ಮಾರ್ಕ 16:20 - ಕೊಡವ ಬೈಬಲ್

²⁰ ಶಿಷ್ಯಂಗ ಎಲ್ಲಾ ಜಾಗಕ್ ಪೋಯಿತ್ ಪ್ರಚಾರ ಮಾಡ್‍ಚಿ. ದೇವ ಅಯಿಂಗಡ ಕೂಡೆ ಇಂಜತ್, ಅಯಿಂಗ ಬೋದನೆ ಮಾಡ್‍ವದ್ ಸತ್ಯಾಂದ್ ಅಯಿಂಗ ಮಾಡ್‌ವ ಅದ್ಬುತ ಕಾರ್ಯತ್ಂಜ ಅಂವೊ ಕಾಟಿಕೊಡ್‍ತತ್. ಆಮೆನ್.

ಮಾರ್ಕ 16:20 ပူးပေါင်းရင်းမြစ်များ

ಮಾರ್ಕ 16:19

ಇದ್‍ನೆಲ್ಲಾ ಒಡೆಯನಾನ ಯೇಸು ತಕ್ಕ್ ಪರ್ಂದಿತ್ ಆನ ಪಿಂಞ ಅಂವೊನ ಪರಲೋಕಕ್ ಎಡ್‍ತಂಡ್ ಪೋಚಿ, ಅಂವೊ ದೇವಡ ಬಲ್‌ತೆ ಬರಿಲ್ ಅಳ್‌ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:1

ಮರ್ಯಾದಸ್ತನಾನ ಥೆಯೊಫಿಲನೇ: ನಿಂಗಕ್ ಗೊತ್ತುಳ್ಳನೆಕೆ, ದುಂಬ ಜನ, ನಂಗಡ ಮದ್ಯತ್‍ಲ್ ನಡ್ಂದ ಈ ವಿಷಯತ್‍ನ ಚಾಯಿತೆ ಒಳ್‍ದ್‍ವಕ್ ಪ್ರಯತ್ನ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:2

ಯೇಸುರ ಸೇವೇನ ಆದಿಯಿಂಜಲೆ ಕಣ್ಣಾರೆ ಕಂಡಿತ್ ದೇವಡ ವಾಕ್ಯತ್‍ನ ನಂಗಕ್ ಬೋದನೆ ಮಾಡ್‍ನಯಿಂಗ ಒಪ್ಪ್‌ಚಿಟ್ಟ ಪ್ರಕಾರ ಅಯಿಂಗ ಒಳ್‍ದ್‍ಚಿ.

ಅಪೊಸ್ತಲ 14:3

ಆಚೇಂಗಿಯು ಪೌಲ ಪಿಂಞ ಬಾರ್ನಬ ದುಂಬ ದಿವಸ ಅಲ್ಲಿ ಒಳಿಂಜಿತ್ ಒಡೆಯಂಡ ವಿಷಯತ್‍ನ ದೈರ್ಯವಾಯಿತ್ ತಕ್ಕ್ ಪರ್ಂದತ್. ಒಡೆಯ, ಅಯಿಂಗ ತಕ್ಕ್ ಪರ್ಂದ ಕೃಪೇರ ವಿಷಯ ನೇರಾನದ್‍ೕಂದ್ ಎಣ್ಣ್‌ವಕ್ ಸಾಕ್ಷಿಯಾಯಿತ್, ಅಯಿಂಗ ಗುರ್‌ತ್ ಪಿಂಞ ಆಶ್ಚರ್ಯ ಕಾರ್ಯನೆಲ್ಲ ಮಾಡ್‌ವಕ್ ಶಕ್ತಿ ಕೊಡ್‍ತತ್.

ಅಪೊಸ್ತಲ 4:30

ನೀಡ ಪವಿತ್ರ ಸೇವಕನಾನ ಯೇಸುರ ಪೆದತ್‍ಲ್ ಗುರ್‍ತ್‍ನ ಮಾಡಿತ್, ಆಶ್ಚರ್ಯ ಕಾರ್ಯ ಆಪನೆಕೆ ಮಾಡಿತ್, ಪಿಂಞ ವಾಸಿ ಮಾಡ್‌ವಕಾಯಿತ್ ನೀನ್ ಶಕ್ತಿನ ಕೊಡ್‌ತಿತ್ ಅನುಗ್ರಹ ಮಾಡಂಡೂಂದ್ ಪ್ರಾರ್ಥನೆ ಮಾಡ್‍ಚಿ.

