ಮಾರ್ಕ 16:14 - ಕೊಡವ ಬೈಬಲ್

¹⁴ ಕಡೇಕ್ ಅಂವೊಂಡ ಪನ್ನಂದ್ ಶಿಷ್ಯಂಗ ಉಂಬಕ್ ಅಳ್‌ತಂಡಿಪ್ಪಕ ಯೇಸು ಪ್ರತ್ಯಕ್ಷವಾಚಿ. ಚಾವ್‍ಯಿಂಜ ಜೀವವಾಯಿತ್ ಎದ್ದ ನನ್ನ ಕಂಡಯಿಂಗ ನಿಂಗಕ್ ಬಂದಿತ್ ಎಣ್ಣುವಕಾಪಕ ನಿಂಗ ಅದ್‍ನ ನಂಬುವಕಿಂಜಿಲೆ. ಅಯಿಂಗಕ್ ನಂಬಿಕೆ ಬರತೆಗುಂಡ್ ಪಿಂಞ ಅಯಿಂಗಡ ಹೃದಯ ಅಚ್ಚಕ್ ಕಠಿಣ ಆಯಿತ್ಂಜಗುಂಡ್ ಯೇಸು ಅಯಿಂಗಳ ಜೋರ್ ಮಾಡ್‍ಚಿ.

ಮಾರ್ಕ 16:14 ပူးပေါင်းရင်းမြစ်များ

ಮತ್ತಾಯ 11:20

ಯೇಸು ವಾಸ ಮಾಡಿಯಂಡಿಂಜ ಪಟ್ಟಣತ್‍ರ ಜನ ಅಂವೊ ಮಾಡ್‍ನ ದುಂಬ ಅದ್ಬುತ ಕಾರ್ಯತ್‍ನ ಕಂಡತೇಂಗಿಯು, ಅಯಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್ ಬಂದಿತ್‌ಲ್ಲೆ. ಆನಗುಂಡ್ ಯೇಸು ಆ ಜನಕ್ ಗದರಿಚಿಟ್ಟತ್.

ಮತ್ತಾಯ 17:20

ಅದ್ಂಗ್ ಯೇಸು: ನಿಂಗಕ್ ನಾಡ ಮೇಲೆ ಬೋಂಡಿಯಾನ ನಂಬಿಕೆ ಇಲ್ಲೆ; ನಿಂಗಕ್ ನಾಡ ಮೇಲೆ ಕಡು ಕುರುರಚ್ಚಕ್ ನಂಬಿಕೆ ಉಂಡೇಂಗಿ, ನಿಂಗ ಈ ಕುಂದ್‌ಕ್ ನೀನ್ ಇಲ್ಲಿಂಜ ಪೋಯಿತ್ ಅಲ್ಲಿ ಇರ್‍ೕಂದ್ ಎಣ್ಣ್‌ಚೇಂಗಿ ಆ ಕುಂದ್ ಅಲ್ಲಿಕ್ ಪೋಪ; ನಿಂಗಕ್ ಮಾಡ್‌ವಕ್ ಕಯ್ಯತದ್‍ೕಂದ್ ಒಂದು ಇಲ್ಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಮತ್ತಾಯ 28:17

ಅಲ್ಲಿ ಯೇಸುನ ಕಾಂಬಕ ಅಂವೊಂಗ್ ಅಡ್ಡ ಬುದ್ದಿತ್ ಅಂವೊನ ಆರಾದನೆ ಮಾಡ್‍ಚಿ. ಆಚೇಂಗಿ, ಚೆನ್ನ ಜನ ಅನುಮಾನ ಪಟ್ಟತ್.

ಮಾರ್ಕ 7:18

ಅದ್ಂಗ್ ಯೇಸು: ನಿಂಗಕ್ ಕೂಡೆ ಈ ತಕ್ಕ್ ಅರ್ಥ ಆಯಿತಿಲ್ಲೆಯಾ? ಮನುಷ್ಯಂಡ ಬಾಯಿರೊಳ್‌ಕ್ ಪೊರಮೆಯಿಂಜ ಪೋಪದ್ ಅಂವೊನ ಅಶುದ್ದ ಮಾಡುಲೆ,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:11

ಆಚೇಂಗಿ, ಅಯಿಂಗ ಎಣ್ಣ್‌ನ ತಕ್ಕ್ ಬೋರೆಯಿಂಗಕ್ ಪುಚ್ಚಿ ತಕ್ಕ್‌ರನೆಕೆ ಇಂಜತ್. ಆನಗುಂಡ್ ಈ ಪೊಣ್ಣಾಳುವ ಎಣ್ಣ್‌ವಾನ ಅಯಿಂಗ ದಾರೂ ನಂಬಿತ್‌ಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:25

ಪಿಂಞ ಯೇಸು ಆ ದಂಡ್ ಶಿಷ್ಯಂಗಳ ನೋಟಿತ್: ನಿಂಗ ಎನ್ನಂಗ್ ನಂಬುಲೆ? ಪ್ರವಾದಿಯಂಗ ಎಣ್ಣ್‌ನಾನೆಲ್ಲ ನಂಬುವಕ್ ಎನ್ನಂಗ್ ಇಚ್ಚಕ್ ಮಂದ ಆಯಿತುಳ್ಳಿರ?

