ಮಾರ್ಕ 16:1 - ಕೊಡವ ಬೈಬಲ್

¹ ಸಬ್ಬತ್ ದಿವಸ ಕಯಿಂಜ ಪಿಂಞ ಮಗ್ದಲ ಮರಿಯ, ಯಾಕೋಬಂಡ ಅವ್ವನಾನ ಮರಿಯ ಪಿಂಞ ಸಲೋಮಿ ಈಂಗೆಲ್ಲಾ ಯೇಸುರ ಚಾವ್ ತಡಿಕ್ ಸುಗಂದ ವಾಸನೆರ ಮದ್ದ್‌ನ ಇಡ್‌ವಕ್ ಬಾತ್.

ಮಾರ್ಕ 16:1 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 50:2

ಅಲ್ಲಿಂಜ ಅಂವೊ ತಾಂಡ ಸೇವಕಂಗಳಾನ ವೈದ್ಯಂಗಕ್‌ ತಾಂಡ ಅಪ್ಪಂಡ ಚಾವ್‌ ತಡಿನ ಸುಗಂದ ತೈಲತ್‌ಂಜ ತಯಾರ್‌ ಮಾಡ್‌ವಕ್‌ ಎಣ್ಣ್‌ಚಿ. ಅನ್ನನೆ ವೈದ್ಯಂಗ ಇಸ್ರಾಯೇಲ್‌ನ ಪೂಪಕ್‌ ತಯಾರ್ಮಾಡ್‌ಚಿ.

ಮಾರ್ಕ 14:3

ಯೇಸು ಬೇಥಾನ್ಯತ್‍ಲ್ ಕುಷ್ಟರೋಗಿಯಾಯಿತ್ಂಜ ಸೀಮೋನಂಡ ಮನೆಲ್ ಉಂಬಕ್ ಅಳ್‌ತಂಡಿಪ್ಪಕ, ಒರ್ ಪೊಣ್ಣಾಳ್ ದುಂಬ ಬೆಲೆಯುಳ್ಳ ಸುಗಂದ ತೈಲತ್‌ನ ಅಲಬಸ್ಟರ್ ಎಣ್ಣುವ ಕುಪ್ಪಿಲ್ ಕೊಂಡ್ ಬಾತ್. ಆ ಕುಪ್ಪಿನ ಒಡ್‌ಪಂಜಿ ತೊರ್‌ಪಂಜಿ ಯೇಸುರ ಮಂಡೆರ ಮೇಲೆ ಬೂಕ್‍ಚಿ.

ಮಾರ್ಕ 14:8

ಅವಕ್ ಎಂತ ಕಯ್ಯುವ ಅದ್‍ನ ಅವ ಮಾಡ್‍ಚಿ. ನನ್ನ ಪೂಪಂಗ್ ಮಿಂಞಲೇ ಅವ ಈ ತರ ಸುಗಂದ ತೈಲತ್‌ನ ಬೂಕಿತ್ ನನ್ನ ತಯಾರ್ ಮಾಡ್‍ಚಿ.

ಮಾರ್ಕ 15:40

ಚೆನ್ನ ಪೊಣ್ಣಾಳುವ ದೂರತ್ಂಜ ನೋಟಿಯಂಡಿಂಜತ್. ಅಯಿಂಗೆಲ್ಲಾ ದಾರ್ ಎಣ್ಣ್‌ಚೇಂಗಿ, ಯೇಸು ಗಲಿಲಾಯತ್‍ಲ್ ಇಪ್ಪಕಾಪಕ, ಅಂವೊಂಗ್ ಸಹಾಯ ಮಾಡಿತ್, ಅಂವೊಂಡ ಬೆಂಬರತ್‌ಲ್ ಬಂದ, ಮಗ್ದಲ ಮರಿಯ, ಚೆರಿಯ ಯಾಕೋಬ ಪಿಂಞ ಯೋಸೇಯ ಎಣ್ಣುವಯಿಂಗಡ ಅವ್ವ ಮರಿಯ ಪಿಂಞ ಸಲೋಮಿ ಎಣ್ಣ್‌ವಯಿಂಗಳೇ.

ಮಾರ್ಕ 15:42

ಸಬ್ಬತ್ ದಿವಸಕ್ ಮಿಂಞತ್‍ರ ದಿವಸ ತಯಾರ್ ನಾಳಾಯಿತ್ಂಜಗುಂಡ್, ಅಲ್ಲಿಯತ್‍ರ ಸಬೆರ ಒರ್ ಮರ್ಯಾದೆ ಉಳ್ಳ ಮನುಷ್ಯ ಇಂಜತ್. ಅಂವೊ ದೇವಡ ರಾಜ್ಯ ಬಪ್ಪಕ್ ಪಾರಕಾತಂಡಿಂಜತ್. ಅರಿಮಥಾಯ ಊರ್‍ಂಜ ಬಂದ ಯೋಸೇಫ ಎಣ್ಣುವ ಇಂವೊ ಒರ್ ಪೋಡಿಯು ಇಲ್ಲತೆ ಪಿಲಾತ ರಾಜಂಡ ಪಕ್ಕ ಪೋಯಿತ್ ಚತ್ತ್‌ಪೋನ ಯೇಸುರ ಚಾವ್ ತಡೀನ ಕ್‍ೕಟತ್.

