ಮಾರ್ಕ 4:15 - ಕೊಡವ ಬೈಬಲ್

¹⁵ ಚೆನ್ನ ಜನ ಬಟ್ಟೇಲ್ ಬುದ್ದ ಕುರುರನೆಕೆ, ದೇವಡ ವಾಕ್ಯತ್‍ನ ಕ್‍ೕಪ ಆಚೇಂಗಿ ಸೈತಾನ ಬಂದಿತ್ ಅದ್‍ನ ಎಡ್‌ತ್‌ರ್‌ವ.

ಮಾರ್ಕ 4:15 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 19:14

ಅಕ್ಕ ಲೋಟ ಪೊರಮೆ ಪೋಯಿತ್‌ ತಾಂಡ ಮೂಡಿ ಮಕ್ಕಕ್‌ ಗೊತ್ತ್‌ಮಾಡ್‌ನ ಮೈಮಂಗಡ ಪಕ್ಕ ಪೋಯಿತ್: ನಿಂಗ ಎದ್ದಿತ್‌ ಈ ಜಾಗತ್‌ನ ಬುಟ್ಟಿತ್‌ ಪೋಯಿರಿ. ಯೆಹೋವ ಈ ಪಟ್ಟಣತ್‌ನ ನಾಶಮಾಡ್‌ವಕ್‌ ಉಂಡ್‍ೕಂದ್‌ ಎಣ್ಣ್‌ಚಿ. ಆಚೇಂಗಿ ಅಯಿಂಗ ಲೋಟ ತಮಾಶಿ ಮಾಡಿಯಂಡುಂಡ್‍ೕಂದ್‌ ಗೇನ ಮಾಡ್‌ಚಿ.

ಮತ್ತಾಯ 13:19

ದೇವಡ ರಾಜ್ಯತ್‍ರ ವಿಷಯತ್‍ನ ಕ್‍ೕಟಿತ್, ಅರ್ಥ ಆಕತೆ ಇಪ್ಪಕ, ಸೈತಾನ ಬಂದಿತ್ ಅಂವೊಂಡ ಹೃದಯತ್‍ಲ್ ಬುದ್ದ ಕುರುನ ಎಡ್‍ತಂಡ್ ಪೋಯಿರುವ. ಅಂವೊ ನಡ್‍ಪ ಬಟ್ಟೇಲ್ ಬುದ್ದ ಕುರುರನೆಕೆ.

ಮತ್ತಾಯ 22:5

ಆಚೇಂಗಿ ಕಾಕ್‌ನಯಿಂಗ ಅದ್‍ನ ಮನಸ್ಸ್‌ಕ್ ಎಡ್‍ಕತೆ ಒಬ್ಬ ಬೇಲ್‍ಕ್, ಇಂಞೊಬ್ಬ ಅಂವೊಂಡ ವ್ಯಾಪಾರಕ್ ಪೋಚಿ.

ಮತ್ತಾಯ 4:10

ಅದ್ಂಗ್ ಯೇಸು: ನಾಡ ಬಯ್ಯಕ್ ಪೋ ಸೈತಾನೇ, ನೀಡ ಒಡೆಯನಾನ ದೇವನ ಮಾತ್ರ ಸೇವೆ ಮಾಡಿತ್, ಅಂವೊ ಒಬ್ಬಂಗೇ ಆರಾದನೆ ಮಾಡಂಡೂಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಂಡ್‍ೕಂದ್ ಎಣ್ಣ್‌ಚಿ.

ಮಾರ್ಕ 4:14

ಕುರುನ ಬಿತ್ತ್‌ವಯಿಂಗ ದೇವಡ ವಾಕ್ಯತ್‍ನ ಬಿತ್ತುವ.

