ಮಾರ್ಕ 5:34 - ಕೊಡವ ಬೈಬಲ್

³⁴ ಯೇಸು ತಿರಿತ್ ಅವಳ ನೋಟಿತ್: ನಾಡ ಮೋಳೆ, ದೈರ್ಯ ಎಡ್‌ತ, ನೀಡ ನಂಬಿಕೆ ನಿನ್ನ ವಾಸಿ ಮಾಡ್‍ಚಿ. ನೀನ್ ಶಾಂತಿಲ್ ಪೋಯಿತ್, ಪೂರ್ತಿ ವಾಸಿಯಾಯಿತ್ ಕುಶೀಲ್ ಪೋಂದ್ ಯೇಸು ಎಣ್ಣ್‌ಚಿ.

ಮಾರ್ಕ 5:34 ပူးပေါင်းရင်းမြစ်များ

ಮತ್ತಾಯ 9:2

ಚೆನ್ನ ಜನ ಅಲ್ಲಿಕ್, ಪಾರ್ಶ್ವವಾಯುಲ್ ನರಳಿಯಂಡಿಂಜ ಒರ್ ಮನುಷ್ಯನ, ಕಡ್‌ಕೆರ ಮೇಲೆ ಬುದ್ದಾಕ್‌ಚಿಟ್ಟಿತ್ ಕಾಕಿಯಂಡ್ ಬಾತ್. ಯೇಸು ಅಯಿಂಗಡ ನಂಬಿಕೇನ ಕಂಡಿತ್: ನಾಡ ಮೋಂವೊನೇ, ದೈರ್ಯ ಎಡ್‌ತ, ನೀಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟ್‌ಚೀಂದ್ ಎಣ್ಣ್‌ಚಿ.

ಮತ್ತಾಯ 9:22

ಯೇಸು ತಿರಿತ್ ಅವಳ ನೋಟಿತ್: ನಾಡ ಮೋಳೆ, ದೈರ್ಯ ಎಡ್‌ತ, ನೀಡ ನಂಬಿಕೆ ನಿನ್ನ ವಾಸಿ ಮಾಡ್‍ಚೀಂದ್ ಎಣ್ಣ್‌ಚಿ. ಆ ಕ್ಷಣತ್‍ಲ್ ಅವಡ ರೋಗ ವಾಸಿ ಆಚಿ.

ಮಾರ್ಕ 10:52

ಅಕ್ಕ ಯೇಸು: ನೀನ್ ಇಲ್ಲಿಂಜ ಪೋ ನಾಡ ಮೇಲೆ ಉಳ್ಳ ನೀಡ ನಂಬಿಕೆ ನಿನ್ನ ಚಾಯಿ ಮಾಡ್‍ಚಿ. ಅಚ್ಚಕ್ ಬೆರಿಯ ಅಂವೊಂಡ ಕಣ್ಣ್ ಕಾಂಬನೆಕೆ ಆಚಿ, ಅಂವೊ ಯೇಸುರ ಕೂಡೆ ಬಟ್ಟೇಲ್ ಪೋಚಿ.

ಮಾರ್ಕ 3:10

ಬಪ್ಪ ಜನಡ ಕೂಟ ಬಲ್ಯದಾನದ್‌ನ ಕಂಡಿತ್, ಯೇಸು ಅಂವೊಂಡ ಶಿಷ್ಯಂಗಕ್ ನಾಕ್ ಒರ್ ದೋಣಿನ ತಯಾರ್ ಮಾಡಿ, ಈ ಜನ ನನ್ನ ನೆರ್‍ಕತನೆಕೆ ಮಾಡೀಂದ್ ಎಣ್ಣ್‌ಚಿ.

ಮಾರ್ಕ 5:29

ಅನ್ನನೆ ಅವ ಬಂದಿತ್ ಯೇಸುರ ಬಟ್ಟೇನ ಮುಟ್ಟ್‌ಚಿ. ಅಕ್ಕಣೆಕೆ, ಅವಡ ಚೋರೆ ಪೋಪದ್ ನಿಂದ್ ಪೋಚಿ. ನಾಡ ತಡೀಲ್ ಇಂಜ ಈ ತೊಂದರೆ ವಾಸಿ ಆಯಿಪೋಚೀಂದ್ ಅವಕ್ ಗೊತ್ತಾಚಿ.

