ಮಾರ್ಕ 16:19 - ಕೊಡವ ಬೈಬಲ್

¹⁹ ಇದ್‍ನೆಲ್ಲಾ ಒಡೆಯನಾನ ಯೇಸು ತಕ್ಕ್ ಪರ್ಂದಿತ್ ಆನ ಪಿಂಞ ಅಂವೊನ ಪರಲೋಕಕ್ ಎಡ್‍ತಂಡ್ ಪೋಚಿ, ಅಂವೊ ದೇವಡ ಬಲ್‌ತೆ ಬರಿಲ್ ಅಳ್‌ತತ್.

ಮಾರ್ಕ 16:19 ပူးပေါင်းရင်းမြစ်များ

ಮಾರ್ಕ 16:20

ಶಿಷ್ಯಂಗ ಎಲ್ಲಾ ಜಾಗಕ್ ಪೋಯಿತ್ ಪ್ರಚಾರ ಮಾಡ್‍ಚಿ. ದೇವ ಅಯಿಂಗಡ ಕೂಡೆ ಇಂಜತ್, ಅಯಿಂಗ ಬೋದನೆ ಮಾಡ್‍ವದ್ ಸತ್ಯಾಂದ್ ಅಯಿಂಗ ಮಾಡ್‌ವ ಅದ್ಬುತ ಕಾರ್ಯತ್ಂಜ ಅಂವೊ ಕಾಟಿಕೊಡ್‍ತತ್. ಆಮೆನ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:69

ಆಚೇಂಗಿ ಇಕ್ಕಯಿಂಜ ಈ ಮನುಷ್ಯಕುಮಾರ ಸರ್ವಶಕ್ತನಾನ ದೇವಡ ಬಲ್‌ತೆ ಬರಿಲ್ ಅಳ್‌ಪಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:51

ಪರಲೋಕಕ್ ಅಂವೊನ ಎಡ್‌ತ ಪೋಪಕ್ ಸಮಯ ಪಕ್ಕ ಬಂದಂಡಿಪ್ಪಕ, ಯೇಸು ಯೆರೂಸಲೇಮ್‌ಕ್ ಪೋಪಕ್ ಗೇನ ಮಾಡ್‍ಚಿ.

ಯೋಹಾನ 13:1

ಇಕ್ಕ, ಪಸ್ಕ ನಮ್ಮೆ ಪಕ್ಕಪಕ್ಕ ಬಾತ್. ಯೇಸುಕ್: ನಾನ್ ಈ ಲೋಕತ್‍ನ ಬುಟ್ಟಿತ್ ನಾಡ ಅಪ್ಪಂಡ ಪಕ್ಕ ಪೋಪೀಂದ್ ಗೊತ್ತಾಚಿ. ಆನಗುಂಡ್, ಅಂವೊ ಈ ಲೋಕತ್‍ಲ್ ಇಂಜ ಅಂವೊಂಡಯಿಂಗಳ ಎಚ್ಚಕ್ ಪ್ರೀತಿ ಮಾಡಿತ್ಂಜತೋ ಅನ್ನನೆ ಆಕೀರ್‍ಕತ್ತನೆ ಪ್ರೀತಿ ಮಾಡ್‍ಚಿ.

ಯೋಹಾನ 16:28

ನಾನ್ ಈ ಲೋಕಕ್ ಅಪ್ಪಂಡಯಿಂಜ ಬಂದಿಯೆ, ಇಕ್ಕ ನಾನ್ ಈ ಲೋಕತ್‍ನ ಬುಟ್ಟಿತ್ ಅಪ್ಪಂಡ ಪಕ್ಕ ಪೋಯಂಡುಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 17:13

ಆಚೇಂಗಿ ಇಕ್ಕ ನಾನ್ ನೀಡ ಪಕ್ಕ ಬಂದಂಡುಂಡ್; ನಾಡ ಕುಶಿ ಪೂರ್ತಿಯಾಯಿತ್ ಅಯಿಂಗಡಲ್ಲಿ ಇಪ್ಪಕಾಯಿತ್ ನಾನ್ ಅಯಿಂಗಡ ಕೂಡೆ ಇಪ್ಪಕಲೆ ಇನ್ನನೆ ನಾನ್ ಎಣ್ಣಿಯಂಡುಳ್ಳ.

