ಮಾರ್ಕ 3:9 - ಕೊಡವ ಬೈಬಲ್

⁹ ಅಂವೊ ದುಂಬ ಜನಡ ಕಾಯಿಲೆನೆಲ್ಲ ವಾಸಿ ಮಾಡ್‍ಚಿ, ಕಾಯ್ಲೆಸ್ತೆಂಗೆಲ್ಲ ಅದ್‍ನ ಕ್‍ೕಟಿತ್ ಅಂವೊನ ಮುಟ್ಟ್‌ವಕಾಯಿತ್ ಜನಡ ಕೂಟ‌ತ್‍ಲ್ ನೂಕಿತ್ ನುಗ್ಗಿಯಂಡಿಂಜತ್.

ಮಾರ್ಕ 3:9 ပူးပေါင်းရင်းမြစ်များ

ಮತ್ತಾಯ 15:39

ಬಯ್ಯ, ಅಯಿಂಗಳೆಲ್ಲ ಮನೆಕ್ ಅಯಿಚತ್. ಅಲ್ಲಿಯಿಂಜ ದೋಣಿಲ್ ಅಳ್‌ತಂಡ್ ಮಗ್ದಲ ಎಣ್ಣುವ ಪ್ರಾಂತ್ಯಕ್ ಪೋಚಿ.

ಮಾರ್ಕ 4:1

ಯೇಸು ಗಲಿಲಾಯ ಕೆರೆರ ಬರಿಲ್ ಪುನಃ ಉಪದೇಶ ಕೊಡ್‍ಪಕ್ ಸುರು ಮಾಡ್‍ಚಿ. ದುಂಬ ಜನ ಕೂಡಿಬಂದಗುಂಡ್ ಯೇಸು ಪೋಯಿತ್ ಅಲ್ಲಿ ಇಂಜ ಒರು ದೋಣಿಲ್ ಅಳ್‌ತಂಡತ್. ಜನಡ ಕೂಟ ಕೆರೆರ ಬರಿಲ್ ನಿಂದಂಡಿಂಜತ್.

ಮಾರ್ಕ 4:36

ಜನಡ ಈ ಕೂಟತ್‌ನ ಅಯಿಚ ಪಿಂಞ ಅಂವೊ ಅಳ್‍ತಂಡಿಂಜ ದೋಣಿಲ್ ಅನ್ನನೆ ಅಂವೊನ ಕಾಕಿಯಂಡ್ ಪೋಚಿ. ಇಂಞು ಬೋರೆ ಚೆನ್ನ ದೋಣಿಯು ಅಂವೊಂಡ ಕೂಡೆ ಇಂಜತ್.

ಮಾರ್ಕ 5:2

ಯೇಸು ದೋಣಿಯಿಂಜ ಪೊರಮೆ ಇಳ್ಂಜದು ಒರ್ ಮನುಷ್ಯ ಅಂವೊಂಗ್ ಎದ್‍ಕೆ ಬಾತ್. ಅಂವೊ ಚಾವ್‍ನ ಪೂಪ ತೂಟ್ಂಗಳತ್ಂಜ ಬಾತ್. ಅಂವೊ ಕೂಳಿ ಪುಡ್‌ಚ ಮನುಷ್ಯನಾಯಿತ್ಂಜತ್.

ಮಾರ್ಕ 5:30

ಅಕ್ಕಣೆ ಯೇಸು, ತಾಂಡ ದೇಹತ್ಂಜ ಅದ್ಬುತ ಶಕ್ತಿ ಪೊರಟಿತ್ ಪೋಚೀಂದ್ ಗೊತ್ತಾಯಿತ್, ನನ್ನ ದಾರ್ ಮುಟ್ಟಿಯೇಂದ್ ಜನಡ ಗುಂಪ್‍ರ ಸುತ್ತ್‌ಲೂ ನೋಟ್‌ಚಿ.

ಮಾರ್ಕ 6:32

ಅಯಿಂಗ ದೋಣಿಲ್ ಅಳ್‌ತಿತ್ ದಾರೂ ಇಲ್ಲತ ಜಾಗಕ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:1

ಒರ್ ದಿವಸ ಯೇಸು ಗೆನೆಜರೇತ್ ಕೆರೆರ ಪಕ್ಕತ್‍ಲ್ ನಿಂದಂಡಿಪ್ಪಕ, ದೇವಡ ವಾಕ್ಯ ಕ್‍ೕಪಕಾಯಿತ್ ದುಂಬ ಜನ ಯೇಸುರ ಪಕ್ಕ ನೂಕಿಯಂಡ್ ಬಾತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:3

ಅಲ್ಲಿ ಇಂಜ ದಂಡ್ ದೋಣಿಲ್, ಒರ್ ದೋಣಿ ಸೀಮೋನಂಡದಾಯಿತ್ಂಜತ್. ಆ ದೋಣಿಲ್ ಯೇಸು ಪತ್ತಿತ್, ಅದ್‍ನ ಕರೆಯಿಂಜ ಚೆನ್ನ ದೂರ ಉಂದ್‍ೕಂದ್ ಎಣ್ಣ್‌ಚಿ. ಯೇಸು ದೋಣಿಲ್ ಅಳ್‌ಪಂಜಿ ಜನಕ್ ಬೋದನೆ ಮಾಡ್‍ಚಿ.

ಯೋಹಾನ 6:15

ಅಕ್ಕ, ಎಲ್ಲಾ ಜನಳು ಬಂತ್ ಅಂವೊನ ರಾಜನಾಯಿತ್ ಮಾಡ್‌ವಕ್ ಒತ್ತಾಯ ಮಾಡಿತ್ ಪುಡ್‍ಚಂಡ್ ಪೋಪಾಂದ್ ಗೊತ್ತಾನಗುಂಡ್, ಅಂವೊ ಪುನಃ ಒಬ್ಬನಾಯಿತೇ ಕುಂದ್‌ಕ್ ಪೋಚಿ.