ಮಾರ್ಕ 5:22 - ಕೊಡವ ಬೈಬಲ್

²² ಸಬಾಮಂದಿರತ್‍ರ ಒರ್ ಅದಿಕಾರಿಯಾಯಿತ್ಂಜ ಯಾಯೀರ ಎಣ್ಣ್‌ವಂವೊ ಯೇಸುನ ಕಾಂಬದು ಅಂವೊಂಡ ಪಕ್ಕ ಬಾತ್. ಅಂವೊ ಮೊಣಕಾಲ್ ಇಟ್ಟಿತ್,

ಮಾರ್ಕ 5:22 ပူးပေါင်းရင်းမြစ်များ

ಮತ್ತಾಯ 2:11

ಅಯಿಂಗ ಆ ಮನೆರ ಒಳ್‍ಕ್ ಪೋಪಂಜಿ ಅಲ್ಲಿ ಆ ಕುಂಞಿನೂ ಕುಂಞಿರ ಅವ್ವ ಮರಿಯಳನೂ ಕಂಡತ್. ಕಂಡ ಪಿಂಞ ಅಯಿಂಗ ಮೊಣಕಾಲ್ ಊರಿತ್ ಅಂವೊನ ಆರಾದನೆ ಮಾಡ್‍ಚಿ. ಅಯಿಂಗ ಗಂಟ್‍ನ ತೊರಂದಿತ್ ಪೊನ್ನ್, ದೂಪ, ರಕ್ತಬೋಳನೆಲ್ಲ ಕೊಡ್‍ತತ್.

ಮಾರ್ಕ 5:33

ಆ ಪೊಣ್ಣಾಳ್‌ಕ್ ಎಂತಾಚೀಂದ್ ಗೊತ್ತಾನಗುಂಡ್ ಅವ ಬೊತ್ತಿಯಂಡ್ ಗ್‌ಡ್‌ಗಿಯಂಡ್ ಯೇಸುರ ಪಕ್ಕ ಬಂದಿತ್ ಮೊಣಕಾಲ್ ಇಟ್ಟಿತ್ ಅವಡ ಕಥೇನೆಲ್ಲ ಎಣ್ಣ್‌ಚಿ.

ಮಾರ್ಕ 5:38

ಅಲ್ಲಿ ಜನಡ ಗಾಬರಿ, ಜೋರ್ ಮೊರೆ ಪಡೆನ ಕಂಡತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:14

ಯೇಸು ಸಬ್ಬತ್ ದಿವಸತ್‍ಲ್ ವಾಸಿಮಾಡ್‍ನಗೊಂಡ್ ಸಬಾಮಂದಿತ್‍ರ ಅದಿಕಾರಿಕ್ ಚೆಡಿ ಬಾತ್. ಆ ಅದಿಕಾರಿ ಅಲ್ಲಿ ಇಂಜ ಜನಕ್, ನಂಗ ಒರ್ ವಾರತ್‍ಲ್ ಆರ್ ದಿವಸ ಕೆಲಸ ಮಾಡ್‌ವಲ್ಲ, ಆ ದಿವಸತ್‍ಲ್ ಬಂತ್ ವಾಸಿ ಮಾಡಿಯೊಳಿ, ಸಬ್ಬತ್ ದಿವಸತ್‍ಲ್ ಅನ್ನನೆ ಮಾಡ್‌ವಕ್ಕಾಗಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:8

ಸೀಮೋನ ಪೇತ್ರ ಇದ್‍ನೆಲ್ಲಾ ನೋಟಿತ್, ಸ್ವಾಮೀ! ನಾನ್ ಬಲ್ಯ ಪಾಪ ಮಾಡ್‍ನಂವೊ, ನೀನ್ ಇಲ್ಲಿಂಜ ಪೋಯಿರ್‍ೕಂದ್, ಯೇಸುರ ಕಾಲ್‌ಕ್ ಬುದ್ದತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:28

