ಮಾರ್ಕ 5:35 - ಕೊಡವ ಬೈಬಲ್

³⁵ ಯೇಸು ಇನ್ನನೆ ತಕ್ಕ್ ಪರ್‌ದಂಡ್ ಇಪ್ಪಕ ಸಬಾಮಂದಿರ ಅದಿಕಾರಿಯಡ ಮನೇಯಿಂಜ ಚೆನ್ನ ಜನ ಸುದ್ದಿ ಎಡ್‌ತ ಬಂದಿತ್, ನೀಡ ಮೋವ ಚತ್ತ್ ಪೋಚಿ ಎನ್ನಂಗ್ ಈ ಉಪಾದ್ಯಂಗ್ ಇಂಞು ತೊಂದರೆ ಕೊಡ್‍ಪಿಯಾಂದ್ ಎಣ್ಣ್‌ಚಿ.

ಮಾರ್ಕ 5:35 ပူးပေါင်းရင်းမြစ်များ

ಮತ್ತಾಯ 26:10

ಯೇಸುಕ್ ಇದ್ ಗೊತ್ತಾಯಿತ್, ಅಯಿಂಗಳ ನೋಟಿತ್: ನಿಂಗ ಎನ್ನಂಗ್ ಆ ಪೊಣ್ಣಾಳ್‍ನ ತೊಂದರೆ ಮಾಡ್‌ವಿರ, ಅವ ನಾಕ್ ನಲ್ಲ ಕಾರ್ಯತ್‍ನ ಮಾಡಿತುಂಡ್.

ಮತ್ತಾಯ 26:18

ಅದ್ಂಗ್ ಯೇಸು: ನಿಂಗ, ಪಟ್ಟಣತ್‍ಲ್ ಒರ್ ಮನುಷ್ಯಂಡ ಪಕ್ಕ ಪೋಯಿತ್, ಉಪಾದ್ಯ ಎಣ್ಣ್‌ಚಿ, ನಾಡ ಸಮಯ ಪಕ್ಕ ಉಂಡ್, ನಾನು ನಾಡ ಶಿಷ್ಯಂಗಳು ನೀಡ ಮನೆಲ್ ನಮ್ಮೆ ಮಾಡ್‌ವಾಂದ್ ಎಣ್ಣೀಂದ್ ಎಣ್ಣ್‌ಚಿ.

ಮತ್ತಾಯ 9:18

ಇನ್ನನೆ ಯೇಸು ತಕ್ಕ್ ಪರ್‌ದಂಡ್ ಇಪ್ಪಕಾಪಕ, ಒರ್ ಅದಿಕಾರಿ ಬಂದಿತ್ ಯೇಸುರ ಪಕ್ಕ ಮೊಣಕಾಲ್ ಇಟ್ಟಿತ್, ನಾಡ ಮೋವ ಇಕ್ಕಲೆ ಚತ್ತ್ ಪೋಚಿ. ಆಚೇಂಗಿ ನೀನ್ ಬಂದಿತ್ ನೀಡ ಕೈಯಿನ ಅವಡ ಮೇಲೆ ಬೆಚ್ಚತೇಂಗಿ ಅವ ಬದ್‌ಕ್‌ವಾಂದ್ ಎಣ್ಣ್‌ಚಿ.

ಮಾರ್ಕ 10:17

ಯೇಸು ಅಲ್ಲಿಂಜ ಪೋಪಕ್ ಪೊರಟತ್. ಪೋಯಂಡಿಪ್ಪಕ ಒರ್ ಮನುಷ್ಯ ಓಡಿ ಬಂದಿತ್ ಅಂವೊಂಡ ಮಿಂಞಕ್ ಮೊಣಕಾಲ್ ಇಟ್ಟಿತ್; ನಲ್ಲ ಉಪಾದ್ಯನೇ, ನಿತ್ಯ ಜೀವ ಕ್‍ಟ್ಟ್‌ವಕ್ ನಾನ್ ಎಂತ ಮಾಡಂಡೂಂದ್ ಕ್‍ೕಟತ್.

