ಮಾರ್ಕ 2:1 - ಕೊಡವ ಬೈಬಲ್

¹ ಚೆನ್ನ ದಿವಸ ಕಯಿಂಜ ಪಿಂಞ ಯೇಸು ಕಪೆರ್ನೌಮ್‍ಕ್ ಪೋಚಿ. ಅಂವೊ ಮನೆಲ್ ಉಂಡ್‍ೕಂದ್ ಎಲ್ಲಾರ್‌ಕು ಗೊತ್ತಾಚಿ.

ಮಾರ್ಕ 2:1 ပူးပေါင်းရင်းမြစ်များ

ಮತ್ತಾಯ 4:13

ಆಚೇಂಗಿ ಯೇಸು ನಜರೇತ್‍ಲ್ ವಾಸ ಮಾಡ್‌ವಕ್ ಬದ್‍ಲ್ ಕಪೆರ್ನೌಮ್‍ಕ್ ಪೋಚಿ. ಆ ಪೇಟೆ, ಗಲಿಲಾಯ ಕೆರೆಕ್ ಪಕ್ಕತ್‍ಲ್ ಜೆಬುಲೋನ್ ಪಿಂಞ ನೆಫ್ತಲೀಮ್ ಪ್ರಾಂತ್ಯತ್‍ಲ್ ಇಂಜತ್.

ಮತ್ತಾಯ 9:1

ಅಕ್ಕ ಯೇಸು ಹಡಗ್‍ಲ್ ಅಳ್‌ತಂಡ್ ಕೆರೆರ ಆಬರಿಕ್ ಅಂವೊಂಡ ಪಟ್ಟಣಕ್ ಪೋಚಿ.

ಮಾರ್ಕ 1:45

ಆಚೇಂಗಿ ಯೇಸು ಎಣ್ಣ್‌ನ ಪ್ರಕಾರ ಅಂವೊಂಡ ತಕ್ಕ್ ಕ್‍ೕಕತೆ ಈ ನಲ್ಲ ವಿಷಯತ್‍ನ ಎಲ್ಲಾ ಜಾಗತ್‍ಲು ಎಣ್ಣಿಯಂಡ್ ಪೋಚಿ. ಅದ್ಂಗಾಯಿತ್ ಯೇಸುಕ್ ಪೊರಮೆ ಪೋಪಕ್ ಕಯ್ಯತಾಚಿ. ಆನಗುಂಡ್ ಯೇಸು ದಾರೂ ಇಲ್ಲತ ಜಾಗತ್‍ಲ್ ಇಂಜತ್. ಆಚೇಂಗಿಯು ಯೇಸುರ ಪಕ್ಕ ದುಂಬ ಜನ ಬಾತ್.

ಮಾರ್ಕ 2:2

ಅಂವೊಂಡ ಮನೆಕ್ ದುಂಬ ಜನ ಬಂದಿತ್ ಕೂಡ್‍ಚಿ. ಮನೆರ ಒಳ್‍ಲ್, ಬಾಯಿಕಂಡಿಲ್ ಜನ ದುಂಬ್‌ನಗುಂಡ್ ಪೊರಮೆ ಕಂಡಿಲ್ ಸಹ ಜಾಗ ಇಲ್ಲತಾಚಿ. ಯೇಸು ಅಯಿಂಗಕ್ ದೇವಡ ವಿಷಯತ್‍ನ ಬೋದನೆ ಮಾಡಿಯಂಡ್ ಇಂಜತ್.

ಮಾರ್ಕ 3:20

ಪಿಂಞ ಯೇಸು ಮನೆಕ್ ಪೋಚಿ. ಅಲ್ಲಿ ಅಂವೊಂಗು ಅಂವೊಂಡ ಶಿಷ್ಯಂಗಕು ಉಂಬಕ್ ಸಹ ಸಮಯ ಕ್‌ಟ್ಟತಚ್ಚಕ್ ಜನ ಪುನಃ ಬಂದಿತ್ ಕೂಡಿತ್ಂಜತ್.

ಮಾರ್ಕ 7:17

ಯೇಸು ಜನಡ ಗುಂಪ್‍ನ ಬುಟ್ಟಿತ್ ಮನೆರ ಒಳ್‍ಲ್ ಪೋಪಕ, ಅಂವೊಂಡ ಶಿಷ್ಯಂಗ ನೀನ್ ಇಕ್ಕ ಎಣ್ಣ್‌ನ ತಕ್ಕ್‌ನ ಅರ್ಥ ಮಾಡಿತ್ ಬುಡ್‌ತಿತ್ ಎಣ್ಣಿತಾಂದ್ ಎಣ್ಣ್‌ಚಿ.

