ಮಾರ್ಕ 5:23 - ಕೊಡವ ಬೈಬಲ್

²³ ನಾಡ ಮೂಡಿ ಕುಂಞಿ ದುಂಬ ಕಾಯಿಲೆಲ್ ಬುದ್ದಿತ್ ಉಂಡ್, ನೀನ್ ದಯಬೆಚ್ಚಿತ್ ಬಂದಿತ್ ನೀಡ ಕೈಯಿನ ಅವಡ ಮೇಲೆ ಬೆಯ್ಯಿ; ಅಕ್ಕ ಅವಡ ಕಾಯಿಲೆ ವಾಸಿಯಾಯಿತ್ ಬದ್‌ಕ್‌ವಾಂದ್ ಬಕ್ತಿಲ್ ಬೋಡಿಯಂಡತ್.

ಮಾರ್ಕ 5:23 ပူးပေါင်းရင်းမြစ်များ

ಮತ್ತಾಯ 8:3

ಯೇಸು ಅಂವೊಂಡ ಕೈಯಿನ ನೋಟ್‌ವಂಜಿ ಅಂವೊನ ಮುಟ್ಟಿತ್: ನಾಕ್ ಕುಶಿ ಉಂಡ್, ಶುದ್ದ ಆಡ್‍ೕಂದ್ ಎಣ್ಣ್‌ಚಿ. ಒಡನೆ ಆ ಮನುಷ್ಯಂಡ ಕುಷ್ಟರೋಗ ವಾಸಿ ಆಚಿ.

ಮಾರ್ಕ 16:18

ಅಯಿಂಗ ಪಾಂಬ್‍ನ ಪುಡ್‌ಚತೇಂಗಿಯೂ, ವಿಷ ಕುಡಿಚತೇಂಗಿಯೂ ಅಯಿಂಗಕ್ ಒಂದು ಆಪುಲೆ. ಕಾಯಿಲೆ ಬಂದ ಜನಡಮೇಲೆ ಕೈ ಬೆಚ್ಚತೇಂಗಿ ಅಯಿಂಗ ವಾಸಿ ಆಪಾಂದ್ ಅಂವೊ ಎಣ್ಣ್‌ಚಿ.

ಮಾರ್ಕ 5:24

ಯೇಸು ಅಂವೊಂಡ ಕೂಡೆ ಪೋಚಿ. ದುಂಬ ಜನಳು ಅಂವೊಂಡ ಕೂಡೆ ಅಂವೊನ ನೆರ್‌ಕಿಯಂಡ್ ಪೋಚಿ.

ಮಾರ್ಕ 6:13

ಅಯಿಂಗ ದುಂಬ ಜನಡ ಕೂಳಿನ ಬುಡ್‌ತಿಯಂಡ್, ಕಾಯಿಲೆ ಉಳ್ಳ ಜನಕ್ ಎಣ್ಣೇನ ತೇಚಿತ್ ಜನಳ ವಾಸಿ ಮಾಡ್‍ಚಿ.

ಮಾರ್ಕ 7:32

ಚೆನ್ನ ಜನ, ಕೆಮಿ ಕೇಕತ ಪಿಂಞ ಬಾಯಿ ಬರತ ಒರ್ ಮನುಷ್ಯನ ಯೇಸುರ ಪಕ್ಕ ಕಾಕಿಯಂಡ್ ಬಂತ್ ನೀಡ ಕೈಯಿನ ಇಂವೊಂಡ ಮೇಲೆ ಬೆಯ್ಯ್ಂದ್ ಬೋಡಿಯಂಡತ್.

ಮಾರ್ಕ 8:23

ಯೇಸು ಆ ಮನುಷ್ಯಂಡ ಕೈ ಪುಡ್‍ಚಿ ಕಾಕಿಯಂಡ್ ಊರ್‌ರ ಆಬರಿಕ್ ಪೋಯಿತ್, ಆ ಮನುಷ್ಯಂಡ ಕಣ್ಣ್‌ಕ್ ತುಪ್ಪಿತ್, ಅಂವೊಂಡ ಮೇಲೆ ಕೈ ಬೆಚ್ಚಿತ್, ನೀಕ್ ಎಂತೇಂಗಿಯು ಕಾಂಬಕ್ ಕಯ್ಯುವಾಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:13

ಅವಡ ಮೇಲೆ ಕೈ ಬೆಚ್ಚತ್. ಅಚ್ಚಕ್ ಬೆರಿಯ ಅವ ನೇರೆ ನಿಪ್ಪಂಜಿ ದೇವನ ತುದಿಪಕ್ ಸುರು ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:38

ಪಿಂಞ ಯೇಸು ಸಬಾಮಂದಿರತ್‌ನ ಬುಟ್ಟಿತ್ ಸೀಮೋನಂಡ ಮನೆಕ್ ಪೋಚಿ. ಸೀಮೋನಂಡ ಮಾಂವಿಕ್ ಜೋರ್ ಪನಿ ಬಂದಿತ್ಂಜತ್. ಇವಡ ವಿಷಯತ್‍ನ ಅಯಿಂಗ ಯೇಸುಕ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:40

