ಮಾರ್ಕ 3:17 - ಕೊಡವ ಬೈಬಲ್

¹⁷ ಜೆಬೆದಾಯಂಡ ಕ್‌ಣ್ಣ ಮಕ್ಕ ಯಾಕೋಬ ಪಿಂಞ ಯೋಹಾನ, ಅಯಿಂಗಕ್ ಬೊವನೆರ್ಗೆಸ್ ಎಣ್ಣ್‌ವ ಪೆದ ಕೊಡ್‍ತತ್; ಅದ್ಂಗ್ ತೆಡ್‌ರ ಮಕ್ಕಾಂದ್ ಅರ್ಥ.

ಮಾರ್ಕ 3:17 ပူးပေါင်းရင်းမြစ်များ

ಮತ್ತಾಯ 4:21

ಯೇಸು ಇಂಞು ಚೆನ್ನ ಮಿಂಞಕ್ ಪೋಯಂಡಿಪ್ಪಕ, ಅಲ್ಲಿ ಜೆಬೆದಾಯಂಡ ಮಕ್ಕಳಾನ ಯಾಕೋಬ ಪಿಂಞ ಯೋಹಾನನ ಕಂಡತ್. ಅಯಿಂಗ ಅಯಿಂಗಡ ಅಪ್ಪ ಜೆಬೆದಾಯಂಡ ಕೂಡೆ ದೋಣಿಲ್ ಮೀನ್ ಪುಡಿಪಕ್ ಬಲೆನ ಸರಿ ಮಾಡಿಯಂಡ್ ಇಂಜತ್. ಯೇಸು ಅಯಿಂಗಳ ಕಾಕ್‍ಚಿ;

ಮಾರ್ಕ 10:35

ಅಲ್ಲಿಂಜ ಜೆಬೆದಾಯಂಡ ಕ್‌ಣ್ಣ ಮಕ್ಕ ಯಾಕೋಬ ಪಿಂಞ ಯೋಹಾನ ಯೇಸುರ ಪಕ್ಕ ಬಂತ್ ಉಪಾದ್ಯನೇ, ನಂಗಕ್ ಒರ್ ನಲ್ಲ ಕಾರ್ಯ ನೀನ್ ಮಾಡಂಡೂಂದ್ ಕ್‍ೕಟತ್.

ಮಾರ್ಕ 14:33

ಪೇತ್ರ, ಯೋಹಾನ ಪಿಂಞ ಯಾಕೋಬನ ಅಂವೊಂಡ ಕೂಡೆ ಕಾಕಿಯಂಡ್ ಪೋಚಿ, ಅಂವೊಂಗ್ ವ್ಯಸನವು ಗಾಬರಿಯು ಆಪಕ್ ಸುರು ಆಚಿ.

ಮಾರ್ಕ 3:16

ಆ ಪನ್ನೆರಂಡ್ ಶಿಷ್ಯಂಗ ದಾರ್‍ೕಂದ್ ಎಣ್ಣ್‌ಚೇಂಗಿ; ಸೀಮೋನ, ಯೇಸು ಅಂವೊಂಗ್ ಪೇತ್ರ ಎಣ್ಣ್‌ವ ಪೆದ ಕೊಡ್‍ತತ್.

ಮಾರ್ಕ 3:18

ಅಂದ್ರೆಯ, ಫಿಲಿಪ್ಪ, ಬಾರ್ತೊಲೊಮಾಯ, ಮತ್ತಾಯ, ತೋಮ, ಅಲ್ಫಾಯಂಡ ಮೋಂವೊನಾನ ಯಾಕೋಬ, ತದ್ದಾಯ, ದೇಶ ಪ್ರೇಮಿಯಾನ ಸೀಮೋನ

ಮಾರ್ಕ 5:37

ಯೇಸು ಅಂವೊಂಡ ಕೂಡೆ ದಾರ್‌ನು ಬಪ್ಪಕ್ ಬುಡತೆ, ಬರಿ ಅಂವೊಂಡ ಶಿಷ್ಯಂಗಳಾನ ಪೇತ್ರ, ಯಾಕೋಬ ಪಿಂಞ ಅಂವೊಂಡ ತಮ್ಮಣನಾನ ಯೋಹಾನನ ಕೂಟಿಯಂಡ್ ಯಾಯೀರ ಮನೆಕ್ ಪೋಯಿತ್ ಎತ್ತ್‌ಚಿ.

