ಮಾರ್ಕ 3:10 - ಕೊಡವ ಬೈಬಲ್

¹⁰ ಬಪ್ಪ ಜನಡ ಕೂಟ ಬಲ್ಯದಾನದ್‌ನ ಕಂಡಿತ್, ಯೇಸು ಅಂವೊಂಡ ಶಿಷ್ಯಂಗಕ್ ನಾಕ್ ಒರ್ ದೋಣಿನ ತಯಾರ್ ಮಾಡಿ, ಈ ಜನ ನನ್ನ ನೆರ್‍ಕತನೆಕೆ ಮಾಡೀಂದ್ ಎಣ್ಣ್‌ಚಿ.

ಮಾರ್ಕ 3:10 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 12:17

ಆಚೇಂಗಿ ಯೆಹೋವ ಅಬ್ರಹಾಮಂಡ ಪೊಣ್ಣಾನ ಸಾರಯಳಗುಂಡ್‌ ಫರೋಹನ ಪಿಂಞ ಅಂವೊಂಡ ಮನೆಕಾರಕ್‌ ಬಲ್ಯ ಬಾದೆ ಕೊಡ್‌ತಿತ್‌ ಕಷ್ಟ ಬಪ್ಪ್‌ಚಿಟ್ಟತ್.

ಮತ್ತಾಯ 12:15

ಯೇಸುಕ್ ಇದ್ ಗೊತ್ತಾನಗುಂಡ್ ಅಲ್ಲಿಂಜ ದೂರ ಪೋಚಿ. ಅಂವೊಂಡ ಬಯ್ಯಕ್ ದುಂಬ ಜನ ಪೋಯಂಡಿಂಜತ್, ಅಯಿಂಗಡ ಕೂಡೆ ಇಂಜ ಎಲ್ಲಾ ರೋಗಿಯಳ ಅಂವೊ ವಾಸಿ ಮಾಡ್‍ಚಿ.

ಮತ್ತಾಯ 14:14

ಯೇಸು ದೋಣಿಯಿಂಜ ಇಳಿವಕ ದುಂಬ ಜನಡ ಗುಂಪ್‍ನ ಕಂಡಿತ್, ಅಯಿಂಗಡ ಮೇಲೆ ಕನಿಕರ ಪಟ್ಟಿತ್, ಅಯಿಂಗಡಡೆಲ್ ಕಾಯಿಲೆ ಉಳ್ಳಯಿಂಗಳ ವಾಸಿ ಮಾಡ್‍ಚಿ.

ಮತ್ತಾಯ 14:36

ಅಯಿಂಗ ಯೇಸುರ ಬಟ್ಟೇರ ತುದಿನಾಚೇಂಗಿಯು ಮುಟ್ಟ್‌ವಕ್ ಅನುಮತಿ ಕೊಡ್‍ಪಕ್ ಬೋಡಿಯಂಡತ್. ದಾರೆಲ್ಲಾ ಮುಟ್ಟ್‌ಚೋ, ಅಯಿಂಗಡ ಕಾಯಿಲೆ ವಾಸಿ ಆಚಿ.

ಮತ್ತಾಯ 4:23

ಪಿಂಞ ಯೇಸು, ಗಲಿಲಾಯ ನಾಡ್‍ಕೆಲ್ಲಾ ಪೋಯಿತ್, ಅಯಿಂಗಡ ಸಬಾಮಂದಿರತ್‍ಲ್ ಬೋದನೆ ಮಾಡಿಯಂಡ್, ದೇವಡ ರಾಜ್ಯತ್‍ರ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡ್, ಅಲ್ಲಿಯತ್‍ರ ಜನಡ ಎಲ್ಲಾ ಕಾಯಿಲೆನ ಪಿಂಞ ರೋಗತ್‍ನ ವಾಸಿ ಮಾಡ್‍ಚಿ.

ಮಾರ್ಕ 5:34

ಯೇಸು ತಿರಿತ್ ಅವಳ ನೋಟಿತ್: ನಾಡ ಮೋಳೆ, ದೈರ್ಯ ಎಡ್‌ತ, ನೀಡ ನಂಬಿಕೆ ನಿನ್ನ ವಾಸಿ ಮಾಡ್‍ಚಿ. ನೀನ್ ಶಾಂತಿಲ್ ಪೋಯಿತ್, ಪೂರ್ತಿ ವಾಸಿಯಾಯಿತ್ ಕುಶೀಲ್ ಪೋಂದ್ ಯೇಸು ಎಣ್ಣ್‌ಚಿ.

ಮಾರ್ಕ 6:56

ಯೇಸು ಏದೆಲ್ಲಾ ಊರ್‌ಕ್, ಪಟ್ಟಣಕ್, ದೇಶಕ್ಕು ಪೋಚೋ, ಜನ ಅಲ್ಲಿಯುಳ್ಳ ಪೇಟೇಕ್ ಕಾಯಿಲೆಕಾರಳ ಕಾಕಿಯಂಡ್ ಪೋಯಿತ್, ನೀನ್ ಇಟ್ಟಂಡುಳ್ಳ ಬಟ್ಟೇರ ತುದಿನಾಚೇಂಗಿಯು ಮುಟ್ಟ್‌ವಕ್ ಬುಡ್‍ೕಂದ್ ಯೇಸುನ ಬೋಡಿಯಂಡತ್. ದಾರೆಲ್ಲಾ ಮುಟ್ಟ್‌ಚೋ, ಅಯಿಂಗಡ ಕಾಯಿಲೆ ವಾಸಿ ಆಚಿ.

