ಮಾರ್ಕ 16:17 - ಕೊಡವ ಬೈಬಲ್

¹⁷ ನಂಬಿಕೆ ಉಳ್ಳಯಿಂಗಕ್ ಅದ್ಬುತ ಕಾರ್ಯ ಮಾಡ್‌ವಕ್ ನಾನ್ ಶಕ್ತಿ ಕೊಡ್‍ಪಿ. ನಾಡ ಪೆದತ್‍ಲ್ ಅಯಿಂಗ ಕೂಳಿ ಬುಡ್‌ತ್‌ವ, ಪುದಿಯ ತಕ್ಕ್‌ಲ್ ತಕ್ಕ್ ಪರಿಯುವ.

ಮಾರ್ಕ 16:17 ပူးပေါင်းရင်းမြစ်များ

ಮಾರ್ಕ 9:38

ಅಕ್ಕ ಯೋಹಾನ ಯೇಸುನ ನೋಟಿತ್: ಉಪಾದ್ಯ, ನಂಗಡ ಗುಂಪ್‌ಲ್ ಇಲ್ಲತಂವೊ ನೀಡ ಪೆದ ಎಣ್ಣಿಯಂಡ್ ಕೂಳಿ ಬುಡ್‍ತಿಯಂಡಿಂಜದ್‍ನ ನಂಗ ಕಂಡತ್; ಅಂವೊ ನಂಗಡ ಗುಂಪ್‌ಲ್ ಇಲ್ಲತಂವೊನಾನಗುಂಡ್ ನಂಗ ಅಂವೊನ ನಿಪ್ಪ್‌ಚಿಟ್ಟತ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:17

ಆ ಸಮಯತ್‍ಲ್ ಅಂವೊ ಅಯಿಚಿತ್ಂಜ ಎಳ್‌ವದ್ ಶಿಷ್ಯಂಗಳು ಕುಶೀಲ್ ವಾಪಸ್ ಬಂದಿತ್: ಒಡೆಯನೇ, ನೀಡ ಪೆದತ್‍ರ ಅದಿಕಾರತ್‍ಲ್ ಆಜ್ಞೆ ಮಾಡ್‌ವಕ, ಕೂಳಿಯಳು ನಂಗಡ ತಕ್ಕ್‌ಕ್ ಬಗ್ಗ್‌ಚಿಟ್ಟತ್‍ೕಂದ್ ಎಣ್ಣ್‌ಚಿ.

ಯೋಹಾನ 14:12

ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ; ನಾನ್ ನಾಡ ಅಪ್ಪಂಡ ಪಕ್ಕ ಪೋಪಗುಂಡ್, ನನ್ನ ನಂಬ್‍ವಂವೊ, ನಾನ್ ಮಾಡ್‌ವ ಕ್ರಿಯೇನ ಅಂವೊನು ಮಾಡ್‌ವ, ನಾಕಿಂಜ ಬಲ್ಯ ಕ್ರಿಯೇಯು ಮಾಡ್‌ವ.

ಅಪೊಸ್ತಲ 10:46

ಎನ್ನಂಗೆಣ್ಣ್‌ಚೇಂಗಿ ಅಯಿಂಗ ಬೋರೆ ಬೋರೆ ತಕ್ಕ್‌ಲ್ ಪರ್ಂದಂಡ್ ದೇವನ ಕೊಂಡಾಡುವಾನ ಕ್‍ೕಟತ್. ಅಕ್ಕ ಪೇತ್ರ:

ಅಪೊಸ್ತಲ 16:18

ಇನ್ನನೆ ದುಂಬ ದಿವಸ ಮಾಡ್‍ನಗುಂಡ್ ಪೌಲಂಗ್ ದುಂಬ ಚೆಡಿ ಬಂತ್, ಅವಡ ಪಕ್ಕ ತಿರಿತ್ ಆ ಕೂಳಿಕ್: ನೀನ್ ಇವಳ ಬುಟ್ಟಿತ್ ಪೋಂಡೂಂದ್ ಯೇಸು ಕ್ರಿಸ್ತಂಡ ಪೆದತ್‍ಲ್ ನೀಕ್ ಆಜ್ಞೆ ಮಾಡ್‌ವೀಂದ್ ಎಣ್ಣ್‌ಚಿ. ಅದೇ ಗಳಿಗೆಲ್ ಅದ್ ಅವಳ ಬುಟ್ಟಿತ್ ಪೋಚಿ.