ಯೋಹಾನ 20:17

ಯೇಸು ಅವಳ ನೋಟಿತ್: ನೀನ್ ನನ್ನ ಮುಟ್ಟತೆ, ಎನ್ನಂಗೆಣ್ಣ್‌ಚೇಂಗಿ, ನಾನ್ ನಾಡ ಅಪ್ಪಂಡ ಪಕ್ಕ ಇಂಞು ಪೋಯಿತ್‌ಲ್ಲೆ; ನೀನ್ ನಾಡ ತಮ್ಮಣಂಗಡ ಪಕ್ಕ ಪೋಯಿತ್, ನಾನ್ ನಾಡ ಅಪ್ಪಂಡ ಪಕ್ಕವು ನಿಂಗಡ ಅಪ್ಪಂಡ ಪಕ್ಕವು, ನಾಡ ದೇವಡ ಪಕ್ಕವು, ನಿಂಗಡ ದೇವಡ ಪಕ್ಕವು ಪೋಯಂಡುಳ್ಳ್‌ಂದ್ ಎಣ್ಣ್‍ೕಂದ್ ಎಣ್ಣ್‌ಚಿ.

ಯೋಹಾನ 21:15

ಅಯಿಂಗೆಲ್ಲಾ ಉಂಡಿತಾನ ಪಿಂಞ ಯೇಸು ಸೀಮೋನ ಪೇತ್ರನ ನೋಟಿತ್: ಯೋಹಾನಂಡ ಮೋಂವೊನಾನ ಸೀಮೋನನೇ, ಈಂಗ ಎಲ್ಲಾಕಿಂಜ ನೀನ್ ನಾಡ ಮೇಲೆ ದುಂಬ ಪ್ರೀತಿ ಬೆಚ್ಚಿತುಳ್ಳಿಯಾಂದ್ ಕ್‍ೕಟತ್. ಅಂವೊಂಗ್ ಪೇತ್ರ: ಅಕ್ಕು ಒಡೆಯನೇ, ನಾನ್ ಪ್ರೀತಿಚಿಡ್‌ವೀಂದ್ ನೀಕ್ ಗೊತ್ತುಂಡ್‍ೕಂದ್ ಎಣ್ಣ್‌ಚಿ. ಯೇಸು ಅಂವೊಂಗ್: ನೀನ್ ನಾಡ ಕೊರಿಕುಟ್ಟಿಯಳ ಮೇಯಿಸೂಂದ್ ಎಣ್ಣ್‌ಚಿ.

ಯೋಹಾನ 21:22

ಯೇಸು ಪೇತ್ರಂಗ್: ನಾನ್ ಪುನಃ ಬಪ್ಪಕತ್ತನೆ ಇಂವೊ ಬದ್‌ಕಿತ್ ಇಪ್ಪಕ್ ನಾಕ್ ಕುಶಿ ಉಂಡೇಂಗಿ, ನೀಕ್ ಎಂತ? ನೀನ್ ನಾಡ ಬಯ್ಯ ಬಾಂದ್ ಯೇಸು ಎಣ್ಣ್‌ಚಿ.

ಯೋಹಾನ 6:62

ಅನ್ನನೆ ಆಚೇಂಗಿ, ಮನುಷ್ಯಕುಮಾರ ಎಲ್ಲಿಂಜ ಬಾತೋ ಅಲ್ಲಿಕ್ ಪತ್ತಿತ್ ಪೋಪಾನ ನಿಂಗ ಕಂಡಕ ಎಂತ ಮಾಡ್‌ವಿರ?

