ಮಾರ್ಕ 16:9 - ಕೊಡವ ಬೈಬಲ್

⁹ ವಾರತ್‍ರ ಆದ್ಯ ನಾಳಾಯಿತ್ಂಜ ನಾರಾಚೆ ಪೊಲಾಕ ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್, ಆದ್ಯವಾಯಿತ್ ಮಗ್ದಲದ ಮರಿಯಕ್ ಯೇಸು ಅಂವೊನ ಕಾಂಬ್‌ಚಿಟ್ಟಂಡತ್.

ಮಾರ್ಕ 16:9 ပူးပေါင်းရင်းမြစ်များ

ಮತ್ತಾಯ 27:56

ಅಯಿಂಗಡ ಕೂಡೆ, ಮಗ್ದಲ ಮರಿಯ, ಯಾಕೋಬ ಪಿಂಞ ಯೋಸೇಯಂಡ ಅವ್ವ ಮರಿಯ ಪಿಂಞ ಯಾಕೋಬ ಪಿಂಞ ಯೋಹಾನಂಡ ಅವ್ವಳು ಇಂಜತ್.

ಮಾರ್ಕ 15:40

ಚೆನ್ನ ಪೊಣ್ಣಾಳುವ ದೂರತ್ಂಜ ನೋಟಿಯಂಡಿಂಜತ್. ಅಯಿಂಗೆಲ್ಲಾ ದಾರ್ ಎಣ್ಣ್‌ಚೇಂಗಿ, ಯೇಸು ಗಲಿಲಾಯತ್‍ಲ್ ಇಪ್ಪಕಾಪಕ, ಅಂವೊಂಗ್ ಸಹಾಯ ಮಾಡಿತ್, ಅಂವೊಂಡ ಬೆಂಬರತ್‌ಲ್ ಬಂದ, ಮಗ್ದಲ ಮರಿಯ, ಚೆರಿಯ ಯಾಕೋಬ ಪಿಂಞ ಯೋಸೇಯ ಎಣ್ಣುವಯಿಂಗಡ ಅವ್ವ ಮರಿಯ ಪಿಂಞ ಸಲೋಮಿ ಎಣ್ಣ್‌ವಯಿಂಗಳೇ.

ಮಾರ್ಕ 15:47

ಅಂವೊಂಡ ಚಾವ್ ತಡೀನ ಬೆಚ್ಚ ಜಾಗತ್‍ನ ಮಗ್ದಲ ಮರಿಯಳು, ಯೇಸುರ ಅವ್ವ ಮರಿಯಳು ನೋಟಿಯಂಡ್ ಇಂಜತ್.

ಮಾರ್ಕ 16:8

ಅಯಿಂಗ ಪೊರಮೆ ಬಾತ್. ಅಯಿಂಗ ಅಲ್ಲಿಂಜ ಗಾಬರಿಯಾಯಿತ್ ಪೋಡಿಲ್ ಓಡಿ ಪೋಚಿ. ಅಯಿಂಗಕ್ ದುಂಬ ಪೋಡಿ ಆಯಿತ್ಂಜಗುಂಡ್ ದಾರ್‌ಕು ಒರ್ ತಕ್ಕು ಪರ್ಂದಿತ್‌ಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:10

ಇದ್‍ನ ಅಪೊಸ್ತಲಂಗಕ್ ಎಣ್ಣ್‌ನಯಿಂಗ ಮಗ್ದಲದ ಮರಿಯ, ಯೋಹಾನಳ, ಯಾಕೋಬಂಡ ಅವ್ವನಾನ ಮರಿಯ ಪಿಂಞ ಇಂಞು ಚೆನ್ನ ಪೊಣ್ಣಾಳುವಯಿಂಗಳೇ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:2

ಕೂಳಿ ಪುಡ್‌ಚಿತ್ ವಾಸಿ ಆನ ಚೆನ್ನ ಪೊಣ್ಣಾಳುವಳು, ಬೋರೆ ಕಾಯಿಲೆಯಿಂಜ ವಾಸಿ ಆನ ಪೊಣ್ಣಾಳುವಳು ಇಂಜತ್. ಆ ಪೊಮ್ಮಕಂಗ ದಾರ್‍ೕಂದೆಣ್ಣ್‌ಚೇಂಗಿ: ಏಳ್ ಕೂಳಿಯ ಬುಟ್ಟಿತ್ ಪೋನ ಮಗ್ದಲ ಎಣ್ಣುವ ಮರಿಯಳು, ಸುಸನ್ನಳು,