ಮಾರ್ಕ 4:16

ಚೆನ್ನ ಜನ ಕಲ್ಲ್ ನೆಲಕ್ ಬುದ್ದ ಕುರುರನೆಕೆ. ಅಯಿಂಗ ದೇವಡ ವಾಕ್ಯತ್‍ನ ಕುಶೀಲ್ ಬೆರಿಯ ಸ್ವೀಕಾರ ಮಾಡ್‌ವ,

ಮಾರ್ಕ 4:4

ಅಂವೊ ಆ ಕುರುನ ಬಿತ್ತ್‌ವಕ್ ಚಾಡ್‌ವಕ ಚೆನ್ನ ಕುರು ನಡ್‍ಪ ಬಟ್ಟೇಲ್ ಬುದ್ದತ್; ಆ ಕುರುನ ಪಕ್ಷಿಯ ಬಂದಿತ್ ತಿಂದತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:12

ಬಟ್ಟೇಲ್ ಬಿತ್ತ್‌ನ ಜನ, ದೇವಡ ವಾಕ್ಯತ್‍ನ ಕ್‍ೕಪ, ಆಚೇಂಗಿ ಅಯಿಂಗ ಅದ್‍ನ ನಂಬಿತ್ ರಕ್ಷಣೆ ಆಕತನೆಕೆ ಸೈತಾನ ಬಂದಿತ್ ದೇವಡ ವಾಕ್ಯತ್‍ನ ಅಯಿಂಗಡ ಹೃದಯತ್ಂಜ ಎಡ್‌ತ್‌ರ್‌ವ.

ಅಪೊಸ್ತಲ 17:32

ಪೌಲ ಚತ್ತಯಿಂಗಡ ವಿಷಯತ್‍ನ ಎಣ್ಣ್‌ವಕ, ಚೆನ್ನ ಜನ ಪೌಲಂಗಿಂಜ ನಂಗಕ್ ಚಾಯಿ ಗೊತ್ತುಂಡ್‍ೕಂದ್ ತಮಾಷಿ ಮಾಡ್‍ಚಿ. ಚೆನ್ನ ಜನ, ನೀನ್ ಎಣ್ಣ್‌ವಾನ ಇಂಞೊರ್ ಕುರಿ ನಂಗ ಕ್‍ೕಪಾಂದ್ ಎಣ್ಣ್‌ಚಿ.

ಅಪೊಸ್ತಲ 5:3

ಅಕ್ಕ ಪೇತ್ರ ಅನನೀಯನ ನೋಟಿತ್: ಅನನೀಯನೇ, ನೀಡ ಜಾಗ ಮಾರ್‌ನ ಪಣತ್‌ಲ್ ಒರು ಪಾಲ್‍ನ ನೀಕ್ ಬೆಚ್ಚಂಡ್, ಪವಿತ್ರಾತ್ಮತ್‍ರ ಪಕ್ಕ ಪೊಟ್ಟ್ ಪರಿಯುವನೆಕೆ, ಸೈತಾನ ನೀಡ ಹೃದಯತ್‍ನ ಪಾಳ್‍ಮ್‌ವಕ್ ಎನ್ನಂಗ್ ಬುಟ್ಟಿಯ?

2 ಕೊರಿಂಥ 2:11

ಸೈತಾನಗುಂಡ್ ನಂಗ ಮೋಸ ಪೋಕತನೆಕೆ ನಾನ್ ಅನ್ನನೆ ಮಾಡಿಯೆ; ಸೈತಾನಂಡ ತಂತ್ರ ಎಂತ್‍ೕಂದ್ ನಂಗಕ್ ಚಾಯಿತೆ ಗೊತ್ತುಂಡಲ್ಲ.

2 ಥೆಸಲೊನೀಕ 2:9

ಆ ಬಲ್ಯ ದುಷ್ಟ ಮನುಷ್ಯ ಪೊರಮೆ ಬಪ್ಪಕ, ಸೈತಾನಂಡ ಎಲ್ಲಾ ಶಕ್ತಿನ ಕೊಂಡ್ ಬಪ್ಪ. ನಾನಾ ತರತ್‍ರ ಅದ್ಬುತ, ಆಶ್ಚರ್ಯ ಕಾರ್ಯತ್‍ನ ಪಿಂಞ ಗುರ್‍ತ್‍ನ ದೇವ ಮಾಡ್‌ವನೆಕೆ ಅಂವೊನು ಮಾಡ್‌ವ, ಆಚೇಂಗಿ ಅದ್ ದೇವಡಯಿಂಜ ಬಪ್ಪದಲ್ಲ.