ಮಾರ್ಕ 9:2

ಆರ್ ದಿವಸ ಕಯಿಂಜದು ಅಂವೊಂಡ ಶಿಷ್ಯಂಗಳಾನ ಪೇತ್ರ, ಯಾಕೋಬ, ಯೋಹಾನನ ಕಾಕಿಯಂಡ್ ಯೇಸು ಕುಂದ್‌ರ ಕೊಡಿಕ್ ಪೋಚಿ, ಅಲ್ಲಿ ಅಯಿಂಗ ಮಾತ್ರ ಇಂಜತ್. ಅಯಿಂಗ ನೋಟಿಯಂಡ್ ಇಕ್ಕಣಕೆ ಯೇಸುರ ರೂಪ ಬದ್‍ಲಾನದ್‌ನ ಕಂಡತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:54

ಯಾಕೋಬ ಪಿಂಞ ಯೋಹಾನ ಇದ್‍ನ ಕಂಡದು: ಸ್ವಾಮೀ, ಅಯಿಂಗಳ ಪಾಳ್ ಮಾಡ್‌ವಕ್ ನಂಗ ಪರಲೋಕತ್ಂಜ ತಿತ್ತ್‌ನ ಅಡಿಕ್ ಕೊಂಡ್‍ಬರಂಡುವಾಂದ್ ಯೇಸುನ ಕ್‍ೕಟತ್.

ಯೋಹಾನ 21:2

ಅದ್ ಎನ್ನನೆ ಎಣ್ಣ್‌ಚೇಂಗಿ: ಸೀಮೋನ ಪೇತ್ರ, ದಿದುಮಾಂದ್ ಜನ ಕಾಕುವ ತೋಮ, ಗಲಿಲಾಯತ್‍ರ ಕಾನಾ ಊರ್‌ರ ನತಾನಯೇಲ, ಜೆಬೆದಾಯಂಡ ದಂಡ್ ಮೋನಿಯಂಗ, ಪಿಂಞ ಯೇಸುರ ಇಂಞು ದಂಡ್ ಶಿಷ್ಯಂಗ ಕೂಡಿ ಬಂದಿತ್ಂಜತ್.

ಅಪೊಸ್ತಲ 12:1

ಆ ಸಮಯತ್‍ಲ್ ರಾಜನಾನ ಹೆರೋದ ಸಬೇಲ್ ಉಳ್ಳ ಚೆನ್ನ ಜನಳ ಪುಡ್‌ಚಿತ್ ಹಿಂಸೆ ಮಾಡ್‌ವಕ್ ಸುರು ಮಾಡ್‍ಚಿ.

ಇಬ್ರಿಯ 4:12

ದೇವಡ ವಾಕ್ಯ ಜೀವವು, ಶಕ್ತಿ ಉಳ್ಳದಾಯಿತು, ದಂಡ್ ಪಕ್ಕವು ಚೂಪಾಯಿತ್ ಉಳ್ಳ ಏದ್ ಬಾಳ್‌ಕತ್ತಿಕಿಂಜಲು ಚೂಪಾಯಿತ್ ಉಂಡ್. ಇದ್ ಆತ್ಮತ್‌ನ ಪಿಂಞ ಜೀವತ್‍ನ, ಮುಟ್ಟ್‌ನ ಪಿಂಞ ಅದ್ಂಡ ಒಳ್‍ಲ್ ಉಳ್ಳ ಮಜ್ಜೆನ ಬೋರೆ ಬೋರೆ ಮಾಡಿತ್ ನಂಗಡ ಒಳ್‍ಕ್ ಕುತ್ತುವನೆಕೆ ಉಂಡ್. ಇದ್ ಹೃದಯತ್‍ರ ಗೇನತ್‍ನ ಪಿಂಞ ಆಲೋಚನೆರ ರೀತಿನ ನಂಗಕ್ ಕಾಟಿತಪ್ಪದಾಯಿತುಂಡ್.

ಪ್ರಕಟನೆ 10:11

ಅಕ್ಕ ಅಂವೊ ನನ್ನ ನೋಟಿತ್: ನೀನ್ ಪುನಃ ದುಂಬ ಜನಡ, ಜಾತಿಯಡ, ಬಾಷೆಕಾರಡ, ರಾಜಂಗಡ ವಿಷಯತ್ ಪ್ರವಾದನೆ ಎಣ್ಣಂಡೂಂದ್ ನಾಕ್ ಎಣ್ಣ್‌ಚಿ.