ಮಾರ್ಕ 5:24 - ಕೊಡವ ಬೈಬಲ್

²⁴ ಯೇಸು ಅಂವೊಂಡ ಕೂಡೆ ಪೋಚಿ. ದುಂಬ ಜನಳು ಅಂವೊಂಡ ಕೂಡೆ ಅಂವೊನ ನೆರ್‌ಕಿಯಂಡ್ ಪೋಚಿ.

ಮಾರ್ಕ 5:24 ပူးပေါင်းရင်းမြစ်များ

ಮಾರ್ಕ 3:20

ಪಿಂಞ ಯೇಸು ಮನೆಕ್ ಪೋಚಿ. ಅಲ್ಲಿ ಅಂವೊಂಗು ಅಂವೊಂಡ ಶಿಷ್ಯಂಗಕು ಉಂಬಕ್ ಸಹ ಸಮಯ ಕ್‌ಟ್ಟತಚ್ಚಕ್ ಜನ ಪುನಃ ಬಂದಿತ್ ಕೂಡಿತ್ಂಜತ್.

ಮಾರ್ಕ 5:23

ನಾಡ ಮೂಡಿ ಕುಂಞಿ ದುಂಬ ಕಾಯಿಲೆಲ್ ಬುದ್ದಿತ್ ಉಂಡ್, ನೀನ್ ದಯಬೆಚ್ಚಿತ್ ಬಂದಿತ್ ನೀಡ ಕೈಯಿನ ಅವಡ ಮೇಲೆ ಬೆಯ್ಯಿ; ಅಕ್ಕ ಅವಡ ಕಾಯಿಲೆ ವಾಸಿಯಾಯಿತ್ ಬದ್‌ಕ್‌ವಾಂದ್ ಬಕ್ತಿಲ್ ಬೋಡಿಯಂಡತ್.

ಮಾರ್ಕ 5:25

ಅಲ್ಲಿ ಪನ್ನೆರಂಡ್ ಕಾಲತ್ಂಜ ಚೋರೆ ಪೋಪ ರೋಗತ್‌ಂಜ ಕಷ್ಟಪಟ್ಟಂಡಿಂಜ ಒರ್ ಪೊಣ್ಣಾಳ್ ಇಂಜತ್.

ಮಾರ್ಕ 5:31

ಅಂವೊಂಡ ಶಿಷ್ಯಂಗ ಅಂವೊನ ನೋಟಿತ್: ಇಚ್ಚಕ್ ಜನಡ ಗುಂಪ್‌ಲ್ ನಿನ್ನ ದಾರ್ ಮುಟ್ಟಿಯೇಂದ್ ಕ್‍ೕಪಿಯಲ್ಲಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:29

ಪಿಂಞ ಜನಡ ಕೂಟ ದುಂಬಿತ್ ನೂಕಿಯಂಡ್ ಬಂದಿತ್‌ಪ್ಪಕ ಯೇಸು ಎಣ್ಣ್‌ಚಿ: ಈಂಗ ಮೋಸವಾನ ಸಂತಾನಕಾರಂಗಳಾಯಿತ್ ಉಂಡ್, ಅಯಿಂಗ ಎಕ್ಕಾಲು ಒರ್ ಗುರ್‌ತ್ ಬೋಂಡೂಂದ್ ತ್‍ೕಡ್‌ವ. ಆಚೇಂಗಿಯು ಯೋನ ಪ್ರವಾದಿರ ಗುರ್‌ತ್ ಅಲ್ಲತೆ ಬೋರೆ ಒರ್ ಗುರ್‌ತು ಅಯಿಂಗಕ್ ಕಾಟಿತಪ್ಪುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:1

ಅಕ್ಕ, ಆಯಿರಾಯಿರ ಜನ ಬಂದಿತ್ ಒಬ್ಬಂಡ ಮೇಲೆ ಇಂಞೊಬ್ಬ ಚೌಟಿಯಂಡ್ ಇಪ್ಪಕ ಯೇಸು ಆದ್ಯವಾಯಿತ್ ಅಂವೊಂಡ ಶಿಷ್ಯಂಗಕ್ ಫರಿಸಾಯಂಗಡ ಈಸ್ಟ್‌ರನೆಕೆ ಉಳ್ಳ ಕಪಟ ಬೋದನೆರ ವಿಷಯತ್ ಎಚ್ಚರತ್‍ಲ್ ಇರೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:3

