ಮಾರ್ಕ 4:26 - ಕೊಡವ ಬೈಬಲ್

²⁶ ಯೇಸು ಇನ್ನನೆ ಬೋದನೆ ಮಾಡಿಯಂಡಿಂಜತ್. ದೇವಡ ರಾಜ್ಯ ಎನ್ನನೆ ಉಂಡ್‍ೕಂದ್ ಎಣ್ಣ್‌ಚೇಂಗಿ ಒರ್ ಮನುಷ್ಯ ಕುರುನ ಅಂವೊಂಡ ಬೇಲ್‍ಕ್ ಬಿತ್ತ್‌ವನೆಕೆ.

ಮಾರ್ಕ 4:26 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 11:18

ಒರ್‌ ದುಷ್ಟಂಡ ಆದಾಯ ಮೋಸವಾಯಿತ್‌ಪ್ಪ. ಆಚೇಂಗಿ ನೀತಿನ ಬಿತ್ತ್‌ವಂವೊ ಯೋಗ್ಯವಾನ ಫಲತ್‌ನ ಪಡೆಯುವ.

ಮತ್ತಾಯ 13:11

ಅಯಿಂಗಕ್ ಅಂವೊ: ಪರಲೋಕ ರಾಜ್ಯತ್‍ರ ಗುಟ್ಟ್ ನಿಂಗಕ್ ಗೊತ್ತಾಪನೆಕೆ ಮಾಡಿತುಂಡ್. ಆಚೇಂಗಿ ಪೊರಮೆ ಉಳ್ಳಯಿಂಗಕ್ ಈ ಬಾಗ್ಯ ಕ್‍ಟ್ಟಿತ್‌ಲ್ಲೆ.

ಮತ್ತಾಯ 13:24

ಇಂಞೊರ್ ಕಥೇರ ರೂಪತ್‍ನ ಯೇಸು ಅಯಿಂಗಕ್ ಎಣ್ಣ್‌ಚಿ: ಪರಲೋಕ ರಾಜ್ಯತ್‍ನ ಇನ್ನನೆ ಎಣ್ಣ್‌ವಕ್ ಕಯ್ಯು: ಒರ್ ಮನುಷ್ಯ, ನಲ್ಲ ಗೋದಿ ಕಾಳ್‌ನ ಬೇಲ್‌ಲ್ ಬಿತ್ತುವ.

ಮತ್ತಾಯ 13:3

ಅಂವೊ ಸುಮಾರ್ ವಿಷಯತ್‍ನ ಕಥೇರ ರೂಪತ್‌ಲ್ ಎಣ್ಣ್‌ವಕಿಂಜತ್; ಕ್‍ೕಳಿ, ಒರ್ ಮನುಷ್ಯ ಕುರುನ ಬಿತ್ತ್‌ವಕ್ ಪೊರಟ್ ಪೋಚಿ.

ಮತ್ತಾಯ 13:31

ಯೇಸು ಇಂಞೊರ್ ಕಥೇರ ರೂಪತ್‍ನ ಎಣ್ಣ್‌ಚಿ. ಪರಲೋಕ ರಾಜ್ಯ ಒರ್ ಕಡು ಕುರುರನೆಕೆ. ಒರ್ ಮನುಷ್ಯ ಆ ಕಡು ಕುರುನ ತಾಂಡ ಬೇಲ್‌ಲ್ ಬಿತ್ತುವ.

ಮತ್ತಾಯ 13:33

ಯೇಸು ಇಂಞೊರ್ ಕಥೇರ ರೂಪತ್‍ನ ಎಣ್ಣ್‌ಚಿ. ಪರಲೋಕ ರಾಜ್ಯ ಎನ್ನನೆ ಎಣ್ಣ್‌ಚೇಂಗಿ, ಒರ್ ಪೊಣ್ಣಾಳ್, ಮೂಂದ್ ಸೇರ್ ಪೊಡಿಕ್, ಚೆನ್ನ ಈಸ್ಟ್‌ನ ದುಂಬ ಮುದ್ದೆಕ್ ಕಲ್‍ಕ್‍ನನೆಕೆ. ಕಡೇಕ್ ಎಲ್ಲಾ ಮುದ್ದೆಯು ಪುಳಿಯಾಪ.