ಯೋಹಾನ 20:25

ಬೋರೆ ಶಿಷ್ಯಂಗ: ತೋಮ ಬಂದ ಪಿಂಞ, ನಂಗ ಒಡೆಯನ ಕಂಡತ್‍ೕಂದ್ ಎಣ್ಣ್‌ಚಿ. ಅಕ್ಕ ಅಂವೊ: ನಾನ್ ಅಂವೊಂಡ ಆಣಿ ಅಡಿಚಿತ್ ತೂತ ಆನ ಕೈಯಿನ ನೋಟಿತ್, ಆ ಗಾಯತ್‍ನ ನಾನ್ ಮುಟ್ಟಿತ್, ನಾಡ ಕೈಯಿನ ಅಂವೊಂಡ ಬಗ್ಗ್‌ರೀಲ್ ಇಟ್ಟಿತ್ ನೋಟ್‍ಚೇಂಗಿ ಮಾತ್ರ ನಾನ್ ನಿಂಗ ಎಣ್ಣ್‌ನಾನ ನಂಬುವಿ ಇಲ್ಲತಪೋನಕ ನಾನ್ ನಂಬುಲೇಂದ್ ಎಣ್ಣ್‌ಚಿ.

ಯೋಹಾನ 20:26

ಪುನಃ ಎಟ್ಟ್ ದಿವಸ ಆನ ಪಿಂಞ, ಯೇಸುರ ಶಿಷ್ಯಂಗ ಪಡಿ ಇಟ್ಟಂಡ್ ಒಳ್‍ಲ್ ಇಂಜತ್. ಅಯಿಂಗಡ ಕೂಡೆ ಇಕ್ಕ ತೋಮ ಸಹ ಇಂಜತ್. ಎಲ್ಲಾ ಪಡಿಕ್ ಬೀಗ ಇಟ್ಟಿತ್ಂಜತ್. ಅಕ್ಕ ಯೇಸು ಅಯಿಂಗಡ ಮದ್ಯತ್‍ಲ್ ಬಪ್ಪಂಜಿ, ನಿಂಗಕ್ ಸಮಾದಾನ ಇಕ್ಕಡ್‍ೕಂದ್ ಎಣ್ಣ್‌ಚಿ.

ಯೋಹಾನ 20:27

ಪಿಂಞ ಯೇಸು ತೋಮನ ಕಾಕಿತ್: ನೀಡ ಕೈ ಬೆರತ್‌ನ ಇಲ್ಲಿ ನ್‍ೕಟಿತ್ ನಾಡ ಕೈಯಿನ ನೋಟ್, ನೀಡ ಕೈಯಿನ ನೀಟುವಂಜಿ ನಾಡ ಬಗ್ಗ್‌ರೀಲ್ ಇಡ್. ನೀಡ ಅಪನಂಬಿಕೇನ ಬುಡ್, ನನ್ನ ನಂಬ್‍ೕಂದ್ ಯೇಸು ಎಣ್ಣ್‌ಚಿ.

ಯೋಹಾನ 21:1

ಇಂಞು ಚೆನ್ನ ದಿವಸ ಆನ ಪಿಂಞ, ಯೇಸು ತಿಬೇರಿಯ ಕೆರೆರ ಪಕ್ಕ ಅಯಿಂಗಕ್ ಪುನಃ ಅಂವೊನ ಕಾಂಬ್‌ಚಿಟ್ಟಂಡತ್.

ಯೋಹಾನ 21:14

ಯೇಸು ಚತ್ತಿತ್ ಎದ್ದ ಪಿಂಞ ಶಿಷ್ಯಂಗಕ್ ಅಂವೊನ ಕಾಂಬ್‍ಚಿಡುವದ್ ಇದ್ ಮೂಂದನೆ ಕುರಿ.

ಅಪೊಸ್ತಲ 1:3

ಅಂವೊ ಶಿಲುಬೇಲ್ ಕಷ್ಟಪಟ್ಟಿತ್ ಚತ್ತ್‌ಪೋನ ಪಿಂಞ, ಅಂವೊ ಜೀವವಾಯಿತ್ ಉಂಡ್‍ೕಂದ್ ನಾಪದ್ ದಿವಸ, ಅಪೊಸ್ತಲಂಗಕ್ ದುಂಬ ಕುರಿ ದೃಡ ಸಾಕ್ಷಿಯಾಯಿತ್ ಅಂವೊನ ಕಾಂಬ್‌ಚಿಟ್ಟಂಡತ್. ಅನ್ನನೆ ದೇವಡ ರಾಜ್ಯತ್‍ರ ವಿಷಯತ್‍ನ ಪರ್ಂದಂಡ್, ಜೀವ ಉಳ್ಳಂವೊನಾಯಿತ್, ಕಾಂಬ್‌ಚಿಟ್ಟಂಡ್ ಇಂಜತ್.

1 ಕೊರಿಂಥ 15:5

ಅಂವೊ ಕೇಫಂಗ್ ಪಿಂಞ ಪನ್ನೆರಂಡ್ ಅಪೊಸ್ತಲಂಗಕ್ ಅಂವೊನ ಕಾಂಬ್‍ಚಿಟ್ಟತ್.

ಪ್ರಕಟನೆ 3:19

ನಾಕ್ ದಾಡ ಮೇಲೆ ಕುಶಿ ಉಂಡೋ, ಅಯಿಂಗಕ್ ಜೋರ್ ಮಾಡಿತ್, ಅಯಿಂಗಕ್ ಶಿಕ್ಷೆ ತಪ್ಪಿ. ಆನಗುಂಡ್ ನೀನ್ ಎಚ್ಚರತ್‍ಲ್ ಇಂಜಿತ್ ದೇವಡ ಪಕ್ಕ ತಿರಿತ್ ಪಶ್ಚಾತಾಪ ಪಡ್‌ವಿಯ.