ಅಪೊಸ್ತಲ 1:22

ಯೇಸು ನಂಗಡ ಮದ್ಯತ್ ಸೇವೆ ಮಾಡಿಯಂಡಿಂಜ ಕಾಲತ್‍ಲ್, ನಂಗಡ ಕೂಡೆ ಇಂಜ ಒಬ್ಬ, ಯೇಸು ಚಾವ್‍ಯಿಂಜ ಪುನಃ ಜೀವವಾಯಿತ್ ಬಾತ್‍ೕಂದ್ ಉಳ್ಳ ವಿಷಯತ್‍ನ ನಂಗಡನೆಕೆ ಸಾಕ್ಷಿಯಾಯಿತ್ ಎಣ್ಣ್‌ವಂವೊನ ನೇಮಿಚಿಡಡೂಂದ್ ಪೇತ್ರ ಎಣ್ಣ್‌ಚಿ.

ಅಪೊಸ್ತಲ 2:33

ಅಂವೊನ ದೇವ ತಾಂಡ ಬಲ್‌ತೆ ಬರಿಲ್ ಅಳ್‍ಪ್‍ಚಿಟ್ಟಿತ್, ದೇವ ವಾಗ್ದಾನ ಮಾಡ್‍ನನೆಕೆ ಪವಿತ್ರಾತ್ಮನ ಅಯಿಪಕ್ ಅದಿಕಾರ ಕೊಡ್‍ತತ್. ನಿಂಗ ಇಕ್ಕ ನೋಟಿಯಂಡ್, ಕ್‍ೕಟಂಡ್ ಉಳ್ಳನೆಕೆ, ಅಂವೊ ನಂಗಡ ಮೇಲೆ ಪವಿತ್ರಾತ್ಮತ್‍ನ ಬೂಕಿತುಂಡ್.

ಅಪೊಸ್ತಲ 3:21

ಅಂವೊಂಡ ಪವಿತ್ರವಾನ ಪ್ರವಾದಿಯಂಗಡ ಮೂಲಕ, ಪಂಡೇ ವಾಗ್ದಾನ ಮಾಡ್‍ನನೆಕೆ, ದೇವ ಎಲ್ಲಾನ ಸರಿಮಾಡ್‍ವಾಂದ್ ಎಣ್ಣ್‌ನ ವಿಷಯನೆಲ್ಲ ನೆರೆವೇರುವ ಕಾಲಕತ್ತನೆ, ಈ ಕ್ರಿಸ್ತ, ಪರಲೋಕತ್‍ಲ್ ಇಕ್ಕಂಡು.

ರೋಮ್ 8:34

ಅಕ್ಕ, ತೀರ್ಪ್ ಮಾಡ್‌ವಯಿಂಗ ದಾರ್? ಕ್ರಿಸ್ತನೇ ನಂಗಕಾಯಿತ್ ಚತ್ತಂವೊ. ಅಲ್ಲತೆ, ಅಂವೊನೇ ನಂಗಕಾಯಿತ್ ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬಂದಂವೊ. ಅಂವೊನೇ ದೇವಡ ಬಲ್‌ತೆ ಬರಿಲ್ ಅಳ್‌ತಂಡಿಪ್ಪಂವೊ, ನಂಗಕಾಯಿತ್ ದೇವಡ ಪಕ್ಕ ಬೋಡುವಂವೊನು ಅಂವೊನೇ.

ಕೊಲೊಸ್ಸೆ 3:1

ಆನಗುಂಡ್, ಕ್ರಿಸ್ತಂಡ ಕೂಡೆ ಆತ್ಮೀಯವಾಯಿತ್ ಜೀವತ್‍ಲ್ ಎದ್ದಿತ್ ಉಂಡೇಂಗಿ, ಕ್ರಿಸ್ತ, ದೇವಡ ಬಲ್‌ತೆ ಬರಿಲ್ ಅಳ್‌ತಂಡುಳ್ಳ ಜಾಗತ್‍ಲ್ ಉಳ್ಳ ಪರಲೋಕತ್‍ರ ವಿಷಯತ್‍ನ ತ್‍ೕಡಂಡು.