ಇಬ್ರಿಯ 12:16

ದಾರ್ ಒಬ್ಬನು ವೇಶಿತನ ಮಾಡ್‌ವಂವೊನಾಯಿತ್ ಇಪ್ಪಕ್ಕಾಗ. ಏಸಾ ಎಣ್ಣ್‌ವಂವೊ ಬರಿ ಕೂಳ್‍ಕಾಯಿತ್ ತಾಂಡ ಅಪ್ಪಯಿಂಜ ಕ್‍ಟ್ಟುವ ಆದ್ಯ ಮೋಂವೊಂಡ ಆಶೀರ್ವಾದತ್‍ನ ಮಾರ್‍ನನೆಕೆ ಬಕ್ತಿ ಇಲ್ಲತಂವೊನಾಯಿತು ಇಪ್ಪಕ್ಕಾಗ.

ಇಬ್ರಿಯ 2:1

ಆನಗುಂಡ್, ನಂಗ ಕ್‍ೕಟಿತುಳ್ಳ ವಿಷಯತ್ಂಜ ಜಾರತನೆಕೆ, ಅದ್‍ನ ದುಂಬ ಎಚ್ಚರತ್‍ಲ್ ನೋಟಂಡು.

1 ಪೇತ್ರ 5:8

ತನ್ನಡಕ್ಕ ಉಳ್ಳಯಿಂಗಳಾಯಿತ್, ಎಚ್ಚರತ್ ಇಪ್ಪಯಿಂಗಳಾಯಿತ್ ಇರಿ. ನಿಂಗಡ ವಿರೋದಿಯಾನ ಸೈತಾನ, ಕೂತ್ ಕೊಡ್‍ಪ ಸಿಂಹತ್‍ರನೆಕೆ ದಾರ್‌ನ ಮುಗ್ಗಂಡೂಂದ್ ಸುತ್ತಿಯಂಡ್ ನೋಟಿಯಂಡುಂಡ್.

ಪ್ರಕಟನೆ 12:9

ಬೂಲೋಕತ್‍ನ ಎಲ್ಲಾ ಮೋಸ ಮಾಡಿಯಂಡಿಂಜ, ಪಿಶಾಚೀಂದೂ ಸೈತಾನಾಂದೂ ಎಣ್ಣಿಯಂಡಿಂಜ ಪಳೆಯ ಘಟಸರ್ಪತ್‍ನ ಬೂಮಿಕ್ ಬೂವನೆಕೆ ದೂಡ್‍ಚಿ. ಅದ್ಂಡಕೂಡೆ ಇಂಜ ದೂತಂಗಳ ಸಹ ಬೂಮಿಕ್ ದೂಡಿರ್‌ತ್.

ಪ್ರಕಟನೆ 20:10

ಇದ್‍ಲ್ಲತೆ, ಅಯಿಂಗಳ ಮರ್‍ಳ್ ಮಾಡ್‍ನ ಸೈತಾನನ, ಮೃಗತ್‍ನ, ಕಳ್ಳ ಪ್ರವಾದಿನ ಪ್ರವಾದಿ ಬೆಚ್ಚಿತ್ಂಜ ತಿತ್ತ್ ಕತ್ತಿಯಂಡ್ ಉಳ್ಳ ಗಂಧಕತ್‍ರ ಕಡಲ್‍ಲ್ ಇಟ್ಟಿರುವ. ಅಯಿಂಗ ಅಲ್ಲಿ ಪೋಲ್ ಬಯಿಟಾಯಿತ್ ಎಕ್ಕಾಲು ಹಿಂಸೆ ಪಟ್ಟಂಡಿಪ್ಪ.

ಪ್ರಕಟನೆ 20:7

ಆ ಆಯಿರ ಕಾಲ ನೆರವೇರುವಕ, ಸೈತಾನ ತಾಂಡ ಕೆಟ್ಟ್‌ಯಿಂಜ ಬುಡ್‍ಗಡೆ ಆಪ.