ಆ ಕೂಳಿ ಪುಡ್‌ಚ ಮನುಷ್ಯ ಯೇಸುನ ಕಂಡದು ಜೋರಾಯಿತ್ ಕೂತ್ ಕೊಡ್‌ತಿತ್, ಯೇಸುರ ಕಾಲ್‌ಕ್ ಬೂವಂಜಿ: ದೇವಾದಿ ದೇವಡ ಮೋಂವೊನಾನ ಯೇಸುವೇ, ನನ್ನಗುಂಡ್ ನೀಕ್ ಎಂತಾಂಡು? ನಾಕ್ ದಯಬೆಚ್ಚಿತ್ ಶಿಕ್ಷೆ ತರತೇಂದ್ ಎಣ್ಣ್‌ಚಿ.

ಅಪೊಸ್ತಲ 13:15

ನ್ಯಾಯಪ್ರಮಾಣ ಪಿಂಞ ಪ್ರವಾದಿಯಂಗಡ ಪುಸ್ತಕತ್‍ನ ಓದಿತಾನ ಪಿಂಞ ಸಬಾಮಂದಿರತ್‍ರ ಪೆರಿಯಯಿಂಗ, ಪೌಲ ಪಿಂಞ ಬಾರ್ನಬಂಗ್, ಅಣ್ಣತಮ್ಮಣಂಗಳೇ, ನಿಂಗ ಜನಕ್ ಬುದ್ದಿ ತಕ್ಕ್ ಎಣ್ಣ್‌ವಕ್ ಉಂಡೇಂಗಿ ಎಣ್ಣೀಂದ್ ಅಯಿಂಗಕ್ ಎಣ್ಣಿತ್ ಆಳ್‌ನ ಅಯಿಚತ್.

ಅಪೊಸ್ತಲ 18:17

ಅಕ್ಕ ಗ್ರೀಕ್ ಜನ ಎಲ್ಲಾ ಸಬಾಮಂದಿರತ್‍ರ ಅದ್ಯಕ್ಷನಾನ ಸೋಸ್ಥೆನನ ಪುಡ್‌ಚಿತ್ ನ್ಯಾಯಸ್ತಾನತ್‍ರ ಮಿಂಞತ್ ಪೊಜ್ಜತ್. ಗಲ್ಲಿಯೋನ ಅದ್ಂಗಾಯಿತ್ ಬೇಜಾರ್ ಮಾಡಿಯಂಡಿತ್‌ಲ್ಲೆ.

ಅಪೊಸ್ತಲ 18:8

ಸಬಾಮಂದಿರತ್‍ರ ಅದ್ಯಕ್ಷನಾಯಿತ್ಂಜ ಕ್ರಿಸ್ಪ ಎಣ್ಣ್‌ವಂವೊ ತಾಂಡ ಮನೆಕಾರಂಗ ಎಲ್ಲಾಡ ಕೂಡೆ ಒಕ್ಕಚೆ, ಒಡೆಯಂಡ ಮೇಲೆ ನಂಬಿಕೆ ಬೆಚ್ಚತ್. ಕೊರಿಂಥ ಪಟ್ಟಣಕ್ ಕೂಡ್‍ನ ದುಂಬ ಜನಳು, ಕ್ರಿಸ್ತಂಡ ಸುದ್ದಿನ ಕ್‍ೕಟಿತ್, ನಂಬಿತ್, ದೀಕ್ಷಾಸ್ನಾನ ಎಡ್‍ತಂಡತ್.

ಪ್ರಕಟನೆ 22:8

ಯೋಹಾನನಾನ ನಾನ್ ಇದ್‍ನ ಕಂಡಂಡ್ ಕ್‍ೕಟಂಡ್ ಇಂಜ. ಇದ್‍ನ ಕ್‍ೕಟಿತ್ ಕಂಡಿತಾನ ಪಿಂಞ, ಇದ್‍ನೆಲ್ಲ ನಾಕ್ ಕಾಟ್‍ನ ದೇವದೂತಂಡ ಕಾಲ್‌ಕ್ ಅಡ್ಡ ಬುದ್ದಿತ್ ಆರಾದನೆ ಮಾಡಿಯೆ.