ಯೋಹಾನ 20:12

ಅಕ್ಕ, ಯೇಸುರ ತಡೀನ ಬೆಚ್ಚಿತ್ಂಜ ಜಾಗತ್‍ಲ್, ಬೊಳ್‍ತ ಬಟ್ಟೆ ಇಟ್ಟಿತ್ಂಜ ದಂಡ್ ದೇವದೂತಂಗ ಅಳ್‌ತಿತ್‌ಪ್ಪದ್‍ನ ಕಂಡತ್. ಒಬ್ಬ ಯೇಸುರ ಮಂಡೆ ಬೆಚ್ಚಿತ್ಂಜ ಜಾಗತ್‍ಲ್, ಇಂಞೊಬ್ಬ ಯೇಸುರ ಕಾಲ್ ಇಂಜ ಜಾಗತ್‍ಲ್ ಅಳ್‍ತಂಡಿಂಜತ್.

ಅಪೊಸ್ತಲ 20:7

ವಾರತ್‍ರ ಆದ್ಯ ದಿವಸತ್‍ಲ್ ನಂಗ ಒಟ್ಟಿನ ಪೊಳಿಪ ಸಮಯಕಾಯಿತ್ ಕೂಡಿ ಬಂದಿತ್ಂಜತ್. ಅಲ್ಲಿ ಕೂಡಿ ಬಂದಿತ್ಂಜ ಜನಡ ಕೂಡೆ ಪೌಲ ಪ್ರಸಂಗ ಮಾಡಿಯಂಡಿಂಜತ್. ಪಿತ್ಯಾಂದ್ ಪೌಲ ಅಲ್ಲಿಂಜ ಪೊರಟಿತ್ ಪೋಂಡೂಂದ್ ಇಂಜಗುಂಡ್, ನಡ್‍ಪಾದ್ರೆಕತ್ತನೆ ಅಯಿಂಗಡ ಕೂಡೆ ಪೌಲ ತಕ್ಕ್ ಪರ್ಂದಂಡ್ ಪ್ರಸಂಗ ಮಾಡಿಯಂಡ್ ಇಂಜತ್.

1 ಕೊರಿಂಥ 16:2

ಓರೋರ್ ವಾರತ್‍ರ ಆದ್ಯ ದಿವಸತ್‍ಲ್ ನಿಂಗ ಕೂಡಿ ಬಪ್ಪಕ, ಆ ವಾರತ್‍ಲ್ ನಿಂಗ ನಯಿಚ ದುಡ್ಡ್‌ಲ್, ಚೆನ್ನ ದುಡ್ಡ್‌ನ ಬೋರೆ ಮಾಡಿತ್ ಬೆಕ್ಕಂಡು. ನಾನ್ ನಿಂಗಡಲ್ಲಿಕ್ ಬಪ್ಪಕತ್ತನೆ ನಿಂಗ ಪಾರಕಾತಂಡಿಪ್ಪಕ್ಕಾಗ. ಅಕ್ಕ ನಾನ್ ಬಪ್ಪಕ, ಪಣತ್‍ನ ಕೂಟಿತ್ ಬೆಪ್ಪ ಕೆಲಸ ನಿಂಗಕ್ ಇಪ್ಪುಲೆ.

ಪ್ರಕಟನೆ 1:10

ಒಡೆಯಂಡ ದಿವಸತ್‍ಲ್ ಪವಿತ್ರಾತ್ಮಂಡ ಶಕ್ತಿ ನನ್ನ ಅಂವೊಂಡ ಪುಡ್‍ತತ್‍ಲ್ ಬೆಚ್ಚತ್. ಅಕ್ಕ ನಾಡ ಬಯ್ಯ ವಾಲಗತ್‍ರ ಸದ್ದ್‌ರನೆಕೆ ಒರ್ ಜೋರಾನ ಬಲ್ಯ ವಾಣಿ ನಾಕ್ ಕ್‍ೕಟತ್.