ಮಾರ್ಕ 2:2 - ಕೊಡವ ಬೈಬಲ್

² ಅಂವೊಂಡ ಮನೆಕ್ ದುಂಬ ಜನ ಬಂದಿತ್ ಕೂಡ್‍ಚಿ. ಮನೆರ ಒಳ್‍ಲ್, ಬಾಯಿಕಂಡಿಲ್ ಜನ ದುಂಬ್‌ನಗುಂಡ್ ಪೊರಮೆ ಕಂಡಿಲ್ ಸಹ ಜಾಗ ಇಲ್ಲತಾಚಿ. ಯೇಸು ಅಯಿಂಗಕ್ ದೇವಡ ವಿಷಯತ್‍ನ ಬೋದನೆ ಮಾಡಿಯಂಡ್ ಇಂಜತ್.

ಮಾರ್ಕ 2:2 ပူးပေါင်းရင်းမြစ်များ

ಮತ್ತಾಯ 5:2

ಅಂವೊ ಬೋದನೆ ಮಾಡ್‌ವಕ್ ಸುರ್ ಮಾಡ್‍ಚಿ.

ಮಾರ್ಕ 1:14

ಯೋಹಾನನ ಜೈಲ್‌ಕ್ ಇಟ್ಟ ಪಿಂಞ ಯೇಸು ಗಲಿಲಾಯಕ್ ಪೋಯಿತ್, ಅಲ್ಲಿ ಜನಕ್ ದೇವಡ ನಲ್ಲ ಸುದ್ದಿನ ಪ್ರಚಾರ ಮಾಡ್‍ಚಿ.

ಮಾರ್ಕ 1:33

ಆ ಊರ್‌ಲ್ ಉಳ್ಳ ಎಲ್ಲಾ ಜನಳು ಆ ಮನೆರ ಕಯ್ಯಾಲೆರ ಮಿಂಞ ಕೂಡಿತ್ಂಜತ್.

ಮಾರ್ಕ 1:37

ಅಯಿಂಗ ಯೇಸುನ ಕಂಡ ಪಿಂಞ ನಿನ್ನ ಜನ ತ್‍ೕಡಿಯಂಡ್ ಉಂಡ್‍ೕಂದ್ ಎಣ್ಣ್‌ಚಿ.

ಮಾರ್ಕ 1:45

ಆಚೇಂಗಿ ಯೇಸು ಎಣ್ಣ್‌ನ ಪ್ರಕಾರ ಅಂವೊಂಡ ತಕ್ಕ್ ಕ್‍ೕಕತೆ ಈ ನಲ್ಲ ವಿಷಯತ್‍ನ ಎಲ್ಲಾ ಜಾಗತ್‍ಲು ಎಣ್ಣಿಯಂಡ್ ಪೋಚಿ. ಅದ್ಂಗಾಯಿತ್ ಯೇಸುಕ್ ಪೊರಮೆ ಪೋಪಕ್ ಕಯ್ಯತಾಚಿ. ಆನಗುಂಡ್ ಯೇಸು ದಾರೂ ಇಲ್ಲತ ಜಾಗತ್‍ಲ್ ಇಂಜತ್. ಆಚೇಂಗಿಯು ಯೇಸುರ ಪಕ್ಕ ದುಂಬ ಜನ ಬಾತ್.

ಮಾರ್ಕ 2:1

ಚೆನ್ನ ದಿವಸ ಕಯಿಂಜ ಪಿಂಞ ಯೇಸು ಕಪೆರ್ನೌಮ್‍ಕ್ ಪೋಚಿ. ಅಂವೊ ಮನೆಲ್ ಉಂಡ್‍ೕಂದ್ ಎಲ್ಲಾರ್‌ಕು ಗೊತ್ತಾಚಿ.

