ಮಾರ್ಕ 6:15 - ಕೊಡವ ಬೈಬಲ್

¹⁵ ಚೆನ್ನ ಜನ: ಇಂವೊ ಎಲೀಯ ಪ್ರವಾದಿ ಎಣ್ಣ್‌ವಂವೊನಾಯಿತಿಕ್ಕೂಂದ್ ಎಣ್ಣ್‌ಚಿ; ಇಂಞು ಚೆನ್ನ ಜನ: ಇಂವೊ ಒರ್ ಪೂರ್ವ ಕಾಲತ್‍ರ ಪ್ರವಾದಿ ಆಯಿತಿಕ್ಕೂಂದ್ ತಕ್ಕ್ ಪರ್ಂದಂಡ್ ಇಂಜತ್.

ಮಾರ್ಕ 6:15 ပူးပေါင်းရင်းမြစ်များ

ಮಲಾಕಿ 4:5

ಇದಾ, ಯೆಹೋವಂಡ ಬಲ್ಯ ಪಿಂಞ ಬಯಂಗರವಾನ ದಿವಸ ಬಪ್ಪಕ್‌ ಮಿಂಞ ನಾನ್‌ ನಿಂಗಡ ಪಕ್ಕ ಎಲೀಯ ಪ್ರವಾದಿನ ಅಯಿಚಂಡುಳ್ಳ.

ಮತ್ತಾಯ 16:14

ಅದ್ಂಗ್ ಅಯಿಂಗ: ಚೆನ್ನ ಜನ ನಿನ್ನ ದೀಕ್ಷಾಸ್ನಾನ ತಪ್ಪ ಯೋಹಾನಾಂದು, ಚೆನ್ನ ಜನ ಎಲೀಯಾಂದು, ಇಂಞು ಚೆನ್ನ ಜನ ಯೆರೆ‌ಮೀಯಾಂದು ಪಿಂಞ ಇಂಞು ಚೆನ್ನ ಜನ ದೇವಡ ಒರು ಪ್ರವಾದೀಂದು ಕಾಕುವಾಂದ್ ಎಣ್ಣ್‌ಚಿ.

ಮತ್ತಾಯ 21:11

ಇಂವೊ ಗಲಿಲಾಯತ್‍ಲ್ ಉಳ್ಳ ನಜರೇತ್‍ರ ಪ್ರವಾದಿ ಯೇಸೂಂದ್ ಎಣ್ಣ್‌ಚಿ.

ಮಾರ್ಕ 6:16

ಈ ವಿಷಯತ್‌ನೆಲ್ಲ ಹೆರೋದ ರಾಜ ಕ್‍ೕಟಿತ್: ನಾನ್ ಮಂಡೆನ ಕೆತ್ತ್‌ಚಿಟ್ಟ ಯೋಹಾನನೇ ಇಂವೊ; ಆಚೇಂಗಿ ಅಂವೊ ಎದ್ದಿತ್ ಬಾತ್‍ೕಂದ್ ಎಣ್ಣ್‌ಚಿ.

ಮಾರ್ಕ 8:28

ಅದ್ಂಗ್: ಚೆನ್ನ ಜನ ನೀನ್ ದೀಕ್ಷಾಸ್ನಾನ ತಪ್ಪ ಯೋಹಾನಾಂದು, ಚೆನ್ನ ಜನ ನೀನ್ ಎಲೀಯಾಂದು, ಚೆನ್ನ ಜನ ನೀನ್ ದಾರೋ ಒರು ಪ್ರವಾದೀಂದು ಎಣ್ಣಿಯಂಡುಂಡ್‍ೕಂದ್ ಅಯಿಂಗ ಜವಾಬ್ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:17

ಅಂವೊ ಎಲೀಯಕ್ ಇಂಜ ಅದೇ ಆತ್ಮ ಪಿಂಞ ಶಕ್ತಿಲ್ ಒಡೆಯಂಗಿಂಜ ಮಿಂಞ ಅರಿಚಿಡುವಂವೊನಾಯಿತ್ ಪೋಪ. ನೀಡ ಮೋಂವೊನಾನ ಯೋಹಾನನಗುಂಡ್ ಅಪ್ಪಂಗಡ ಹೃದಯ ಅಯಿಂಗಡ ಮಕ್ಕಡ ಬರಿಲ್ ತಿರುವ. ಬಗ್ಗಿತ್ ನಡ್‍ಕತ ಉಳ್ಳ ಜನಳ ನೀತಿವಂತಯಿಂಗಡ ಜ್ಞಾನಕ್ ತಿರುವ. ಇನ್ನನೆ ಯೋಹಾನ, ಜನತ್‍ನ ದೇವಕ್ ತಯಾರ್ ಮಾಡ್‌ವಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:16

ಅಲ್ಲಿ ಉಳ್ಳಯಿಂಗಕೆಲ್ಲಾ ಪೋಡಿ ಆಯಿತ್, ನಂಗಡ ಕೂಟ್‌ಲ್ ಒರ್ ಬಲ್ಯ ಪ್ರವಾದಿ ಎದ್ದಿತುಂಡ್; ದೇವ ತಾಂಡ ಜನಳ ಕಾಪಾಡ್‌ವಕ್ ಬಾತ್‍ೕಂದ್ ದೇವನ ತುದಿಪಕ್ ಸುರು ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:39

