ಮಾರ್ಕ 5:18 - ಕೊಡವ ಬೈಬಲ್

¹⁸ ಅನ್ನನೆ ಯೇಸು ದೋಣಿರೊಳ್‌ಲ್ ಪೋಯಿತ್ ಅಳ್‌ಪಕ, ಕೂಳಿ ಪುಡ್‍ಚಿತ್ಂಜ ಮನುಷ್ಯ ಯೇಸುನ ನೋಟಿತ್: ನೀಡ ಕೂಡೆ ನಾನು ಬಪ್ಪೀಂದ್ ಬೋಡಿಯಂಡತ್.

ಮಾರ್ಕ 5:18 ပူးပေါင်းရင်းမြစ်များ

ಮತ್ತಾಯ 4:24

ಅಂವೊಂಡ ಕೀರ್ತಿ ಸಿರಿಯ ನಾಡ್‍ಲೆಲ್ಲಾ ಪಬ್ಬ್‌ಚಿ. ಅಕ್ಕ ಬೋರೆ ಬೋರೆ ಕಾಯಿಲೆ ಪಿಂಞ ನೊಂಬಲತ್‍ಲ್ ಉಳ್ಳ ಎಲ್ಲಾ ರೋಗಿಯಳ, ಕೂಳಿ ಪುಡ್‌ಚಿತ್ಂಜಯಿಂಗಳ ಪಿಂಞ ಮೂರ್ಛೆ ರೋಗಿಯಳ, ಪಾರ್ಶವಾಯು ಕಾಯಿಲೆಯಿಂಜ ನರಳಿಯಂಡುಳ್ಳಯಿಂಗಳ ಅಂವೊಂಡ ಪಕ್ಕ ಕೊಂಡ್ ಬಾತ್. ಯೇಸು ಅಯಿಂಗಳ ವಾಸಿ ಮಾಡ್‍ಚಿ.

ಮಾರ್ಕ 5:15

ಜನ ಎಲ್ಲಾ ಯೇಸುರ ಪಕ್ಕ ಬಾತ್, ಕೂಳಿ ಪುಡ್‌ಚಂವೊ ಚಾಯಿತೆ ಬಟ್ಟೆ ಇಟ್ಟಿತ್ ನಲ್ಲ ಮನಸ್ಸ್‌ಲ್ ಅಳ್‌ತಿತ್ಂಜನ ನೋಟಿತ್ ಜನಕೆಲ್ಲಾ ಪೋಡಿ ಆಚಿ.

ಮಾರ್ಕ 5:16

ಇದ್‍ನ ಕಂಡ ಜನ ಪೋಯಿತ್, ಕೂಳಿಪುಡ್‌ಚಂವೊಂಡ ವಿಷಯ ಪಿಂಞ ಪಂದಿಯಡ ವಿಷಯತ್‍ನ ಜನಕೆಲ್ಲ ಅರಿಚಿಟ್ಟತ್.

ಮಾರ್ಕ 5:17

ಅಕ್ಕ ಜನಯೆಲ್ಲ ಯೇಸುನ ನಂಗಡ ಪ್ರಾಂತ್ಯತ್‍ನ ಬುಟ್ಟಿತ್ ಪೋಪಕ್ ಬೋಡಿಯಂಡತ್.

ಮಾರ್ಕ 5:7

ಅಂವೊ ಜೋರಾಯಿತ್ ಕೂತ್ ಕೊಡ್‌ತಂಡ್: ದೇವಾದಿ ದೇವಡ ಮೋಂವೊನಾನ ಯೇಸುವೇ, ನನ್ನಗುಂಡ್ ನೀಕ್ ಎಂತಾಂಡು, ನಾಕ್ ದಯಬೆಚ್ಚಿತ್ ಶಿಕ್ಷೆ ತರತೇಂದ್ ದೇವಡ ಮೇಲೆ ಆಣೇಂದ್ ಎಣ್ಣ್‌ಚಿ.