ಮಾರ್ಕ 3:2 - ಕೊಡವ ಬೈಬಲ್

² ಚೆನ್ನ ಜನ, ಯೇಸು ಸಬ್ಬತ್ ದಿನತ್‌ಲ್ ಈ ಮನುಷ್ಯಂಡ ಕೈಯಿನ ವಾಸಿ ಮಾಡ್‍ಚೇಂಗಿ, ಅಂವೊನ ಕುತ್ತಪರಿವಕ್ ನೋಟಿಯಂಡಿಂಜತ್.

ಮಾರ್ಕ 3:2 ပူးပေါင်းရင်းမြစ်များ

ಮತ್ತಾಯ 12:10

ಅಲ್ಲಿ ಕೈ ಊನವಾನ ಒಬ್ಬ ಇಂಜತ್. ಯೇಸುರ ಮೇಲೆ ತಪ್ಪ್ ಕಂಡ್‌ಪುಡಿಪಕಾಯಿತ್: ಸಬ್ಬತ್ ದಿನತ್‌ಲ್ ವಾಸಿ ಮಾಡ್‍ವದ್ ನ್ಯಾಯಪ್ರಮಾಣಕ್ ವಿರೋದವಾಂದ್ ಫರಿಸಾಯಂಗ ಯೇಸುನ ಕ್‍ೕಟತ್.

ಮಾರ್ಕ 3:3

ಯೇಸು ಆ ಮನುಷ್ಯನ ಎಲ್ಲಾಡ ಮಿಂಞತ್ ಎದ್ದಿತ್ ನಿಪ್ಪಕ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:1

ಒರ್ ಸಬ್ಬತ್ ದಿವಸತ್‍ಲ್, ಯೇಸು, ಫರಿಸಾಯಂಗಡ ಮುಕ್ಯಸ್ತ ಒಬ್ಬಂಡ ಮನೆಕ್ ಉಂಬಕ್ ಪೋಯಿತ್ಂಜತ್. ಯೇಸು ಎಂತ ಮಾಡ್‌ವಾಂದ್ ಜನ ಎಲ್ಲಾರು ಅಂವೊಂಡ ಮೇಲೆ ಕಣ್ಣೆಡುಕತೆ ನೋಟಿಯಂಡ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:20

ರೋಮ್ ರಾಜ್ಯತ್‍ರ ಅದಿಕಾರಿಯಾನ ಅದಿಪತಿಕ್ ಯೇಸುನ ಪುಡ್‍ಚಿ ಕೊಡ್‍ಪಕಾಯಿತ್, ನೀತಿಲ್ ನಡ್‍ಪ ಜನಡನೆಕೆ ನಾಟಕ ಮಾಡ್‌ವ ದಂಡ್ ಗೂಡಚಾರಂಗಳ, ಯೆಹೂದ್ಯಂಗಡ ಅದಿಕಾರಿಯಂಗ ಯೇಸುರ ಪಕ್ಕ ಅಯಿಚತ್. ಯೇಸು ಪರಿಯುವ ತಕ್ಕಿಂಜಿಲೇ ಅಂವೊನ ಪುಡಿಪ ಸಮಯಕಾಯಿತ್ ನೋಟಿಯಂಡ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:7

ಚೆನ್ನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಪಿಂಞ ಫರಿಸಾಯಂಗ, ಯೇಸುರ ಮೇಲೆ ತಪ್ಪ್ ಕಂಡ್‌ಪುಡಿಪಕಾಯಿತ್, ಸಬ್ಬತ್ ದಿವಸತ್‍ಲ್ ಅಂವೊಂಡ ಕೈಯಿನ ಯೇಸು ವಾಸಿಮಾಡು‍ವೋಂದ್ ನೋಟಿಯಂಡಿಂಜತ್.

ಯೋಹಾನ 8:6

ಇನ್ನನೆ ಪ್ರಶ್ನೆ ಕ್‍ೕಟಿತ್, ಯೇಸು ತಪ್ಪ ಉತ್ತರತ್ಂಜ ಅಂವೊನ ಕೆಣಿಪಕಾಯಿತ್ ಅಯಿಂಗ ಪ್ರಯತ್ನಪಟ್ಟತ್. ಆಚೇಂಗಿ ಯೇಸು ಬಗ್ಗಿಯಂಡ್ ಕೈ ಬೆರತ್ಂಜ ನೆಲತ್‌ಲ್ ಒಳ್‍ದಿಯಂಡ್ ಇಂಜತ್

ಯೋಹಾನ 9:16

ಅಕ್ಕ ಚೆನ್ನ ಫರಿಸಾಯಂಗ: ಆ ಮನುಷ್ಯ ಸಬ್ಬತ್ ದಿವಸತ್‍ರ ಆಜ್ಞೆನ ಪಾ‌ಲನೆ ಮಾಡತೆಗುಂಡ್ ಅಂವೊ ದೇವಡಯಿಂಜ ಬಂದಂವೊನಲ್ಲಾಂದ್ ಎಣ್ಣ್‌ಚಿ. ಇಂಞು ಚೆನ್ನ ಜನ: ಪಾಪಿಯಾಯಿತುಳ್ಳ ಒಬ್ಬ ಈ ತರ ಅದ್ಬುತ ಕಾರ್ಯತ್‍ನ ಎನ್ನನೆ ಮಾಡ್‌ವಾಂದ್ ಕ್‍ೕಟತ್. ಇನ್ನನೆ ಅಯಿಂಗ ದಂಡ್ ಗುಂಪಾಯಿತ್ ಆಚಿ.