ಮತ್ತಾಯ 3:2

ನಿಂಗ ನಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ಬಾರಿ, ಎನ್ನಂಗೆಣ್ಣ್‌ಚೇಂಗಿ ಪರಲೋಕ ರಾಜ್ಯ ಬೆರಿಯ ಬಪ್ಪಾಂದ್ ಬೋದನೆ ಮಾಡ್‌ವಕ್ ಸುರ್ ಮಾಡ್‍ಚಿ.

ಮತ್ತಾಯ 4:17

ಅಕ್ಕಯಿಂಜ ಯೇಸು: ನಿಂಗ ನಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ಬಾರಿ, ಪರಲೋಕ ರಾಜ್ಯ ಬೆರಿಯ ಬಂದಂಡುಂಡ್‍ೕಂದ್ ಬೋದನೆ ಮಾಡ್‌ವಕ್ ಸುರ್ ಮಾಡ್‍ಚಿ.

ಮಾರ್ಕ 4:25

ಉಳ್ಳಯಿಂಗಕ್ ಇಂಞು ಕ್‍ಟ್ಟ್‌ವ, ಇಲ್ಲತಯಿಂಗಕ್ ಚೆನ್ನ ಉಳ್ಳದ್‍ನ ಸಹ ಎಡ್‌ತ್‌ರ್‌ವ.

ಮಾರ್ಕ 4:27

ಅಂವೊ ಬೈಟಾಪಕ ಬುದ್ದಂಡ್ ವರಿರುವ. ಪೊಲಾಕ ಎದ್ದಿತ್ ನೋಟ್‌ವಕಾಪಕ ಅಂವೊಂಗ್ ಗೊತ್ತಿಲ್ಲತನೆಕೆ ಕುರು ವಡಂದಿತ್ ಮೊಳಕೆ ಬಂದನೆಕೆ ಆಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:18

ಅಕ್ಕ ಯೇಸು ಅಲ್ಲಿ ಉಳ್ಳ ಜನಳ ನೋಟಿತ್: ದೇವಡ ರಾಜ್ಯ ಎನ್ನನೇಂದ್ ಎಣ್ಣಡ್? ದೇವಡ ರಾಜ್ಯತ್‍ನ ನಾನ್ ಎಂತಾಂಗ್ ಹೋಲಿಕೆ ಮಾಡಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:11

ಈ ಕಥೇರ ರೂಪತ್‍ರ ಅರ್ಥ ಎಂತ ಎಣ್ಣ್‌ಚೇಂಗಿ: ಕುರು ದೇವಡ ವಾಕ್ಯ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:5

ಒರ್ ಮನುಷ್ಯ ಕುರುನ ಬಿತ್ತ್‌ವಕ್ ಪೊರಟ್ ಪೋಚಿ. ಅಂವೊ ಆ ಕುರುನ ಬಿತ್ತ್‌ವಕ್ ಚಾಡ್‌ವಕ ಚೆನ್ನ ಕುರು ನಡ್‍ಪ ಬಟ್ಟೇಲ್ ಬುದ್ದತ್; ಅದ್‍ನ ಜನ ಚೌಟಿರ್‌ತ್, ಆ ಕುರುನ ಬಾನತ್‍ರ ಪಕ್ಷಿಯ ಬಂದಿತ್ ತಿಂದತ್.

ಯೋಹಾನ 12:24

ನಾನ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣ್‌ವಿ: ಒರ್ ಗೋದಿರ ಕಾಳ್ ನೆಲಕ್ ಬುದ್ದಿತ್ ಚಾವತೆ ಪೋಚೇಂಗಿ ಅದ್ ಒರ್ ಕಾಳಾ‍ಯಿತ್ ಮಾತ್ರ ಇಪ್ಪ, ಆಚೇಂಗಿ ಅದ್ ಚತ್ತತೇಂಗಿ, ದುಂಬ ಫಲತ್‍ನ ತಪ್ಪ.

ಯಾಕೋಬ 3:18

ಸಮಾದಾನ ಮಾಡ್‌ವಯಿಂಗ ಸಮಾದಾನತ್‍ಲ್ ಬಿತ್ತುವ ಕುರು, ನೀತಿರ ಪಣ್ಣ್‌ನ ತಪ್ಪ.