ಮಾರ್ಕ 15:47

ಅಂವೊಂಡ ಚಾವ್ ತಡೀನ ಬೆಚ್ಚ ಜಾಗತ್‍ನ ಮಗ್ದಲ ಮರಿಯಳು, ಯೇಸುರ ಅವ್ವ ಮರಿಯಳು ನೋಟಿಯಂಡ್ ಇಂಜತ್.

ಮಾರ್ಕ 16:2

ವಾರತ್‍ರ ಆದ್ಯ ದಿವಸ ಪೊಲಾಕ ನೇರತೆ ಸೂರ್ಯ ಉದಿಪಕ್ ಮಿಂಞಲೇ ಯೇಸುರ ಚಾವ್ ತಡೀನ ಬೆಚ್ಚಿತ್ಂಜ ಗೋರಿಕ್ ಬಪ್ಪಕ,

ಮಾರ್ಕ 16:8

ಅಯಿಂಗ ಪೊರಮೆ ಬಾತ್. ಅಯಿಂಗ ಅಲ್ಲಿಂಜ ಗಾಬರಿಯಾಯಿತ್ ಪೋಡಿಲ್ ಓಡಿ ಪೋಚಿ. ಅಯಿಂಗಕ್ ದುಂಬ ಪೋಡಿ ಆಯಿತ್ಂಜಗುಂಡ್ ದಾರ್‌ಕು ಒರ್ ತಕ್ಕು ಪರ್ಂದಿತ್‌ಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:54

ಅಂದ್ ಸಬ್ಬತ್ ದಿವಸಕ್ ತಯಾರ್ ಮಾಡ್‌ವ ನಾಳಾಯಿತ್ಂಜತ್. ಸಬ್ಬತ್ ದಿವಸ ಆಪಕ್ ಚೆನ್ನ ಸಮಯ ಮಾತ್ರ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:56

ಪಿಂಞ ಅಯಿಂಗ ಯೇಸುರ ತಡೀನ ಪೂಪಕ್ ಮಿಂಞ ಇಡ್‌ವಕಾಯಿತ್ ಪರಿಮಳದ್ರವ್ಯ ಪಿಂಞ ನಲ್ಲ ವಾಸನೆ ಉಳ್ಳ ಸುಗಂದ ತೈಲತ್‌ನ ತಯಾರ್ ಮಾಡಿತ್, ದೇವಡ ಕಾನೂನ್‌ರ ಪ್ರಕಾರ ಸಬ್ಬತ್ ದಿವಸತ್‍ಲ್ ಆರಾಮಾಯಿತಿಪ್ಪಕ್ ಅಯಿಂಗಡ ಮನೆಕ್ ವಾಪಸ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:1

ವಾರತ್‍ರ ಆದ್ಯ ದಿವಸ ನಾರಾಚೆ ಪೊಲಾಕ ನೇರತೆ ಸೂರ್ಯ ಉದಿಪಕ್ ಮಿಂಞಲೇ ಆ ಪೊಣ್ಣಾಳ್‍ಂಗ ತಯಾರ್ ಮಾಡ್‍ನ ಸುಗಂದ ವಾಸನೆರ ಮದ್ದ್‌ನ ಎಡ್‍ತಂಡ್ ಗೋರಿಕ್ ಪೋಚಿ.

ಯೋಹಾನ 19:25

ಯೇಸುರ ಶಿಲುಬೇರ ಪಕ್ಕ ಯೇಸುರ ಅವ್ವ, ಯೇಸುರ ಅವ್ವಂಡ ತಂಗೆಯಾಯಿತ್ಂಜ ಕ್ಲೋಪಂಡ ಪೊಣ್ಣ್ ಮರಿಯ ಪಿಂಞ ಮಗ್ದಲದ ಮರಿಯ ನಿಂದಂಡಿಂಜತ್.

ಯೋಹಾನ 19:31

ಅಂದೆತ ದಿವಸ ನಮ್ಮೆಕ್ ಮಿಂಞತ್‍ರ ದಿವಸವಾಯಿತ್ಂಜತ್. ಪಿತ್ಯಾಂದ್ ಯೆಹೂದ್ಯಂಗಡ ಮುಕ್ಯ ಸಬ್ಬತ್ ದಿನವಾಯಿತ್ಂಜಗುಂಡ್, ಆ ದಿವಸತ್‍ಲ್ ಶಿಲುಬೇಲ್ ಚಾವ್ ತಡಿ ಇಪ್ಪಕ್ಕಾಗಾಂದ್, ಶಿಲುಬೇಲ್ ಉಳ್ಳಯಿಂಗಡ ಕಾಲ್‌ನ ಪೊಳಿಕಡಾಂದ್ ಯೆಹೂದ್ಯಂಗ ಪಿಲಾತನ ಕ್‍ೕಟತ್. ಎನ್ನಂಗೆಣ್ಣ್‌ಚೇಂಗಿ ಅಕ್ಕ ಅಯಿಂಗಕ್ ಬೆರಿಯ ಚಾವ್ ಬಪ್ಪ, ಪಿಂಞ ಶಿಲುಬೆಯಿಂಜ ಚಾವ್ ತಡೀನ ಆ ದಿವಸವೇ ಎಡ್‍ಪಕಾಪ.