ಜಕ್ಕಾಯ ಯೇಸು ದಾರ್‍ೕಂದ್ ನೋಟ್‍ವಕ್ ಆತುರತ್‌ಲ್ ನೋಟಿಯಂಡ್ ಇಂಜತ್. ಆಚೇಂಗಿ ಅಂವೊ ಬಾರಿ ಕುಳ್ಳನಾಯಿತ್ ಇಂಜತ್. ಜನಡ ಗುಂಪ್ ಅಂವೊಂಡ ಮಿಂಞತ್ ಇಂಜಗುಂಡ್ ಯೇಸುನ ಕಾಂಬಕ್ ಕಯ್ಯತೆ, ಯೇಸು ಬಪ್ಪ ಬಟ್ಟೇಕ್ ಮಿಂಞ ಓಡಿ ಪೋಯಿತ್, ಯೇಸುನ ನೋಟ್‍ವಕ್ ಒರ್ ಕಾಡ್ ಅತ್ತಿ ಮರತ್‍ರ ಕೊಡಿಕ್ ಪತ್ತ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:6

ಅಕ್ಕ ಯೇಸು, ಅಯಿಂಗಡ ಕೂಡೆ ಪೋಚಿ. ಯೇಸು ಅಂವೊಂಡ ಮನೆರ ಪಕ್ಕ ಎತ್ತ್‌ವಕ, ನೂರ್ ಸಿಪಾಯಿಯರ ಅದಿಕಾರಿ ತಾಂಡ ಸ್ನೇಹಿತಯಂಗಳ ನೋಟಿತ್: ನಿಂಗ ಯೇಸುರ ಪಕ್ಕ ಪೋಯಿತ್, ಒಡೆಯನೇ, ನೀನ್ ಅಲ್ಲಿಕ್ ಬಪ್ಪಕ್ ತೊಂದರೆ ಎಡ್‍ಕತೆ, ನೀನ್ ನಾಡ ಮನೆಕ್ ಬಪ್ಪಕ್ ನಾನ್ ಯೋಗ್ಯನಲ್ಲ;

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:42

ಅಲ್ಲಿ ಒರ್ ಪೊಣ್ಣಾಳ್ ಪನ್ನೆರಂಡ್ ಕಾಲತ್ಂಜ ಚೋರೆ ಪೋಪ ರೋಗತ್‍ಲ್ ಕಷ್ಟಪಟ್ಟಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:45

ಅಕ್ಕ ಯೇಸು: ದಾರ್ ನನ್ನ ಮುಟ್ಟಿಯೇಂದ್ ಕ್‍ೕಟತ್. ಅಕ್ಕ: ನಂಗಕ್ ಗೊತ್ತಿಲ್ಲೇಂದ್ ಜನ ಎಣ್ಣ್‌ಚಿ. ಪೇತ್ರ ಪಿಂಞ ಅಂವೊಂಡ ಕೂಡೆ ಇಂಜಯಿಂಗ: ಉಪಾದ್ಯನೇ, ದುಂಬ ಜನ ನಿನ್ನ ನೆರ್‌ಕಿಯಂಡ್ ಉಂಡ್ ಪಿಂಞ ದಾರ್ ನನ್ನ ಮುಟ್ಟಿಯೇಂದ್ ಎನ್ನನೆ ಕ್‍ೕಪಿಯಾಂದ್ ಕ್‍ೕಟತ್.

ಅಪೊಸ್ತಲ 10:38

ದೇವ ನಜರೇತ್‍ರ ಯೇಸುನ ಪವಿತ್ರತ್ಮಾತ್ಂಜಲು ಶಕ್ತಿಯಿಂಜಲು ಅಬಿಷೇಕ ಮಾಡ್‍ಚಿ. ದೇವ ಅಂವೊಂಡ ಕೂಡೆ ಇಂಜಗುಂಡ್ ಅಂವೊ ನಲ್ಲದ್ ಮಾಡಿಯಂಡ್ ಸೈತಾನಂಡ ಶಕ್ತಿಲ್ ಚಿಕ್ಕಿತ್ ಪೋಯಿತ್ಂಜ ಎಲ್ಲಾರ್‍ನೂ ವಾಸಿಮಾಡಿಯಂಡ್ ಎಲ್ಲಾ ಜಾಗಕು ಪೋಯಂಡಿಂಜತ್.