ಯೋಸೇಫಂಡ ಮೋಂವೊನಾನ ಯೇಸು ಅಲ್ಲಾ? ಅಂವೊಂಡ ಅಪ್ಪವ್ವನ ನಂಗಕ್ ಗೊತ್ತುಂಡಲ್ಲ? ಅನ್ನನೆ ಇಪ್ಪಕ, ನಾನ್ ಪರಲೋಕತ್ಂಜ ಬಂದಂವೋಂದ್ ಇಂವೊ ಎಣ್ಣ್‌ವದ್ ಎನ್ನನೇಂದ್ ಎಣ್ಣ್‌ಚಿ.

ಯೋಹಾನ 7:15

ಯೇಸು ಬೋದನೆ ಮಾಡ್‌ವಾನ ಕ್‍ೕಟಿತ್, ಇಂವೊ ಪಡಿಚಿತ್‌ಲ್ಲೆ, ಆಚೇಂಗಿಯು, ದೇವಡ ವಾಕ್ಯತ್‍ನ ಇಚ್ಚಕ್ ಚಾಯಿತೆ ಎನ್ನನೆ ಬೋದನೆ ಮಾಡ್‌ವಾಂದ್ ಯೆಹೂದ್ಯಂಗಡ ಅದಿಕಾರಿಯಂಗ ದುಂಬ ಆಶ್ಚರ್ಯತ್‍ಲ್ ಕ್‍ೕಟತ್.