ಮಾರ್ಕ 4:39 - ಕೊಡವ ಬೈಬಲ್

³⁹ ಯೇಸು ಎದ್ದಿತ್, ನಿಪ್ಪಂಜಿ, ಗಾಳಿನ ಚೂಕಿತ್, ಕೆರೆನ ನೋಟಿತ್: ಶಾಂತ ಆಯಿರ್, ಮುಂಡತೆ ಇರ್‍ೕಂದ್ ಹುಕುಮ್ ಕೊಡ್‍ತತ್. ಅಕ್ಕನೆ ಗಾಳಿ ನಿಂದಿತ್ ದುಂಬ ಶಾಂತವಾಚಿ.

ಮಾರ್ಕ 4:39 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 8:29

ಸಮುದ್ರತ್‌ರ ನೀರ್‌ ಕರೆನ ದಾಟಿತ್‌ ಬಕ್ಕತನೆಕೆ ಅದ್‌ಂಗ್‌ ಮಿತಿನ ಆಜ್ಞೆ ಮಾಡಿತ್, ಬೂಮಿಕ್‌ ಅಡಿಪಾಯತ್‌ನ ಇಡುವಕಲು ನಾನ್‌ ಅಲ್ಲಿ ಇಂಜ.

ಮತ್ತಾಯ 8:26

ಅದ್ಂಗ್ ಯೇಸು: ಅಲ್ಪ ನಂಬಿಕೆ ಉಳ್ಳಯಿಂಗಳೇ, ಎನ್ನಂಗ್ ನಿಂಗಕ್ ಅಚ್ಚಕ್ ಪೋಡಿ ಆಚೀಂದ್ ಕ್‍ೕಟಿತ್, ಏವಂಜಿ, ಗಾಳಿಕೂ ಅಲೆಕೂ ಮುಂಡತ್‌ಪ್ಪಕ್ ಆಜ್ಞೆ ಮಾಡ್‍ಚಿ. ಬಯ್ಯ ದುಂಬ ಶಾಂತವಾಚಿ.

ಮಾರ್ಕ 4:38

ಯೇಸು ತಲೆಮೆತ್ತೆರ ಮೇಲೆ ಮಂಡೆ ಬೆಚ್ಚಂಡ್ ದೋಣಿರ ಇಂಞೊರ್ ಮೂಲೆಲ್ ವರಿಯಂಡ್ ಇಂಜತ್. ಯೇಸುರ ಶಿಷ್ಯಂಗ ಬಂದಿತ್ ಯೇಸುನ ಎಪ್ಪ್‌ಚಿಟ್ಟಿತ್, ಉಪಾದ್ಯನೇ, ನಂಗ ಚಾವದ್ ನೀಕ್ ಬೇಜಾರಾಪ್‌ಲ್ಲೆಯಾಂದ್ ಕ್‍ೕಟತ್.

ಮಾರ್ಕ 9:25

ಅಕ್ಕ ಜನ ಅಂವೊಂಡ ಪಕ್ಕ ಓಡಿ ಬಪ್ಪದ್‍ನ ಯೇಸು ಕಂಡ್, ಕ್‍ಣ್ಣಂಡ ಮೇಲ್‌ಲ್ ಉಳ್ಳ ಕೂಳಿನ ನೋಟಿತ್: ಮೂಗ ಪಿಂಞ ಚೌಡ್ ಕೂಳಿಯೇ ಆ ಕ್‌ಣ್ಣನ ಬುಟ್ಟಿತ್ ಪೊರಮೆ ಬಾ, ಇಂಞು ಅಂವೊಂಡ ಒಳ್‍ಕ್ ಪೋಪಕ್ಕಾಗ ಎಣ್ಣಿಯಂಡ್ ಆಜ್ಞೆ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:35

ಅದ್ಂಗ್ ಯೇಸು: ನೀನ್ ಮುಂಡತೆ ಇರ್! ಈ ಮನುಷ್ಯನ ಬುಟ್ಟಿತ್ ಪೋಂದ್ ಜೋರ್ ಮಾಡ್‍ಚಿ. ಅಕ್ಕ, ಆ ಕೂಳಿ ಆ ಮನಷ್ಯನ ಎಲ್ಲಾಡ ಮಿಂಞತ್‍ಲ್ ಅಡಿಕ್ ಚಾಡ್‍ವಂಜಿ ಅಂವೊಂಗ್ ಒಂದು ತೊಂದರೆ ಆಕತನೆಕೆ ಆ ಮನುಷ್ಯನ ಬುಟ್ಟಿತ್ ಪೋಯಿರ್‌ತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:39

ಯೇಸು ಅವ ಬುದ್ದಂಡ್ ಉಳ್ಳಲ್ಲಿಕ್ ಪೋಯಿತ್ ಅವಡ ಮೇಲ್‌ಲ್ ಉಳ್ಳ ಪನಿನ ಬುಟ್ಟಿತ್ ಪೋಪಕ್ ಆಜ್ಞೆ ಮಾಡ್‍ಚಿ. ಪನಿ ಅವಳ ಬುಟ್ಟಿತ್ ಪೋಚಿ, ಅಕ್ಕಣೆ ಅವ ಎದ್ದಿತ್ ಅಯಿಂಗಕ್ ಸೇವೆ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:24

ಅಯಿಂಗೆಲ್ಲ ಅಂವೊಂಡ ಪಕ್ಕ ಪೋಯಿತ್ ಎಪ್ಪ್‌ಚಿಟ್ಟಿತ್, ಉಪಾದ್ಯನೇ, ಉಪಾದ್ಯನೇ ನಂಗ ನೀರ್‌ಲ್ ಮುಳ್‍ಗಿಯಂಡುಂಡ್‍ೕಂದ್ ಎಣ್ಣ್‌ಚಿ. ಯೇಸು ಎದ್ದಿತ್ ಗಾಳಿನ ಪಿಂಞ ಅಲೆನ ಮುಂಡತ್‌ಪ್ಪಕ್ ಆಜ್ಞೆ ಮಾಡ್‍ಚಿ. ಅಕ್ಕಣೆ, ಗಾಳಿ ನಿಂದಿತ್, ಶಾಂತಿ ಆಚಿ.