ಅಪೊಸ್ತಲ 5:12

ಇದ್‍ಲ್ಲತೆ, ಅಪೊಸ್ತಲಂಗಡ ಕೈಯಿಂಜ ದುಂಬ ಗುರ್‌ತ್ ಕಾರ್ಯ ಪಿಂಞ ಆಶ್ಚರ್ಯ ಕಾರ್ಯ ಜನಡ ಮದ್ಯತ್‍ಲ್ ನಡ್ಂದಡಿಂಜತ್. ಅಯಿಂಗ ಎಲ್ಲಾರು ಒರೇ ಮನಸ್ಸ್‌ಲ್ ಸೊಲೊಮೋನಂಡ ಮಂಟಪತ್‌ಲ್ ಇಪ್ಪಯಿಂಜತ್.

ರೋಮ್ 15:19

ಇನ್ನನೆ ಯೆರೂಸಲೇಮ್ಂಜ ಇಲ್ಲುರಿಕ ಎಣ್ಣುವ ಜಾಗತ್‍ರ ಸುತ್ತ್‌ಮುತ್ತ್‌ಕತ್ತನೆ ಕ್ರಿಸ್ತಂಡ ನಲ್ಲ ಸುದ್ದಿನ ಪೂರ್ತಿಯಾಯಿತ್ ಬೋದನೆ ಮಾಡಿಯೆ.

2 ಕೊರಿಂಥ 6:1

ದೇವಡ ಕೃಪೇನ ನಿಂಗ ಸ್ವೀಕಾರ ಮಾಡ್‍ನ ಪಿಂಞ ಅದ್‍ನ ಪ್ರಯೋಜನ ಇಲ್ಲತನೆಕೆ ಮಾಡ್‌ವಕ್ಕಾಗಾಂದ್ ದೇವಡ ಕೂಡೆ ಸೇವೆ ಮಾಡ್‌ವಯಿಂಗಳಾನ ನಂಗ ನಿಂಗಕ್ ಬುದ್ದಿ ಎಣ್ಣುವ.

ಇಬ್ರಿಯ 2:3

ಅನ್ನನೆ ಇಪ್ಪಕ, ಆದ್ಯವಾಯಿತ್ ಒಡೆಯಂಡ ಮೂಲಕ ಅರಿಚಿಟ್ಟಿತ್, ಪಿಂಞ ಅಂವೊಂಡಿಂಜ ಕ್‍ೕಟಯಿಂಗಡ ಮೂಲಕ ನಂಗಕ್ ಸ್ತಿರಪಡ್‌ತಿತ್,

ಇಬ್ರಿಯ 2:4

ಆಶ್ಚರ್ಯ ಕಾರ್ಯ, ಅದ್ಬುತ ಕಾರ್ಯತ್‍ನಗುಂಡ್ ಪಿಂಞ ಅಂವೊಂಡ ಶಕ್ತಿರಗುಂಡ್ ಎಚ್ಚಕೋ ಕ್ರಿಯೇನ ನಂಗ ಕಂಡಿತುಂಡ್. ತಾಂಡ ಚಿತ್ತತ್‍ರನೆಕೆ, ಪಾಲ್ ಮಾಡ್‍ನ ಪವಿತ್ರಾತ್ಮತ್‍ರ ವರತ್‍ರಗುಂಡ್ ದೇವನೇ ಸಾಕ್ಷಿ ಎಣ್ಣ್‌ನ ಇಚ್ಚಕ್ ಬಲ್ಯ ರಕ್ಷಣೆರ ವಿಷಯತ್ ನಂಗ ಎಚ್ಚರ ಇಲ್ಲತೆ ಇಂಜತೇಂಗಿ, ಬಪ್ಪಕುಳ್ಳ ಶಿಕ್ಷೆಕ್ ನಂಗ ಎನ್ನನೆ ಬಚಾವ್ ಆಪಕಯ್ಯು?