1 ತಿಮೊಥೆಯ 3:16

ಏದ್ ಅನುಮಾನವು ಇಲ್ಲತನೆಕೆ, ನಂಗಕ್ ಕಾಂಬ್‍ಚಿಟ್ಟಿತುಳ್ಳ ಸತ್ಯತ್‍ರ ಗುಟ್ಟ್ ದುಂಬ ಬಲ್ಯದ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತ, ತಡೀಲ್ ಪುಟ್ಟ್‌ಚಿ. ಪವಿತ್ರಾತ್ಮ ಅಂವೊನ ನೀತಿ ಉಳ್ಳಂವೋಂದ್ ಎಣ್ಣ್‌ಚಿ. ದೇವದೂತಂಗ ಅಂವೊನ ಕಂಡತ್. ಅನ್ಯ ಜನ ಅಂವೊಂಡ ವಿಷಯತ್‍ನ ಕ್‍ೕಟತ್. ಲೋಕತ್‍ರ ಜನ ಅಂವೊನ ನಂಬ್‍ಚಿ. ಮಹಿಮೆಲ್ ಪರಲೋಕಕ್ ಪೋಚಿ.

ಇಬ್ರಿಯ 1:3

ಇಂವೊ ದೇವಡ ಮಹಿಮೇರ ಬೊಳಿಯು, ಅಂವೊಂಡ ರೂಪತ್‍ರ ಪ್ರತಿಮೆಯುವಾಯಿತುಂಡ್. ಅದಲ್ಲತೆ, ಎಲ್ಲಾನ ಅಂವೊಂಡ ಶಕ್ತಿ ದುಂಬ್‍ನ ವಾಕ್ಯತ್‍ರಗುಂಡ್ ಪೊರ್‍ತಂಡ್ ಅಂವೊನಗುಂಡ್ ನಂಗಡ ಪಾಪತ್‍ನ ಕಳೆಯುವಕಾಯಿತ್ ಶುದ್ದ ಮಾಡ್‌ವ ಕ್ರಿಯೇನ ಮಾಡ್‍ಚಿ. ಪಿಂಞ ಪರಲೋಕತ್‍ಲ್ ಉಳ್ಳ ಮಹಿಮೆ ದುಂಬ್‍ನಂವೊಂಡ ಬಲ್‌ತೆ ಬರಿಲ್ ಅಳ್‌ತತ್.

ಇಬ್ರಿಯ 12:2

ನಂಬಿಕೇನ ಸುರು ಮಾಡ್‌ವ ನಾಯಕನು ಅದ್‍ನ ಪೂರ್ತಿಮಾಡ್‍ವಂವೊನು ಆಯಿತುಳ್ಳ ಯೇಸುರ ಮೇಲೆ ಕಣ್ಣ್‌ಟ್ಟಿತ್, ನಂಗಕಾಯಿತ್ ಬೆಚ್ಚಿತುಳ್ಳ ಓಟತ್‍ನ ಪೊರುಮೇಲ್ ಓಡೋಣ. ಎನ್ನಂಗೆಣ್ಣ್‌ಚೇಂಗಿ ಯೇಸು, ತಾಂಡ ಮಿಂಞ ಬೆಚ್ಚಿತ್ಂಜ ಕುಶಿಕಾಯಿತ್, ಅವಮಾನತ್‍ನ ಗೇನ ಮಾಡತೆ, ಶಿಲುಬೇನ ಸಹಿಸಿಯಂಡ್ ದೇವಡ ಸಿಂಹಾಸನತ್‍ರ ಬಲ್‌ತೆ ಬರಿಲ್ ಅಳ್‌ತತ್.

ಇಬ್ರಿಯ 4:14

ಬಾನತ್‍ರ ಮೂಲಕ ಪರಲೋಕಕ್ ಪೋಯಿತುಳ್ಳ ದೇವಡ ಮೋಂವೊನಾನ ಯೇಸು ಎಣ್ಣುವ ಮಹಾ ಯಾಜಕ ನಂಗಕ್ ಉಳ್ಳಗುಂಡ್, ನಂಗ ಮಾಡ್‍ನ ನಂಬಿಕೇರ ಅರಿಕೇನ ಗಟ್ಟಿಯಾಯಿತ್ ಪುಡ್‍ಚಂಡ್ ಬದ್‍ಕಂಡು.