ಅಪೊಸ್ತಲ 19:6

ಪಿಂಞ, ಪೌಲ ಅಯಿಂಗಡ ಮೇಲೆ ಕೈ ಬೆಪ್ಪಕ ಪವಿತ್ರಾತ್ಮ ಅಯಿಂಗಡ ಮೇಲೆ ಬಾತ್; ಅಕ್ಕ, ಅಯಿಂಗ ನಾನಾತರ ಬಾಷೆಲ್ ತಕ್ಕ್ ಪರ್ಂದಿತ್ ಪ್ರವಾದನೆ ಎಣ್ಣ್‌ಚಿ.

ಅಪೊಸ್ತಲ 2:33

ಅಂವೊನ ದೇವ ತಾಂಡ ಬಲ್‌ತೆ ಬರಿಲ್ ಅಳ್‍ಪ್‍ಚಿಟ್ಟಿತ್, ದೇವ ವಾಗ್ದಾನ ಮಾಡ್‍ನನೆಕೆ ಪವಿತ್ರಾತ್ಮನ ಅಯಿಪಕ್ ಅದಿಕಾರ ಕೊಡ್‍ತತ್. ನಿಂಗ ಇಕ್ಕ ನೋಟಿಯಂಡ್, ಕ್‍ೕಟಂಡ್ ಉಳ್ಳನೆಕೆ, ಅಂವೊ ನಂಗಡ ಮೇಲೆ ಪವಿತ್ರಾತ್ಮತ್‍ನ ಬೂಕಿತುಂಡ್.

ಅಪೊಸ್ತಲ 5:16

ಜನಡ ಗುಂಪ್ ಯೆರೂಸಲೇಮ್‍ರ ಸುತ್ತ್‌ಮುತ್ತ್ ಇಂಜ ಊರಿಂಜ ಸಹ ರೋಗಿಯಳ ಪಿಂಞ ಕೂಳಿ ಪುಡ್‌ಚಯಿಂಗಳ ಕೊಂಡ್ ಬಾತ್; ಅಯಿಂಗ ಎಲ್ಲಾರು ವಾಸಿ ಆಚಿ.

ಅಪೊಸ್ತಲ 8:7

ಎನ್ನಂಗೆಣ್ಣ್‌ಚೇಂಗಿ ದುಂಬ ಕೂಳಿಯ, ಜನಡ ಒಳ್‌ಳಿಂಜ ಜೋರಾಯಿತ್ ಕೂತ್ ಕೊಡ್‌ತಂಡ್ ಪೊರಮೆ ಬಾತ್; ಅದಲ್ಲತೆ, ಪಾರ್ಶ್ವವಾಯುಲ್ ಇಂಜ ದುಂಬ ಜನ ಪಿಂಞ ದುಂಬ ಕುಂಟಂಗ ಸಹ ವಾಸಿ ಆಚಿ.