ಮಾರ್ಕ 5:22

ಸಬಾಮಂದಿರತ್‍ರ ಒರ್ ಅದಿಕಾರಿಯಾಯಿತ್ಂಜ ಯಾಯೀರ ಎಣ್ಣ್‌ವಂವೊ ಯೇಸುನ ಕಾಂಬದು ಅಂವೊಂಡ ಪಕ್ಕ ಬಾತ್. ಅಂವೊ ಮೊಣಕಾಲ್ ಇಟ್ಟಿತ್,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:49

ಯೇಸು ಇನ್ನನೆ ತಕ್ಕ್ ಪರ್‌ದಂಡ್ ಇಪ್ಪಕ ಯಾಯೀರಂಡ ಮನೇಯಿಂಜ ಒಬ್ಬ ಬಂದಿತ್: ನೀಡ ಮೋವ ಚತ್ತ್ ಪೋಚಿ! ಯೇಸುಕ್ ಇಂಞು ತೊಂದರೆ ಕೊಡ್‌ಕತೇಂದ್ ಎಣ್ಣ್‌ಚಿ.

ಯೋಹಾನ 11:21

ಮಾರ್ಥ ಯೇಸುಕ್: ಒಡೆಯನೇ, ನೀನ್ ಇಲ್ಲಿಯೇ ಇಂಜಿತ್ಂಜತೇಂಗಿ ನಂಗಡ ತಮ್ಮಣ ಚಾವಕಿಂಜಿಲೇಂದ್ ಎಣ್ಣ್‌ಚಿ.

ಯೋಹಾನ 11:25

ಯೇಸು ಅವಳ ನೋಟಿತ್: ನಾನೇ ಚತ್ತ್ ಪೋನಯಿಂಗಳ ಪುನಃ ಜೀವವಾಯಿತ್ ಎಪ್ಪ್‌ಚಿಡ್‌ವಕ್ ಶಕ್ತಿಯುಳ್ಳಂವೊನು, ನಾನೇ ನಿತ್ಯ ಜೀವತ್‍ನ ತಪ್ಪಂವೊನೂ ಆಯಿತುಂಡ್. ನಾಡ ಮೇಲೆ ನಂಬಿಕೆ ಇಡ್‌ವಯಿಂಗ ಚತ್ತ್ ಪೋಚೇಂಗಿಯು ಪುನಃ ಬದ್‍ಕ್‍ವ.

ಯೋಹಾನ 11:28

ಮಾರ್ಥ ಇದ್‍ನೆಲ್ಲಾ ಎಣ್ಣಿತಾನ ಪಿಂಞ ಪುನಃ ಪೋಯಿತ್ ಮರಿಯಳ ಬೋರೆಯಾಯಿತ್ ಕಾಕುವಂಜಿ, ಉಪಾದ್ಯ ಇಲ್ಲಿ ಬಂದಿತುಂಡ್, ನಿನ್ನ ಕಾಕಿಯಂಡುಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 11:32

ಯೇಸು ಇಂಜ ಜಾಗಕ್ ಮರಿಯ ಬಪ್ಪಂಜಿ, ಅಂವೊನ ಕಾಂಬಕ, ಅಂವೊಂಡ ಕಾಲ್‌ಕ್ ಬೂವಂಜಿ, ಒಡೆಯನೇ, ನೀನ್ ಇಲ್ಲಿ ಇಂಜಿತ್ಂಜತೇಂಗಿ, ನಂಗಡ ತಮ್ಮಣ ಚಾವಕಿಂಜಿಲೇಂದ್ ಎಣ್ಣ್‌ಚಿ.

ಯೋಹಾನ 11:39

ಆ ಕಲ್ಲ್‌ನ ಎಡೀಂದ್ ಯೇಸು ಅಲ್ಲಿ ಉಳ್ಳಯಿಂಗಕ್ ಎಣ್ಣ್‌ಚಿ. ಅಕ್ಕ ಚತ್ತ್ ಪೋಯಿತ್ಂಜಂವೊಂಡ ಅಕ್ಕ ಮಾರ್ಥ: ನಾತ ಬಪ್ಪಾಂದ್ ಎಣ್ಣ್‌ಚಿ.

ಯೋಹಾನ 5:25

ಚತ್ತಯಿಂಗ ದೇವಡ ಮೋಂವೊಂಡ ಸ್ವರ ಕ್‍ೕಪ ಕಾಲ ಬಪ್ಪ, ಆ ಸಮಯ ಇಕ್ಕಲೆ ಬಂದಿತುಂಡ್. ಸ್ವರತ್‍ನ ಕ್‍ೕಪಯಿಂಗ ಜೀವವಾಯಿತ್ ಬಪ್ಪಾಂದ್ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.