ಮಾರ್ಕ 8:22

ಅಯಿಂಗ ಬೇತ್ಸಾಯಿದ ಎಣ್ಣುವಲ್ಲಿಕ್ ಬಾತ್; ಅಲ್ಲಿಕ್ ಒರ್ ಕುರ್‌ಡನ ಯೇಸುರ ಪಕ್ಕ ಕಾಕಿಯಂಡ್ ಬಂತ್, ಯೇಸುನ ಅಂವೊಂಡ ಮೇಲೆ ಕೈ ಬೆಪ್ಪಕಾಯಿತ್ ಬೋಡಿಯಂಡತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:3

ಅಲ್ಲಿ ಇಂಜ ದಂಡ್ ದೋಣಿಲ್, ಒರ್ ದೋಣಿ ಸೀಮೋನಂಡದಾಯಿತ್ಂಜತ್. ಆ ದೋಣಿಲ್ ಯೇಸು ಪತ್ತಿತ್, ಅದ್‍ನ ಕರೆಯಿಂಜ ಚೆನ್ನ ದೂರ ಉಂದ್‍ೕಂದ್ ಎಣ್ಣ್‌ಚಿ. ಯೇಸು ದೋಣಿಲ್ ಅಳ್‌ಪಂಜಿ ಜನಕ್ ಬೋದನೆ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:19

ಕೂಳಿಯಡ ತೊಂದರೆ ಉಳ್ಳಯಿಂಗಳು ಅಲ್ಲಿಕ್ ಬಂದಿತ್ ವಾಸಿ ಆಚಿ. ಯೇಸುಯಿಂಜ ಶಕ್ತಿ ಪೊರಮೆ ಬಂದಿತ್ ಎಲ್ಲಾ ಕಾಯಿಲೆಯು ವಾಸಿ ಆಯಡಿಂಜಗುಂಡ್ ಯೇಸುನ ಮುಟ್ಟ್‌ವಕಾಯಿತ್ ಎಲ್ಲಾ ಜನಳು ನೋಟಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:2

ಅಲ್ಲಿ ನೂರ್ ಸಿಪಾಯಿಯಂಗಕ್ ಅದಿಕಾರಿಯಾಯಿತ್ಂಜ ರೋಮ್ ರಾಜ್ಯತ್‍ರ ಒರ್ ಅದಿಕಾರಿಕ್ ಕುಶಿಯುಳ್ಳ ಒರ್ ಆಳ್‍ಕ್ ದುಂಬ ಕಾಯಿಲೆ ಬಂದಿತ್ ಚಾವನೆಕೆ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:21

ಆ ಸಮಯತ್‍ಲ್ ಯೇಸು ದುಂಬ ಕಾಯಿಲೆಸ್ತಂಗಳ, ರೋಗಿಯಳ, ಕೂಳಿ ಪುಡ್‌ಚಯಿಂಗಳ ವಾಸಿ ಮಾಡಿತ್, ದುಂಬ ಕುರ್‌ಡಂಗಕ್ ಕಣ್ಣ್ ಕಾಂಬನೆಕೆ ಮಾಡಿಯಂಡಿಂಜತ್.

ಅಪೊಸ್ತಲ 5:15

ಇನ್ನನೆ ಇಪ್ಪಕ, ಪೇತ್ರ ನಡ್ಂದ್ ಪೋಪಕ ಅಂವೊಂಡ ನಳ ಆಚೇಂಗಿಯು, ಚೆನ್ನ ಜನಡಮೇಲೆ ಬೂವಡ್‍ೕಂದ್, ಜನ ರೋಗ ಇಂಜಯಿಂಗಳ ಮೆತ್ತೆ ಪಿಂಞ ಕಟ್ಟ್‌ಲ್ ಇಟ್ಟಿತ್ ಬೀದಿಕ್ ಎಡ್‍ತಂಡ್ ಬಾತ್.

ಇಬ್ರಿಯ 12:6

ಒಡೆಯಂಗ್ ದಾಡ ಮೇಲೆ ಪ್ರೀತಿ ಉಂಡೋ, ಅಯಿಂಗಕ್ ಅಂವೊ ಶಿಕ್ಷೆ ತಪ್ಪ. ತಾಂಡ ಮಕ್ಕಳಾಯಿತ್ ಸ್ವೀಕಾರ ಮಾಡ್‌ವ ಎಲ್ಲಾ ಮಕ್ಕಳ ಅಂವೊ ಪೊಯ್ಯುವಾಂದ್ ಮಕ್ಕಕ್ ಎಣ್ಣುವನೆಕೆ ನಾನ್ ನಿಂಗಕ್ ಬುದ್ದಿ ಎಣ್ಣ್‌ನದ್‍ನ ನಿಂಗ ಮರ್‌ಂದಿತುಳ್ಳಿರ.