ಮಾರ್ಕ 4:28 - ಕೊಡವ ಬೈಬಲ್

²⁸ ಅಲ್ಲಿಯತ್‍ರ ಫಲವತ್ತಾನ ಮಣ್ಣ್‌ರಗುಂಡ್ ಗಿಡ ಬೊಳ್ಂದಿತ್, ಕೊಂಬ್ ಬಂದಿತ್, ಮೊಗ್ಗ್ ಬಂದಿತ್, ಕದ್ ಆಯಿತ್ ದುಂಬ ಪಣ್ಣಾಪ.

ಮಾರ್ಕ 4:28 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 2:9

ಅಲ್ಲಿ ಯೆಹೋವನಾನ ದೇವ ಎಲ್ಲಾ ತರತ್‌ರ ಮರಗಿಡಗಳನ ಉಂಟ್ ಮಾಡ್‌ಚಿ. ನೋಟ್‌ವಕ್‌ ಚಾಯಿ ಉಳ್ಳದ್‌ನ ಪಿಂಞ ತಿಂಬಕ್‌ ರಸ ಉಳ್ಳ ಎಲ್ಲಾ ತರತ್‌ರ ಮರತ್‌ನ ಬೂಮಿಯಿಂಜ ಮೊಳೆಕೆ ಬಪ್ಪನೆಕೆ ಮಾಡ್‌ಚಿ. ಆ ತೋಟತ್‌ರ ಮದ್ಯತ್‌ಲ್‌ ಜೀವ ತಪ್ಪ ಮರ ಪಿಂಞ ನಲ್ಲದ್‌ ಕೆಟ್ಟದ್‌ ಏದ್‌ಂದ್‌ ಅರಿವ್‌ ತಪ್ಪ ಮರತ್‌ನ ಮೊಳೆಕೆ ಬಪ್ಪನೆಕೆ ಮಾಡ್‌ಚಿ.

ಜ್ಞಾನತ್‌ರ ಪಡಿಮ 4:18

ನೀತಿವಂತಂಯಿಂಗಡ ಬಟ್ಟೆ ಪೊಲಾಕತ್‌ರ ಬೊಳೀರನೆಕೆ ಇಪ್ಪ, ಅದ್‌ ಎನ್ನನೆ ಎಣ್ಣ್‌ಚೇಂಗಿ ಮಜ್ಜಣತ್‌ರ ಬೊಳಿ ಪ್ರಕಾಶ ಆಯಂಡೇ ಇಪ್ಪನೆಕೆ ಜಾಸ್ತಿ ಆಯಿತ್‌ ಇಪ್ಪ.

ಮತ್ತಾಯ 13:26

ಬೊಳೆ ಬೊಳಿಯುವಕ ಕಚಡ ಕುರು ಸಹ ನಲ್ಲ ಗೋದಿ ಬೊಳೇರಕೂಡೆ ಬೊಳ್‌ದಂಡ್ ಬಾತ್.

ಮಾರ್ಕ 4:27

ಅಂವೊ ಬೈಟಾಪಕ ಬುದ್ದಂಡ್ ವರಿರುವ. ಪೊಲಾಕ ಎದ್ದಿತ್ ನೋಟ್‌ವಕಾಪಕ ಅಂವೊಂಗ್ ಗೊತ್ತಿಲ್ಲತನೆಕೆ ಕುರು ವಡಂದಿತ್ ಮೊಳಕೆ ಬಂದನೆಕೆ ಆಪ.

ಮಾರ್ಕ 4:29

ಪಣ್ಣ್ ಆನ ಪಿಂಞ ಆ ಮನುಷ್ಯ ಕೊಯಿ ಕತ್ತಿಲ್ ಕೊಯಿಪಣಿ ಸುರು ಮಾಡ್‌ವ.

ಫಿಲಿಪ್ಪಿ 1:6

ದೇವ ನಿಂಗಡಲ್ಲಿ ಸುರು ಮಾಡ್‍ನ ನಲ್ಲ ಕೆಲಸತ್‍ನ ಪೂರ್ತಿ ಮಾಡ್‌ವಕಾಯಿತ್, ಕ್ರಿಸ್ತ ಯೇಸು ಪುನಃ ಈ ಬೂಮಿಕ್ ಬಪ್ಪಕತ್ತನೆ ಮಾಡಿಯಂಡಿಪ್ಪಾಂದ್ ನಾಕ್ ನಂಬಿಕೆ ಉಂಡ್.

ಕೊಲೊಸ್ಸೆ 1:10

ಅಕ್ಕ, ನಿಂಗ ಒಡೆಯಂಗ್ ಯೋಗ್ಯವಾನ ಬದ್‍ಕ್ ಬದ್‌ಕಿತ್, ಎಲ್ಲಾ ರೀತಿಲ್ ಅಂವೊನ ಕುಶಿ ಪಡ್‍ತಿತ್, ಎಲ್ಲಾ ತರತ್‍ರ ನಲ್ಲ ಕೆಲಸತ್‌ರ ಫಲತ್‍ನ ಕೊಡ್‌ತಿತ್, ದೇವನ ಗೊತ್ತಾಪಕುಳ್ಳ ಅಂವೊಂಡ ಬುದ್ದಿಲ್ ಬೊಳಿವಿರ.