ಮಾರ್ಕ 4:7 - ಕೊಡವ ಬೈಬಲ್

⁷ ಚೆನ್ನ ಕುರು ಮುಳ್ಳ್ ಪೊದೆಲ್ ಬುದ್ದತ್. ಅಲ್ಲಿ ಅದ್ ಬೊಳ್ಂದತ್, ಆಚೇಂಗಿ ಮುಳ್ಳ್ ಗಿಡ ಬೊಳ್ಂದಿತ್ ಅದ್‍ನ ನೆರ್‌ಕಿತ್ ಫಲ ಕೊಡ್‍ಪಕ್ ಬುಟ್ಟಿತ್‌ಲ್ಲೆ.

ಮಾರ್ಕ 4:7 ပူးပေါင်းရင်းမြစ်များ

ಮತ್ತಾಯ 13:22

ಮುಳ್ಳ್‌ರ ಪೊದೆಲ್ ಬುದ್ದ ಕುರು ಎನ್ನನೇಂದ್ ಎಣ್ಣ್‌ಚೇಂಗಿ, ಅಯಿಂಗ ದೇವಡ ವಾಕ್ಯತ್‍ನ ಕ್‍ೕಪ. ಆಚೇಂಗಿ ಈ ಬದ್‍ಕ್‍ರ ವಿಷಯತ್ ಬೇಜಾರ್ ಮಾಡಿಯಂಡ್, ಪಣತ್‍ರ ಮೇಲೆ ಉಳ್ಳ ಆಸೆರಗುಂಡ್, ಇದೆಲ್ಲ, ಅಯಿಂಗ ಕ್‍ೕಟ ದೇವಡ ವಾಕ್ಯತ್‍ನ ನೆರ್‌ಕಿತ್, ಅಯಿಂಗ ಫಲ ಕೊಡ್‍ಕತೆ ಪೋಪ.

ಮತ್ತಾಯ 13:7

ಚೆನ್ನ ಕುರು ಮುಳ್ಳ್ ಪೊದೆಲ್ ಬುದ್ದತ್; ಮುಳ್ಳ್ ಗಿಡ ಬೊಳ್ಂದಿತ್ ಅದ್‍ನ ನೆರ್‌ಕ್‌ಚಿ.

ಮತ್ತಾಯ 13:8

ಚೆನ್ನ ಕುರು ನಲ್ಲ ಮಣ್ಣ್‌ಕ್ ಬುದ್ದತ್. ಅದ್ ಬೊಳ್ಂದಿತ್, ಚೆನ್ನ ಕುರು ನೂರಚ್ಚಕ್, ಚೆನ್ನ ಅರ್‌ವದಚ್ಚಕ್, ಚೆನ್ನ ನುಪ್ಪದಚ್ಚಕ್ ಫಲ ತಂದತ್.

ಮಾರ್ಕ 4:6

ಆಚೇಂಗಿ ಬೆದ್ ಬಪ್ಪಕ ಮೊಳೆಕೆ ಒಣಂಗಿ ಪೋಚಿ. ಎನ್ನಂಗೆಣ್ಣ್‌ಚೇಂಗಿ ಆ ಗಿಡತ್‌ರ ಬೇರ್ ಆಳವಾಯಿತ್ ಪೋಯಿತ್ಂಜಿಲೆ.

ಮಾರ್ಕ 4:8

ಚೆನ್ನ ಕುರು ಚಾಯಿ ಮಣ್ಣ್‌ರ ನೆಲತ್‌ಲ್ ಬುದ್ದತ್. ಅದ್ ಮೊಳಕೆ ಬಾತ್, ಚಾಯಿತೆ ಬೊಳ್ಂದತ್, ಚಾಯಿತೆ ಫಲ ಕೊಡ್‍ತತ್. ಚೆನ್ನ ನುಪ್ಪದ್, ಚೆನ್ನ ಅರ್‌ವದ್, ಚೆನ್ನ ನೂರಾಯಿತ್ ಫಲ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:15

ಎಲ್ಲಾ ತರ ಅತಿ ಆಸೆರ ವಿಷಯತ್‍ಲ್ ಎಚ್ಚರತ್ ಇರಿ. ನೇರಾನ ಜೀವ ನಿಂಗಡ ದುಂಬ್‍ನ ಆಸ್ತಿಯಿಂಜ ಬಪ್ಪುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:34

ನಿಂಗಡ ವಿಷಯತ್‍ಲ್ ಎಚ್ಚರತ್‍ಲ್ ಇರಿ. ನಿಂಗಡ ಸಮಯತ್‍ನೆಲ್ಲ ತಿಂಬಕಾಯಿತ್ ಕುಡಿಪಕಾಯಿತ್ ಪಿಂಞ ಬದ್‍ಕ್‍ರ ವಿಷಯಕಾಯಿತ್ ವ್ಯಸನ ಪಟ್ಟಂಡ್ ಇರತಿ. ಅನ್ನನೆ ಮಾಡಿಯಂಡಿಂಜತೇಂಗಿ, ನಿಂಗ ಗೇನ ಮಾಡತ ಸಮಯತ್‍ಲ್ ಆ ದಿವಸ ಬಂದಿತ್ ನಿಂಗಳ ಪುಡ್‌ಚಿರ್‍ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:14

ಮುಳ್ಳ್‌ರ ಪೊದೆಲ್ ಬಿತ್ತ್‌ನ ಜನ ದೇವಡ ವಾಕ್ಯತ್‍ನ ಕ್‍ೕಪ, ಅಕ್ಕಣೆ ಪೋಯಿತ್, ಈ ಬದ್‍ಕ್‍ರ ದುಃಖ, ಐಶ್ವರ್ಯತ್‍ರ ಬೋಗ ಪಿಂಞ ಬೋರೆ ಬೋರೆ ತರತ್‍ರ ಇಚ್ಛೆಯಿಂಜ ನೆರಿಂಗಿತ್ ಫಲ ಕೊಡ್‍ಕತೆ ಇಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:7

ಚೆನ್ನ ಕುರು ಮುಳ್ಳ್ ಪೊದೆಲ್ ಬುದ್ದಿತ್, ಅದ್ಂಡಕೂಡೆ ಬೊಳ್ಂದತ್, ಅನ್ನನೆ ಮುಳ್ಳ್ ಗಿಡ ಬೊಳ್ಂದಿತ್ ಅದ್‍ನ ನೆರ್‌ಕ್‌ಚಿ. ಚೆನ್ನ ಕುರು ಫಲವತ್ತಾನ ಮಣ್ಣ್‌ಲ್ ಬುದ್ದತ್.