ಮಾರ್ಕ 5:40 - ಕೊಡವ ಬೈಬಲ್

⁴⁰ ಯೇಸುರ ತಕ್ಕ್‌ಕ್ ಅಲ್ಲಿ ಉಳ್ಳಯಿಂಗೆಲ್ಲಾ ತೆಳ್‍ಚತ್. ಯೇಸು ಅಯಿಂಗಳೆಲ್ಲ ಪೊರಮೆ ಇಟ್ಟಿತ್, ಬರಿ ಕುಂಞಿರ ಅಪ್ಪವ್ವ ಅಂವೊಂಡ ಮೂಂದ್ ಶಿಷ್ಯಂಗಳ ಕಾಕಿಯಂಡ್ ಕುಂಞಿ ಬುದ್ದಂಡುಳ್ಳ ಕೋಂಬರೇಕ್ ಪೋಚಿ.

ಮಾರ್ಕ 5:40 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 19:14

ಅಕ್ಕ ಲೋಟ ಪೊರಮೆ ಪೋಯಿತ್‌ ತಾಂಡ ಮೂಡಿ ಮಕ್ಕಕ್‌ ಗೊತ್ತ್‌ಮಾಡ್‌ನ ಮೈಮಂಗಡ ಪಕ್ಕ ಪೋಯಿತ್: ನಿಂಗ ಎದ್ದಿತ್‌ ಈ ಜಾಗತ್‌ನ ಬುಟ್ಟಿತ್‌ ಪೋಯಿರಿ. ಯೆಹೋವ ಈ ಪಟ್ಟಣತ್‌ನ ನಾಶಮಾಡ್‌ವಕ್‌ ಉಂಡ್‍ೕಂದ್‌ ಎಣ್ಣ್‌ಚಿ. ಆಚೇಂಗಿ ಅಯಿಂಗ ಲೋಟ ತಮಾಶಿ ಮಾಡಿಯಂಡುಂಡ್‍ೕಂದ್‌ ಗೇನ ಮಾಡ್‌ಚಿ.

ಮತ್ತಾಯ 15:11

ಒಬ್ಬಂಡ ಬಾಯಿರ ಒಳ್‍ಕ್ ಪೋಪದ್ ಅಂವೊನ ಅಶುದ್ದ ಮಾಡುಲೆ, ಬಾಯಿಂಜ ಪೊರಮೆ ಬಪ್ಪದೇ ಅಂವೊನ ಅಶುದ್ದ ಮಾಡ್‌ವಾಂದ್ ಎಣ್ಣ್‌ಚಿ.

ಮತ್ತಾಯ 7:6

ಪವಿತ್ರವಾನ ಏದನೂ ನಾಯಿಕ್ ಕೊಡ್‌ಕತಿ. ನಿಂಗಡ ಮಾಣಿಕ್ಯತ್‍ನ ಪಂದಿಯಡ ಎದಿಕೆ ಕನಿಕತಿ. ಅನ್ನನೆ ನಿಂಗ ಮಾಡ್‍ಚೇಂಗಿ ಅಯಿಂಗ ಅದ್‍ನ ಕಾಲ್‌ಲ್ ಚೌಟಿತ್ ಬಯ್ಯ ನಿಂಗಳ ಕಡಿಪಕ್ ಬಪ್ಪ.

ಮಾರ್ಕ 5:39

ಯೇಸು ಒಳ್‍ಕ್ ಪೋಯಿತ್ ಎಂತ ಇಚ್ಚಕೆಲ್ಲಾ ಗಾಬರಿ? ಎನ್ನಂಗ್ ನಿಂಗ ಮೊರಟಂಡುಳ್ಳಿರ? ಕುಂಞಿ ಚತ್ತಿತ್‌ಲ್ಲೆ, ಅವ ವರಿಯಂಡ್ ಮಾತ್ರ ಉಂಡ್‍ೕಂದ್ ಯೇಸು ಎಣ್ಣ್‌ಚಿ.

ಮಾರ್ಕ 5:41

ಕುಂಞಿರ ಕೈಯಿನ ಪುಡ್‌ಚಿತ್ ತಲಿಥಾಕೂಮ್‌ಂದ್ ಎಣ್ಣ್‌ಚಿ. ಅದ್ಂಗ್ ಚುಮ್ಮಿ ಕುಂಞಿ ನೀನ್ ಏಳ್‍ೕಂದ್ ನಾನ್ ಎಣ್ಣ್‌ವೀಂದ್ ಅರ್ಥ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:14

ಅಲ್ಲಿ ಚೆನ್ನ ಫರಿಸಾಯಂಗ ಇಂಜತ್. ಫರಿಸಾಯಂಗಕ್ ಪಣತ್‍ರ ಆಸೆ ದುಂಬ ಇಂಜತ್. ಯೇಸು ಈ ತರ ತಕ್ಕ್ ಪರಿಯುವಾನ ಕ್‍ೕಟಿತ್, ಅಂವೊಂಡ ವಿಷಯ ಎಣ್ಣಿತ್ ಕೆಣಕಿಯಂಡಿಂಜತ್.

ಅಪೊಸ್ತಲ 17:32

ಪೌಲ ಚತ್ತಯಿಂಗಡ ವಿಷಯತ್‍ನ ಎಣ್ಣ್‌ವಕ, ಚೆನ್ನ ಜನ ಪೌಲಂಗಿಂಜ ನಂಗಕ್ ಚಾಯಿ ಗೊತ್ತುಂಡ್‍ೕಂದ್ ತಮಾಷಿ ಮಾಡ್‍ಚಿ. ಚೆನ್ನ ಜನ, ನೀನ್ ಎಣ್ಣ್‌ವಾನ ಇಂಞೊರ್ ಕುರಿ ನಂಗ ಕ್‍ೕಪಾಂದ್ ಎಣ್ಣ್‌ಚಿ.