1 ಕೊರಿಂಥ 12:10

ಬೋರೆ ಒಬ್ಬಂಗ್ ಅದ್ಬುತ ಕಾರ್ಯ ಮಾಡ್‌ವ ವರ, ಇಂಞೊಬ್ಬಂಗ್ ಪ್ರವಾದನೆ ಎಣ್ಣ್‌ವ ವರ, ಬೋರೆ ಒಬ್ಬಂಗ್ ದೇವಡ ಶಕ್ತಿಯಿಂಜ ಕೂಳಿಯಡ ಶಕ್ತಿನ ಗೊತ್ತ್‌ಮಾಡ್‍ವಕುಳ್ಳ ವರ, ಇಂಞೊಬ್ಬಂಗ್ ನಾನಾತರ ಬಾಷೆನ ಪರಿವಕುಳ್ಳ ವರ, ಬೋರೆ ಒಬ್ಬಂಗ್ ನಾನಾತರ ಬಾಷೆನ ಅರ್ಥ ಮಾಡಿತಪ್ಪ ವರ, ಅನ್ನನೆ ನಾನಾತರ ವರತ್‍ನ ಕೊಡ್‌ತಿತುಂಡ್.

1 ಕೊರಿಂಥ 12:28

ದೇವಡ ಸಬೇಲ್, ದೇವ ಆದ್ಯವಾಯಿತ್ ಅಪೊಸ್ತಲಂಗಳ, ಪಿಂಞ ಪ್ರವಾದಿಯಂಗಳ, ಪಿಂಞ ಉಪದೇಶ ಮಾಡ್‌ವಯಿಂಗಳ ಪಿಂಞ ಅದ್ಬುದ ಕಾರ್ಯ ಮಾಡ್‌ವಯಿಂಗಳ, ಪಿಂಞ ಕಾಯಿಲೆ ವಾಸಿ ಮಾಡ್‌ವಯಿಂಗಳ, ಪಿಂಞ ಸಹಾಯ ಮಾಡ್‌ವಯಿಂಗಳ ಪಿಂಞ ಆಡಳಿತ ಮಾಡ್‌ವಯಿಂಗಳ, ಪಿಂಞ ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಯಿಂಗಳ ನೇಮಿಚಿಟ್ಟಿತುಂಡ್.

1 ಕೊರಿಂಥ 12:30

ಎಲ್ಲಾರು ಕಾಯಿಲೆನೆ ವಾಸಿ ಮಾಡ್‌ವಯಿಂಗಳಾ? ಎಲ್ಲಾರು ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಯಿಂಗಳಾ? ಎಲ್ಲಾರು ಬೋರೆ ಬಾಷೆಲ್ ಎಣ್ಣ್‌ವ ತಕ್ಕ್‌ನ ಅರ್ಥ ಮಾಡಿ ತಪ್ಪಯಿಂಗಳಾ?

1 ಕೊರಿಂಥ 13:1

ನಾನ್ ಮನುಷ್ಯಂಗಡ ಬಾಷೆಲ್ ತಕ್ಕ್ ಪರ್ಂದತೇಂಗಿಯು, ದೇವದೂತಂಗಡ ಬಾಷೆಲ್ ತಕ್ಕ್ ಪರ್ಂದತೇಂಗಿಯು, ನಾಕ್ ಜನಡಮೇಲೆ ಪ್ರೀತಿ ಇಲ್ಲತೆಪೋಚೇಂಗಿ, ಆ ತಕ್ಕ್, ಕಂಚ್ ಪಾತ್ರ ಮಾಡ್‌ವ ಸದ್ದ್‌ರನೆಕೆ, ಅಥವ ಗಂಟೆ ಪೊಜ್ಜನೆಕೆ ಇಪ್ಪ.

1 ಕೊರಿಂಥ 14:2

ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಂವೊ ದೇವಡ ಪಕ್ಕ ತಕ್ಕ್ ಪರ್ಂದಂಡುಂಡ್, ಮನುಷ್ಯಂಗಡ ಪಕ್ಕ ಅಲ್ಲ. ಎನ್ನಂಗೆಣ್ಣ್‌ಚೇಂಗಿ ಜನಕ್ ಅದ್ ಅರ್ಥ ಆಪುಲೆ. ಪವಿತ್ರಾತ್ಮತ್‍ರ ಸಹಾಯತ್ಂಜ ಗುಟ್ಟಾನದ್‍ನ ಅಂವೊ ತಕ್ಕ್ ಪರ್ಂದಂಡುಂಡ್.