ಮಾರ್ಕ 2:13

ಯೇಸು ಗಲಿಲಾಯ ಎಣ್ಣುವ ಕೆರೆರ ಕರೆಕ್ ಪುನಃ ಪೋಚಿ. ಅಂವೊಂಡ ಪಕ್ಕ ದುಂಬ ಜನ ಬಾತ್; ಅಂವೊ ಅಯಿಂಗಕ್ ಬೋದನೆ ಮಾಡ್‍ಚಿ.

ಮಾರ್ಕ 6:34

ಯೇಸು ದೋಣಿಯಿಂಜ ಇಳಿವಕ ದುಂಬ ಜನಡ ಗುಂಪ್‍ನ ಕಾಂಬಕ, ಕೊರಿ ಕಾಪಂವೊ ಇಲ್ಲತ ಕೊರಿ ಗುಡ್ಡೆರನೆಕೆ ಅಯಿಂಗ ಇಂಜಗುಂಡ್ ಅಯಿಂಗಡ ಮೇಲೆ ಅಂವೊಂಗ್ ದುಂಬ ಕನಿಕರ ಆಯಿತ್, ಅಯಿಂಗಕ್ ದುಂಬ ಬೋದನೆನ ವಿವರಿಚಿಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:1

ಅಕ್ಕ, ಆಯಿರಾಯಿರ ಜನ ಬಂದಿತ್ ಒಬ್ಬಂಡ ಮೇಲೆ ಇಂಞೊಬ್ಬ ಚೌಟಿಯಂಡ್ ಇಪ್ಪಕ ಯೇಸು ಆದ್ಯವಾಯಿತ್ ಅಂವೊಂಡ ಶಿಷ್ಯಂಗಕ್ ಫರಿಸಾಯಂಗಡ ಈಸ್ಟ್‌ರನೆಕೆ ಉಳ್ಳ ಕಪಟ ಬೋದನೆರ ವಿಷಯತ್ ಎಚ್ಚರತ್‍ಲ್ ಇರೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:17

ಒರ್ ದಿವಸ ಯೇಸು ಬೋದನೆ ಮಾಡಿಯಂಡಿಪ್ಪಕ, ಗಲಿಲಾಯ, ಯೂದಾಯ ನಾಡ್‍ರ ಎಲ್ಲಾ ಗ್ರಾಮತ್ಂಜ ಪಿಂಞ ಯೆರೂಸಲೇಮ್ ಪಟ್ಟಣತ್ಂಜ ಬಂದ ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಶಾಸ್ತ್ರಿಯಂಗ ಅಲ್ಲಿ ಅಳ್‌ತಡಿಂಜತ್. ಆ ಸಮಯತ್‍ಲ್ ಕಾಯಿಲೆಕಾರಳ ವಾಸಿ ಮಾಡ್‌ವಕ್ ದೇವಡ ಶಕ್ತಿ ಯೇಸುರ ಮೇಲೆ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:1

ಬಯ್ಯಂಜಿ, ಯೇಸು ಅಲ್ಲಿಯತ್‍ರ ಪಟ್ಟಣ ಪಿಂಞ ಗ್ರಾಮಕೆಲ್ಲಾ ಪ್ರಯಾಣ ಮಾಡಿತ್, ದೇವಡ ರಾಜ್ಯತ್‍ರ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡಿಂಜತ್. ಅಂವೊಂಡ ಪನ್ನೆರಂಡ್ ಶಿಷ್ಯಂಗಳು ಅಂವೊಂಡ ಕೂಡೆ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:11

ಈ ಕಥೇರ ರೂಪತ್‍ರ ಅರ್ಥ ಎಂತ ಎಣ್ಣ್‌ಚೇಂಗಿ: ಕುರು ದೇವಡ ವಾಕ್ಯ.

ಅಪೊಸ್ತಲ 11:19

ಸ್ತೆಫನಂಡ ವಿಷಯತ್‍ಲ್ ಸುರು ಆನ ಹಿಂಸೆಯಿಂಜ ಚದ್‍ರಿಪೊನಯಿಂಗ, ಫೊಯಿನಿಕೆ, ಕುಪ್ರ ಪಿಂಞ ಅಂತಿಯೋಕ್ಯಕತ್ತನೆ ಪ್ರಯಾಣ ಮಾಡ್‍ಚಿ. ಆಚೇಂಗಿ ಅಯಿಂಗ ಯೆಹೂದ್ಯಂಗಕ್ ಮಾತ್ರ ದೇವಡ ಸುದ್ದಿನ ಪ್ರಸಂಗ ಮಾಡ್‍ಚಿ.