ಇಬ್ರಿಯ 6:20

ಯೇಸು ನಂಗಕ್ ಮಿಂಞಲೇ ಅಲ್ಲಿಕ್ ಪೋಯಿತ್, ಮೆಲ್ಕಿಜೆದೇಕಂಡ ನೇಮ ಪ್ರಕಾರ ನಂಗಕಾಯಿತ್ ಎಕ್ಕಾಲು ಉಳ್ಳ ಮಹಾ ಯಾಜಕನಾಯಿತ್ ಉಂಡ್.

ಇಬ್ರಿಯ 7:26

ಇನ್ನನೆ ಉಳ್ಳ ಮಹಾ ಯಾಜಕನೇ ನಂಗಕ್ ಬೋಂಡಿಯತ್. ಇಂವೊ, ಪವಿತ್ರವಾನಂವೊನು, ಕುತ್ತ ಇಲ್ಲತಂವೊನು, ಒರ್ ತಪ್ಪ್ ಇಲ್ಲತಂವೊನಾಯಿತು ಉಂಡ್. ಅಂವೊ ಪಾಪಿಯಂಗಡ ಕೂಡೆ ಕೂಡತೆ, ಪರಲೋಕತ್‍ಲ್ ಎಲ್ಲಾಕಿಂಜ ಬಲ್ಯ ಸ್ತಾನತ್‍ನ ಪಡ್ಂದಂವೊನಾಯಿತುಂಡ್.

ಇಬ್ರಿಯ 8:1

ಇಲ್ಲಿಕತ್ತನೆ ನಂಗ ಎಣ್ಣಿಯಂಡಿಂಜ ವಿಷಯತ್‍ರ ಪ್ರದಾನ್ಯತೆ ಎಂತ ಎಣ್ಣ್‌ಚೇಂಗಿ: ಪರಲೋಕತ್‍ರ ಸಿಂಹಾಸನತ್‍ಲ್ ಉಳ್ಳ ಮಹಿಮೆ ದುಂಬ್‍ನ ದೇವಡ ಬಲ್‌ತೆ ಬರಿಲ್ ಅಳ್‌ತಂಡುಳ್ಳ ಮಹಾ ಯಾಜಕ ಇಕ್ಕ ನಂಗಕ್ ಉಂಡ್.

ಇಬ್ರಿಯ 9:24

ಅನ್ನನೆ ಕ್ರಿಸ್ತ, ನೇರಾನ ಪವಿತ್ರವಾಯಿತುಳ್ಳ ಜಾಗಕ್ ಗುರ್‌ತಾಯಿತುಳ್ಳ ಮನುಷ್ಯ ಮಾಡ್‍ನ ಗುಡಾರತ್‍ರ ಮೂಲಕ ಬಂದಿತ್‌ಲ್ಲೆ. ಆಚೇಂಗಿ, ಪರಲೋಕತ್‍ಲ್ ಇಕ್ಕ ನಂಗಕಾಯಿತ್ ದೇವಡ ಸನ್ನಿದಾನತ್‍ಲ್ ಪ್ರತ್ಯಕ್ಷ ಆಪನೆಕೆ ಅಂವೊ ಪೋಯಿತುಂಡ್.

1 ಪೇತ್ರ 3:22

ಅಂವೊ ಪರಲೋಕಕ್ ಪೋಯಿತ್, ದೇವಡ ಬಲ್‌ತೆ ಬರಿಲ್ ಅಳ್‌ತಿತ್ ಉಂಡ್; ದೇವದೂತಂಗ, ಅದಿಕಾರ, ಶಕ್ತಿ ಅಂವೊಂಡ ಅಡಿಲ್ ಅಡಕತ್‍ಲ್ ಉಂಡ್.