ಮಾರ್ಕ 5:33

ಆ ಪೊಣ್ಣಾಳ್‌ಕ್ ಎಂತಾಚೀಂದ್ ಗೊತ್ತಾನಗುಂಡ್ ಅವ ಬೊತ್ತಿಯಂಡ್ ಗ್‌ಡ್‌ಗಿಯಂಡ್ ಯೇಸುರ ಪಕ್ಕ ಬಂದಿತ್ ಮೊಣಕಾಲ್ ಇಟ್ಟಿತ್ ಅವಡ ಕಥೇನೆಲ್ಲ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:19

ಪಿಂಞ ಯೇಸು, ನೀನ್ ಎದ್ದಿತ್ ಪೋ, ನೀಡ ನಂಬಿಕೆ ನಿನ್ನ ಶುದ್ದಮಾಡ್‌ಚೀಂದ್ ಅಂವೊಂಗ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:42

ಯೇಸು ಅಂವೊನ ನೋಟಿತ್: ಅಕ್ಕು, ನೀ ನೋಟ್‍ವಿಯ, ನೀಡ ನಂಬಿಕೆ ನಿನ್ನ ಚಾಯಿ ಮಾಡ್‍ಚೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:50

ಆ ಪೊಣ್ಣಾಳ್‌ಕ್: ನೀಡ ನಂಬಿಕೆ ನಿನ್ನ ರಕ್ಷಣೆ ಮಾಡ್‍ಚಿ, ಶಾಂತಿಲ್ ಪೋಂದ್ ಯೇಸು ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:48

ಯೇಸು ತಿರಿತ್ ಅವಳ ನೋಟಿತ್: ನಾಡ ಮೋಳೆ, ದೈರ್ಯ ಎಡ್‌ತ, ನೀಡ ನಂಬಿಕೆ ನಿನ್ನ ವಾಸಿ ಮಾಡ್‍ಚಿ, ನೀನ್ ಚಾಯಿತೆ ಶಾಂತಿಲ್ ಪೋಂದ್ ಎಣ್ಣ್‌ಚಿ.

ಅಪೊಸ್ತಲ 14:9

ಪೌಲ ಪರಿಯುವ ತಕ್ಕ್‌ನ ಅಂವೊ ಅನ್ನನೆ ಕ್‍ೕಟಂಡ್ ಇಂಜತ್. ಪೌಲ ಅಂವೊಂಡ ಮೂಡ್‍ನ ನೋಟಿತ್, ವಾಸಿಯಾಪಕ್ ಬೋಂಡಿಯಾನ ನಂಬಿಕೆ ಅಂವೊಂಗ್ ಉಂಡ್‍ೕಂದ್ ಗೊತ್ತಾಯಿತ್:

ಅಪೊಸ್ತಲ 15:33

ಅಲ್ಲಿ ಚೆನ್ನ ಕಾಲ ಕಯಿಂಜ ಪಿಂಞ, ಅಯಿಂಗಳ ಅಯಿಚಯಿಂಗಡ ಪಕ್ಕ ಪೋಪಕಾಯಿತ್ ಅಲ್ಲಿಯತ್‍ರ ದೇವಡ ಮಕ್ಕಡಯಿಂಜ ಸಮಾದಾನತ್‍ಲ್ ಅಪ್ಪಣೆ ಎಡ್‍ತಂಡತ್.

ಅಪೊಸ್ತಲ 16:36

ಜೈಲ್‍ರ ಅದಿಕಾರಿ ಪೌಲಂಗ್ ಇನ್ನನೆ ಅರಿಚಿಟ್ಟತ್. ಅದಿಕಾರಿಯಂಗ ನಿಂಗಳ ಜೈಲಿಂಜ ಬುಡುಗಡೆ ಮಾಡಂಡೂಂದ್ ಆಜ್ಞೆ ಮಾಡಿತ್ ಸಿಪಾಯಿಯಳ ಅಯಿಚಿತುಂಡ್. ಆನಗುಂಡ್ ಇಕ್ಕ ನಿಂಗ ಸಮಾದಾನತ್‍ಲ್ ಪೊರಟ್ ಪೋಯೀಂದ್ ಎಣ್ಣ್‌ಚಿ.

ಯಾಕೋಬ 2:16

ನಿಂಗಡಲ್ಲಿ ಉಳ್ಳ ಒಬ್ಬ ಅಂವೊನ ನೋಟಿತ್: ನಿಂಗ ಶಾಂತಿಲ್ ಪೋಯಿರಿ, ತಿತ್ತ್ ಕಾಂಜಿತ್ ಕೆಲ ದುಂಬ್‌ಚಿಡೀಂದ್ ಎಣ್ಣಿತ್, ಅಂವೊಂಡ ತಡಿಕ್ ಬೋಂಡಿಯಾನದ್‍ನ ಒಂದು ಕೊಡ್‍ಕತೆ ಪೋನಕ ಪ್ರಯೋಜನ ಎಂತ?