ಮಾರ್ಕ 7:24

ಪಿಂಞ ಯೇಸು ಆ ಜಾಗತ್‍ನ ಬುಟ್ಟಿತ್ ತೀರ್ ಎಣ್ಣುವ ಒರ್ ಪಟ್ಟಣಕ್ ಪೋಚಿ. ಅಲ್ಲಿ ಅಂವೊ ಒರ್ ಮನೇರೊಳ್‌ಕ್ ಪೋಚಿ. ನಾನ್ ಇಲ್ಲಿ ಉಳ್ಳದ್ ದಾರ್‌ಕು ಗೊತ್ತಾಪನೆಕೆ ಇರಡ್‍ೕಂದ್ ಇಷ್ಟಪಟ್ಟತ್, ಆಚೇಂಗಿ ಅಂವೊ ಅನ್ನನೆ ಇಪ್ಪಕಯಿಂಜಿತ್‌ಲ್ಲೆ.

ಮಾರ್ಕ 9:28

ಯೇಸು ಮನೆರ ಒಳ್‍ಕ್ ಪೋನ ಪಿಂಞ ಅಂವೊಂಡ ಶಿಷ್ಯಂಗ, ನಂಗಕ್ ಎನ್ನಂಗ್ ಕೂಳಿಯಳ ಬುಡ್‌ತುವಕ್ ಕಯಿಂಜಿತ್‌ಲ್ಲೇಂದ್ ಯೇಸುನ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:23

ಯೇಸು ಅಲ್ಲಿ ಉಳ್ಳ ಜನಕ್: ವೈದ್ಯ! ನೀಡ ಕಾಯಿಲೆನ ನೀನೇ ವಾಸಿ ಮಾಡಿಯ ಎಣ್ಣುವ ಈ ಗಾದೆನ ನಾಕ್ ನಿಂಗ ಎಣ್ಣಿತ್, ನಾನ್ ಕಪೆರ್ನೌಮ್‌ಲ್ ಮಾಡ್‌ನಾನ ನಿಂಗ ಕ್‍ೕಟದ್‍ನ ನೀಡ ಸ್ವಂತ ಊರ್‌ಲ್ ಸಹ ಮಾಡ್‍ೕಂದ್ ನಿಂಗ ನಾಕ್ ನೇರಾಯಿತ್ ಎಣ್ಣುವಿರ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:18

ಅಕ್ಕಣೆಕೆ ಚೆನ್ನ ಜನ, ಪಾರ್ಶ್ವವಾಯುಲ್ ನರಳಿಯಂಡಿಂಜ ಒರ್ ಮನುಷ್ಯನ ಕಟ್ಟ್‌ಲ್ ಇಟ್ಟಿತ್ ಯೇಸುರ ಪಕ್ಕ ಕೊಂಡ್‌ಬಂತ್, ಒಳ್‍ಕ್ ಪೋಪಕು, ಯೇಸುರ ಮಿಂಞ ಇಡ್‌ವಕು ನೋಟ್‌ಚಿ.

ಯೋಹಾನ 4:47

ಯೇಸು ಯೂದಾಯ ಪ್ರಾಂತ್ಯತ್ಂಜ ಗಲಿಲಾಯಕ್ ಬಾತ್‍ೕಂದ್ ಕ್‍ೕಟಿತ್, ಅಂವೊ, ಯೇಸುರ ಪಕ್ಕ ಬಂದಿತ್, ಚಾವನೆಕೆ ಉಳ್ಳ ನಾಡ ಮೋಂವೊನ ನೀನ್ ಬಂದಿತ್ ವಾಸಿ ಮಾಡಂಡೂಂದ್ ಕ್‍ೕಟಂಡತ್.

ಅಪೊಸ್ತಲ 2:6

ಆ ಬಲ್ಯ ಸದ್ದ್ ಕ್‍ೕಪಕ ಎಲ್ಲಾ ಜನಳು ಗುಂಪ್ ಗುಂಪಾಯಿತ್ ಓಡಿ ಬಂದಿತ್ ನೋಟ್‌ಚಿ. ಅಕ್ಕ, ಅಯಿಂಗಯಿಂಗಡ ಬಾಷೆಲ್ ಜನ ತಕ್ಕ್ ಪರಿಯುವಾನ ಕ್‍ೕಟಿತ್ ಅಯಿಂಗೆಲ್ಲ ಅಲ್ಲಿ ಎಂತ ಆಯಂಡುಂಡ್‍ೕಂದ್ ಗೊತ್ತಿಲ್ಲತೆ, ಆಶ್ಚರ್ಯ ಪಟ್ಟತ್.