ಅಪೊಸ್ತಲ 14:25

ಅದ್ಂಗ್ ಕೂಡ್‍ನ ಪೆರ್ಗೆ ಊರ್‌ಲ್ ದೇವಡ ವಾಕ್ಯತ್‍ನ ಪ್ರಸಂಗ ಮಾಡಿತ್, ಪಿಂಞ ಅತಾಲ್ಯ ಪಟ್ಟಣಕ್ ಪೋಚಿ.

ಅಪೊಸ್ತಲ 16:6

ಆಸ್ಯ ಸೀಮೆಲ್ ದೇವಡ ವಾಕ್ಯತ್‍ನ ಎಣ್ಣ್‌ವಕ್ಕಾಗಾಂದ್ ಪವಿತ್ರಾತ್ಮ ಅಯಿಂಗಳ ತಡೆ ಮಾಡ್‍ನಗುಂಡ್, ಅಯಿಂಗ ಫ್ರುಗ್ಯ ಪಿಂಞ ಗಲಾತ್ಯ ಪ್ರಾಂತ್ಯತ್‍ಲ್ ಪ್ರಯಾಣ ಮಾಡಿಯಂಡಿಂಜತ್.

ಅಪೊಸ್ತಲ 8:25

ಪೇತ್ರ ಪಿಂಞ ಯೋಹಾನ ಒಡೆಯಂಡ ವಾಕ್ಯತ್‍ನ ಸಾಕ್ಷಿಯಾಯಿತ್ ಎಣ್ಣಿತಾನ ಪಿಂಞ, ಸಮಾರ್ಯ ಪ್ರಾಂತ್ಯತ್‍ರ ಊರ್ ಊರ್‌ಕ್ ಕ್ರಿಸ್ತಂಡ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡ್, ಯೆರೂಸಲೇಮ್‌ಕ್ ವಾಪಸ್ ಬಾತ್.

ರೋಮ್ 10:8

ಆಚೇಂಗಿ ಅದ್ ಎಂತ ಎಣ್ಣಿಯಂಡ್ ಉಂಡ್? ದೇವಡ ವಾಕ್ಯ ನೀಡ ಪಕ್ಕತ್‍ಲ್, ನೀಡ ಬಾಯಿಲ್ ಪಿಂಞ ನೀಡ ಹೃದಯತ್‍ಲ್ ಉಂಡ್‍ೕಂದ್ ಎಣ್ಣಿಯಂಡುಂಡ್, ಅದ್ ನಂಗ ಬೋದನೆ ಮಾಡ್‌ವ ನಂಬಿಕೇರ ವಾಕ್ಯವೇ.

2 ತಿಮೊಥೆಯ 4:2

ಅನುಕೂಲವಾನ ಸಮಯತ್‍ಲು, ಅನುಕೂಲಯಿಲ್ಲತ ಸಮಯತ್‍ಲು ನಲ್ಲ ಸುದ್ದಿನ ಬೋದನೆ ಮಾಡ್‌ವಕ್ ತಯಾರಾಯಿತ್ ಇರ್; ತ್‍ೕರ ತಾಳ್ಮೆಯಿಂಜ, ಅಯಿಂಗ ಮಾಡ್‍ನ ತಪ್ಪ್‌ನ ಎಣ್ಣಿ ಕೊಡ್‌ತಿತ್, ಕಂಡನೆ ಮಾಡಿತ್, ಪುರ್‌ಡ್ ಕೊಡ್‌ತಿತ್ ಎಚ್ಚರವಾಯಿತ್ ಬೋದನೆ ಮಾಡ್.