ಯೇಸುನ ಮನೆಕ್ ಕಾಕ್‍ನ ಫರಿಸಾಯ, ಇದ‌ನ್ನೆಲ್ಲ ನೋಟಿತ್, ಈ ಮನುಷ್ಯ ಒರ್ ಪ್ರವಾದಿಯಾಯಿತ್ಂಜತೇಂಗಿ, ತಾಂಡ ಕಾಲ್‌ನ ಮುಟ್ಟುವ ಈ ಪೊಣ್ಣಾಳ್ ದಾರ್‍ೕಂದ್ ಗೊತ್ತಾಪಕಿಂಜತ್; ಎನ್ನಂಗೆಣ್ಣ್‌ಚೇಂಗಿ, ಇವ ಒರ್ ಪಾಪೀಂದ್ ಅಂವೊಂಡೊಳ್‌ಲೇ ಗೇನ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:19

ಅದ್ಂಗ್: ಚೆನ್ನ ಜನ ನೀನ್ ದೀಕ್ಷಾಸ್ನಾನ ತಪ್ಪ ಯೋಹಾನಾಂದೂ, ಚೆನ್ನ ಜನ ನೀನ್ ಎಲೀಯಾಂದೂ, ಇಂಞು ಚೆನ್ನ ಜನ ನೀನ್ ದಾರೋ ಒರು ಪೂರ್ವ ಕಾಲತ್‍ರ ಪ್ರವಾದೀಂದೂ ಎಣ್ಣಿಯಂಡುಂಡ್‍ೕಂದ್ ಅಯಿಂಗ ಜವಾಬ್ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:8

ಚೆನ್ನ ಜನ ಎಲೀಯ ಬಾತ್ ಕಾಂಬಾಂದ್ ಎಣ್ಣ್‌ಚಿ, ಬೋರೆ ಚೆನ್ನ ಜನ ಪಂಡತ ಪ್ರವಾದಿ ಒಬ್ಬ ಬದ್‌ಕಿತ್ ಬಾತ್ ಕಾಂಬಾಂದ್ ಎಣ್ಣ್‌ನಗುಂಡ್ ಅಂವೊಂಗ್ ದುಂಬ ಗಾಬರಿ ಆಚಿ.

ಯೋಹಾನ 1:21

ಅದ್ಂಗ್ ಅಯಿಂಗ: ಅನ್ನನಾಚೇಂಗಿ ನೀನ್ ದಾರ್? ನೀನ್ ಎಲೀಯಾನಾಂದ್ ಕ್‍ೕಟತ್. ಅದ್ಂಗ್ ಯೋಹಾನ: ನಾನ್ ಎಲೀಯ ಅಲ್ಲಾಂದ್ ಎಣ್ಣ್‌ಚಿ. ನೀನ್ ಪ್ರವಾದಿಯಾಂದ್ ಕ್‍ೕಟತ್, ಅಕ್ಕ ಅಂವೊ: ಇಲ್ಲೇಂದ್ ಎಣ್ಣ್‌ಚಿ.

ಯೋಹಾನ 1:25

ಅಕ್ಕ ಅಯಿಂಗ: ನೀನ್ ಕ್ರಿಸ್ತನು ಅಲ್ಲ, ಎಲೀಯನು ಅಲ್ಲ, ಒರ್ ಪ್ರವಾದಿಯು ಅಲ್ಲಾಂದ್ ಎಣ್ಣ್‌ಚೇಂಗಿ, ಪಿಂಞ ಎನ್ನಂಗ್ ನೀನ್ ದೀಕ್ಷಾಸ್ನಾನ ಕೊಡ್‍ಪಿಯಾಂದ್ ಕ್‍ೕಟತ್.

ಯೋಹಾನ 6:14

ಯೇಸು ಮಾಡ್‍ನ ಈ ಅದ್ಬುತ ಕಾರ್ಯತ್‍ನ ಕಂಡ ಜನ ನೇರಾಯಿತು ಇಂವೊ ಈ ಲೋಕಕ್ ಬಪ್ಪಕಿಂಜ ಪ್ರವಾದೀಂದ್ ಎಣ್ಣ್‌ಚಿ.

ಯೋಹಾನ 7:40

ಅಲ್ಲಿ ಇಂಜ ಜನಡ ಗುಂಪ್‍ಯಿಂಜ ದುಂಬ ಜನ ಯೇಸು ಎಣ್ಣ್‌ನ ತಕ್ಕ್‌ನ ಕ್‍ೕಟಿತ್: ಇಂವೊ ನೇರಾಯಿತು ಒರ್ ಪ್ರವಾದೀಂದ್ ಎಣ್ಣ್‌ಚಿ.

ಯೋಹಾನ 9:17

ಇಂಞೊಮ್ಮ ಫರಿಸಾಯಂಗ ಅಂವೊನ ನೋಟಿತ್: ಅಂವೊ ನಿನ್ನ ವಾಸಿ ಮಾಡ್‍ಚೀಂದ್ ಎಣ್ಣುವಿಯ ಅಲ್ಲಾ, ಅಂವೊಂಡ ವಿಷಯತ್ ನೀನ್ ಎಂತ ಎಣ್ಣುವಿಯಾಂದ್ ಕ್‍ೕಟತ್. ಅದ್ಂಗ್ ಆ ಕುರ್‌ಡನಾಯಿತಿಂಜಂವೊ: ಅಂವೊ ಒರ್ ಪ್ರವಾದೀಂದ್ ಎಣ್ಣ್‌ಚಿ.