ಮಾರ್ಕ 3:19 - ಕೊಡವ ಬೈಬಲ್

¹⁹ ಪಿಂಞ ಯೇಸುನ ಕೊಲ್ಲ್‌ವಕ್ ಕಾಟಿಕೊಡ್‌ತಂವೊನಾನ ಇಸ್ಕರಿಯೋತ ಯೂದ ಎಣ್ಣ್‌ವಯಿಂಗಳೇ.

ಮಾರ್ಕ 3:19 ပူးပေါင်းရင်းမြစ်များ

ಮತ್ತಾಯ 10:4

ದೇಶ ಪ್ರೇಮಿಯಾನ ಸೀಮೋನ ಪಿಂಞ ಯೇಸುನ ವಿರೋದಿಯಂಗಡ ಪಕ್ಕ ಪುಡ್‌ಚಿತ್ ಕೊಡ್‍ಪ ಇಸ್ಕರಿಯೋತ ಯೂದ ಎಣ್ಣ್‌ವಯಿಂಗಳೇ.

ಮತ್ತಾಯ 26:47

ಯೇಸು ಇದ್‍ನ ಎಣ್ಣಿಯಂಡಿಪ್ಪಕಲೇ, ಪನ್ನೆರಂಡ್ ಶಿಷ್ಯಂಗಡ ಕೂಟ್‌ಲ್ ಒಬ್ಬನಾನ ಯೂದ ಬಾತ್. ಅಂವೊಂಡ ಕೂಡೆ ಮುಕ್ಯ ಯಾಜಕಂಗ ಪಿಂಞ ಜನಡ ಪೆರಿಯಯಿಂಗ ಅಯಿಚ ಬಲ್ಯ ಜನಡ ಗುಂಪ್ ಕತ್ತಿ ದೊಣ್ಣೆನೆಲ್ಲ ಎಡ್‍ತಂಡ್ ಬಂದಿತ್ಂಜತ್.

ಮಾರ್ಕ 3:18

ಅಂದ್ರೆಯ, ಫಿಲಿಪ್ಪ, ಬಾರ್ತೊಲೊಮಾಯ, ಮತ್ತಾಯ, ತೋಮ, ಅಲ್ಫಾಯಂಡ ಮೋಂವೊನಾನ ಯಾಕೋಬ, ತದ್ದಾಯ, ದೇಶ ಪ್ರೇಮಿಯಾನ ಸೀಮೋನ

ಮಾರ್ಕ 3:20

ಪಿಂಞ ಯೇಸು ಮನೆಕ್ ಪೋಚಿ. ಅಲ್ಲಿ ಅಂವೊಂಗು ಅಂವೊಂಡ ಶಿಷ್ಯಂಗಕು ಉಂಬಕ್ ಸಹ ಸಮಯ ಕ್‌ಟ್ಟತಚ್ಚಕ್ ಜನ ಪುನಃ ಬಂದಿತ್ ಕೂಡಿತ್ಂಜತ್.

ಮಾರ್ಕ 9:33

ಅಯಿಂಗ ಕಪೆರ್ನೌಮ್ ಎಣ್ಣುವಲ್ಲಿಕ್ ಬಾತ್. ಯೇಸು ಶಿಷ್ಯಂಗಳ ನೋಟಿತ್: ನಿಂಗ ಬಟ್ಟೇಲ್ ಎಂತ ಚರ್ಚೆ ಮಾಡಿಯಂಡ್ ತಕ್ಕ್ ಪರ್‌ದಂಡ್ ಇಂಜಿರಾಂದ್ ಕ್‍ೕಟತ್.

ಯೋಹಾನ 13:2

ಆ ಬಯಿಟ್ ಅಯಿಂಗೆಲ್ಲಾರು ಉಂಡಂಡಿಂಜತ್, ಸೀಮೋನಂಡ ಮೋಂವೊನಾನ ಯೂದ ಇಸ್ಕರಿಯೋತಂಗ್, ಯೇಸುನ ಪುಡ್‌ಚಿತ್ ಕೊಡ್‍ಕಂಡೂಂದ್ ಉಳ್ಳ ಗೇನತ್‍ನ ಸೈತಾನ ಅಂವೊಂಡ ಮನಸ್ಸ್‌ಲ್ ಮಿಂಞಲೇ ಇಟ್ಟಿತ್ಂಜತ್.

ಯೋಹಾನ 6:64

ಆಚೇಂಗಿಯು, ನಿಂಗಡಲ್ಲಿ, ನನ್ನ ನಂಬತಯಿಂಗ ಚೆನ್ನ ಉಂಡ್. ಯೇಸು ಇನ್ನನೆ ಎಣ್ಣ್‌ವಕ್ ಕಾರಣ ಎಂತ ಎಣ್ಣ್‌ಚೇಂಗಿ: ಅಂವೊನ ನಂಬತಂವೊ ದಾರ್‍ೕಂದು, ಅಂವೊನ ಕೊಲ್ಲುವಕ್ ಪುಡ್‌ಚಿತ್ ಕೊಡ್‍ಪಂವೊ ದಾರ್‍ೕಂದು ಅಂವೊಂಗ್ ಆದ್ಯತ್ಂಜಲೇ ಗೊತ್ತ್ಂಜತ್.

ಯೋಹಾನ 6:71

ಸೀಮೋನಂಡ ಮೋಂವೊನಾನ ಇಸ್ಕರಿಯೋತ ಯೂದ ಯೇಸುರ ಪನ್ನೆರಂಡ್ ಶಿಷ್ಯಂಗಡಲ್ಲಿ ಒಬ್ಬನಾಯಿತ್ ಇಂಜತೇಂಗಿಯು, ಬಯ್ಯ ತನ್ನ ಕೊಲ್ಲ್‌ವಕ್ ಪುಡ್‌ಚಿತ್ ಕೊಡ್‍ಪಂವೊನಾಯಿತ್ ಇಂಜಗುಂಡ್, ಅಂವೊಂಡ ವಿಷಯತ್ ಯೇಸು ಇನ್ನನೆ ಎಣ್ಣ್‌ಚಿ.