ಸೂರ್ಯ ಮುಳ್‌ಗ್‌ನ ಪಿಂಞ ಜನಯೆಲ್ಲ ನಾನಾತರ ಕಾಯಿಲೆ ಉಳ್ಳ ಜನಳ ಕಾಕಿಯಂಡ್ ಬಾತ್. ಯೇಸು ಎಲ್ಲಾಡ ಮೇಲೆ ಕೈ ಬೆಚ್ಚಿತ್ ಅಯಿಂಗಳ ವಾಸಿ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:12

ಯೇಸು, ಊರ್‌ರ ಪಡಿರ ಪಕ್ಕ ಬಪ್ಪಕಾಪಕ, ಜನ ಒರ್ ಚಾವ್ ತಡೀನ ಪೂಪಕ್ ಎಡ್‍ತಂಡ್ ಬಂದಂಡಿಂಜತ್. ಚತ್ತ್ ಪೋನಂವೊ ಅಂವೊಂಡ ಅವ್ವಕ್ ಒರೇ ಮೋಂವೊನಾಯಿತ್ಂಜತ್. ಅವಳೂ ವಿದವೆಯಾಯಿತ್ಂಜತ್. ಆ ಪೊಣ್ಣಾಳ್‍ರ ಕೂಡೆ ದುಂಬ ಜನ ಬಂದಂಡಿಂಜತ್.

ಯೋಹಾನ 11:3

ಅಕ್ಕ ಮಾರ್ಥ ಮರಿಯ ದಂಡಾಳು ಯೇಸುರ ಪಕ್ಕ ಆಳ್‌ನ ಅಯಿಚಿತ್ ಒಡೆಯನೇ, ನೀಡ ಪ್ರೀತಿರ ಸ್ನೇಹಿತ ಕಾಯಿಲೆಲ್ ಉಂಡ್‍ೕಂದ್ ಎಣ್ಣುವಕ್ ಎಣ್ಣ್‌ಚಿ.

ಅಪೊಸ್ತಲ 28:8

ಅಂವೊಂಡ ಅಪ್ಪಂಗ್ ಚೋರೆ ತೂರಾಟ ಕಾಯಿಲೆ ಪಿಂಞ ಪನಿ ಬಂದಿತ್ ಬುದ್ದಂಡ್ ಇಂಜತ್. ಪೌಲ ಅಂವೊಂಡ ಪಕ್ಕ ಪೋಯಿತ್ ಪ್ರಾರ್ಥನೆ ಮಾಡಿತ್ ಅಂವೊಂಡ ಮೇಲೆ ಕೈ ಬೆಚ್ಚಿತ್ ಅಂವೊನ ವಾಸಿ ಮಾಡ್‍ಚಿ.

ಅಪೊಸ್ತಲ 6:6

ಅಕ್ಕ, ಅಪೊಸ್ತಲಂಗ, ಪ್ರಾರ್ಥನೆ ಮಾಡಿತ್ ಅಯಿಂಗಡ ಮೇಲೆ ಕೈ ಬೆಚ್ಚತ್.

ಅಪೊಸ್ತಲ 8:17

ಅಪೊಸ್ತಲಂಗ ಅಯಿಂಗಡ ಮೇಲೆ ಕೈ ಬೆಪ್ಪಕ ಅಯಿಂಗಕ್ ಪವಿತ್ರಾತ್ಮ ಕ್‍ಟ್ಟ್‌ಚಿ.

ಅಪೊಸ್ತಲ 9:12

ಅಂವೊ, ಅನನೀಯ ಎಣ್ಣುವ ಒರ್ ಮನುಷ್ಯ ಅಂವೊಂಡ ಪಕ್ಕ ಪೋಯಿತ್, ಅಂವೊಂಗ್ ಕಣ್ಣ್ ಕಾಂಬನೆಕೆ ಅಂವೊಂಡ ಮೇಲೆ ಕೈ ಬೆಪ್ಪದ್‍ನ ಒರ್ ದರ್ಶನತ್‍ಲ್ ಕಂಡಿತುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 9:17

ಅಕ್ಕ ಅನನೀಯ ಪೊರಟಿತ್ ಸೌಲ ಇಂಜ ಮನೆರ ಒಳ್‍ಕ್ ಪೋಯಿತ್ ಅಂವೊಂಡ ಮೇಲೆ ಕೈಯಿನ ಬೆಚ್ಚಿತ್: ತಮ್ಮಣಾನ ಸೌಲನೇ, ನೀನ್ ಬಂದ ಬಟ್ಟೇಲ್, ನೀಕ್ ಕಾಂಬ್‍ಚಿಟ್ಟಂಡ ಒಡೆಯನಾನ ಯೇಸುವೇ, ನೀನ್ ಕಣ್ಣ್ ಕಾಂಬನೆಕೆ ಪಿಂಞ ನೀನ್ ಪವಿತ್ರಾತ್ಮತ್‍ಲ್ ದುಂಬ್‍ವನೆಕೆ ನನ್ನ ಅಯಿಚಿತ್‍ೕಂದ್ ಎಣ್ಣ್‌ಚಿ.