ಮಾರ್ಕ 2:13 - ಕೊಡವ ಬೈಬಲ್

¹³ ಯೇಸು ಗಲಿಲಾಯ ಎಣ್ಣುವ ಕೆರೆರ ಕರೆಕ್ ಪುನಃ ಪೋಚಿ. ಅಂವೊಂಡ ಪಕ್ಕ ದುಂಬ ಜನ ಬಾತ್; ಅಂವೊ ಅಯಿಂಗಕ್ ಬೋದನೆ ಮಾಡ್‍ಚಿ.

ಮಾರ್ಕ 2:13 ပူးပေါင်းရင်းမြစ်များ

ಮತ್ತಾಯ 13:1

ಅದೇ ದಿವಸ ಯೇಸು ಮನೆಯಿಂಜ ಪೊರಮೆ ಪೋಪಂಜಿ ಕೆರೆರ ಕರೆಕ್ ಪೋಯಿತ್ ಅಳ್‌ತತ್.

ಮತ್ತಾಯ 9:9

ಅಲ್ಲಿಂಜ ಯೇಸು ಪೋಯಂಡಿಪ್ಪಕ, ಮತ್ತಾಯಾಂದ್ ಪೆದ ಉಳ್ಳ ಒಬ್ಬ ಕಂದಾಯ ಎಡ್‌ಪ ಅಲ್ಲಿಯತ್‍ರ ಕಛೇರಿಲ್ ಅಳ್‌ತಂಡಿಪ್ಪದ್‍ನ ಕಂಡತ್. ಅಂವೊಂಗ್ ಯೇಸು: ನಾಡ ಬಯ್ಯ ಬಾಂದ್ ಎಣ್ಣ್‌ಚಿ. ಅಕ್ಕ ಅಂವೊ ಎದ್ದಿತ್ ಅಂವೊಂಡ ಬಯ್ಯಕ್ ಪೋಚಿ.

ಮಾರ್ಕ 1:45

ಆಚೇಂಗಿ ಯೇಸು ಎಣ್ಣ್‌ನ ಪ್ರಕಾರ ಅಂವೊಂಡ ತಕ್ಕ್ ಕ್‍ೕಕತೆ ಈ ನಲ್ಲ ವಿಷಯತ್‍ನ ಎಲ್ಲಾ ಜಾಗತ್‍ಲು ಎಣ್ಣಿಯಂಡ್ ಪೋಚಿ. ಅದ್ಂಗಾಯಿತ್ ಯೇಸುಕ್ ಪೊರಮೆ ಪೋಪಕ್ ಕಯ್ಯತಾಚಿ. ಆನಗುಂಡ್ ಯೇಸು ದಾರೂ ಇಲ್ಲತ ಜಾಗತ್‍ಲ್ ಇಂಜತ್. ಆಚೇಂಗಿಯು ಯೇಸುರ ಪಕ್ಕ ದುಂಬ ಜನ ಬಾತ್.

ಮಾರ್ಕ 10:1

ಯೇಸು ಆ ಜಾಗತ್‍ನ ಬುಟ್ಟಿತ್ ಯೊರ್ದನ್ ಎಣ್ಣುವ ಕೆರೆನ ದಾಟಿತ್ ಯೆಹೂದ್ಯ ಪ್ರಾಂತ್ಯಕ್ ಬಾತ್. ದುಂಬ ಜನ ಕೂಡಿತ್ ಯೇಸುರ ಪಕ್ಕ ಬಪ್ಪಕ್ ಸುರು ಮಾಡ್‍ಚಿ. ಅಯಿಂಗಕೆಲ್ಲ ಎಕ್ಕಲೂ ಮಾಡ್‌ವನೆಕೆ ಬೋದನೆ ಮಾಡಿಯಂಡಿಂಜತ್.

ಮಾರ್ಕ 2:2

ಅಂವೊಂಡ ಮನೆಕ್ ದುಂಬ ಜನ ಬಂದಿತ್ ಕೂಡ್‍ಚಿ. ಮನೆರ ಒಳ್‍ಲ್, ಬಾಯಿಕಂಡಿಲ್ ಜನ ದುಂಬ್‌ನಗುಂಡ್ ಪೊರಮೆ ಕಂಡಿಲ್ ಸಹ ಜಾಗ ಇಲ್ಲತಾಚಿ. ಯೇಸು ಅಯಿಂಗಕ್ ದೇವಡ ವಿಷಯತ್‍ನ ಬೋದನೆ ಮಾಡಿಯಂಡ್ ಇಂಜತ್.

ಮಾರ್ಕ 4:1

ಯೇಸು ಗಲಿಲಾಯ ಕೆರೆರ ಬರಿಲ್ ಪುನಃ ಉಪದೇಶ ಕೊಡ್‍ಪಕ್ ಸುರು ಮಾಡ್‍ಚಿ. ದುಂಬ ಜನ ಕೂಡಿಬಂದಗುಂಡ್ ಯೇಸು ಪೋಯಿತ್ ಅಲ್ಲಿ ಇಂಜ ಒರು ದೋಣಿಲ್ ಅಳ್‌ತಂಡತ್. ಜನಡ ಕೂಟ ಕೆರೆರ ಬರಿಲ್ ನಿಂದಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:48

ಜನ ಎಲ್ಲ ಅಂವೊಂಡ ಒರ್ ಬೋದನೆನ ಸಹ ಬುಡತೆ ಚಾಯಿತೆ ಕ್‍ೕಟಂಡ್ ಇಂಜಗುಂಡ್ ಅಯಿಂಗಕ್ ಎನ್ನನೆ ಮಾಡಂಡೂಂದ್ ಗೊತ್ತ್‌ಂಜಿತ್‌ಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:38

ಪೊಲಾಕಾಪಕಲೆ ದುಂಬ ಜನ ದೇವಾಲಯಕ್ ಪೋಯಿತ್ ಯೇಸುರ ಬೋದನೆನ ಕ್‍ೕಪಕ್ ಬಪ್ಪಯಿಂಜತ್.