ಮಾರ್ಕ 15:6 - ಕೊಡವ ಬೈಬಲ್

⁶ ಜನ ಕುಶಿ ಪಡುವ ಜೈಲ್‍ಲ್ ಉಳ್ಳ ಒರ್ ಕೈದಿನ ಪಸ್ಕ ನಮ್ಮೆರ ಸಮಯತ್‍ಲ್ ಬುಡುಗಡೆ ಮಾಡ್‍ವದ್ ದೇಶಾತಿಪದಿರ ಪದ್ದತಿಯಾಯಿತ್ಂಜತ್.

ಮಾರ್ಕ 15:6 ပူးပေါင်းရင်းမြစ်များ

ಮತ್ತಾಯ 26:2

ಇಂಞು ದಂಡ್ ದಿನ ಆನ ಪಿಂಞ ಪಸ್ಕ ನಮ್ಮೆ ಬಪ್ಪಕುಳ್ಳದ್ ನಿಂಗಕ್ ಗೊತ್ತುಂಡ್. ಅಕ್ಕ ಮನುಷ್ಯಕುಮಾರನ ಶಿಲುಬೇಕ್ ಇಡ್‌ವಕ್ ನಿಂಗಡಲ್ಲಿ ಒಬ್ಬ ನನ್ನ ಒಪ್ಪ್‌ಚಿಡುವ.

ಮತ್ತಾಯ 26:5

ಆಚೇಂಗಿಯು ಈ ನಮ್ಮೆರ ದಿವಸತ್‍ಲ್ ಮಾಡ್‌ವಕ್ಕಾಗ, ಎನ್ನಂಗೆಣ್ಣ್‌ಚೇಂಗಿ, ನಮ್ಮೆರ ದಿವಸತ್‍ಲ್ ಮಾಡ್‍ಚೇಂಗಿ, ಜನ ನಂಗಡ ಮೇಲೆ ದಂಗೆ ಏವಾಂದ್ ಅಯಿಂಗ ತೀರ್ಮಾನ ಎಡ್‍ತತ್.

ಮಾರ್ಕ 15:7

ಕಲಹ ಮಾಡಿತ್, ಆ ಕಲಹತ್‌ಲ್ ಕೊಲೆ ಮಾಡ್‍ನ ಬರಬ್ಬ ಎಣ್ಣ್‌ವಂವೊ ಆ ಸಮಯತ್‍ಲ್ ಜೈಲ್‍ಲ್ ಇಂಜತ್.

ಯೋಹಾನ 18:16

ಪೇತ್ರ ಪಡಿರ ಪೊರಮೆ ನಿಂದಂಡಿಂಜತ್. ಅಕ್ಕ ಮಹಾ ಯಾಜಕಂಗ್ ಗೊತ್ತಾಯಿತ್ಂಜ ಬೋರೆ ಶಿಷ್ಯ, ಬಯ್ಯಕ್ ಪೋಯಿತ್ ಪಡಿನ ಕಾತಂಡ್ ಇಂಜ ಮೂಡಿರ ಕೂಡೆ ತಕ್ಕ್ ಪರ್ಂದತ್. ಪಿಂಞ ಅಂವೊ ಪೇತ್ರನ ಒಳ್‍ಕ್ ಕಾಕಿಯಂಡ್ ಪೋಚಿ.

ಯೋಹಾನ 19:16

ಅಕ್ಕ ಪಿಲಾತ ಯೇಸುನ ಶಿಲುಬೇಕ್ ಇಡ್‌ವಕ್ ಜನಡ ಪಕ್ಕ ಒಪ್ಪ್‌ಚಿಟ್ಟತ್. ಸಿಪಾಯಿಯಂಗ ಯೇಸುರ ಮೇಲೆ ಅದಿಕಾರ ಎಡ್‍ತಂಡ್ ಕೊಂಡ್ ಪೋಚಿ.

ಅಪೊಸ್ತಲ 24:27

ಇನ್ನನೆ ದಂಡ್ ಕಾಲ ಕಯಿಂಜಿರ್‌ತ್. ಫೇಲಿಕ್ಸಂಡ ಸ್ತಾನಕ್ ಪೋರ್ಕಿಯ ಫೆಸ್ತ ಎಣ್ಣ್‌ವಂವೊ ಬಾತ್; ಅಕ್ಕ, ಫೇಲಿಕ್ಸ ಯೆಹೂದ್ಯಂಗಡ ದಯೇನ, ಸಂಪಾದನೆ ಮಾಡ್‌ವಕಾಯಿತ್, ಪೌಲನ ಅನ್ನನೆ ಜೈಲ್‍ಲ್ಲೆ ಬುಟ್ಟಿತ್ ಪೋಚಿ.

ಅಪೊಸ್ತಲ 25:9

ಅಕ್ಕ ಫೆಸ್ತ ಯೆಹೂದ್ಯಂಗಡ ದಯೇನ ಸಂಪಾದನೆ ಮಾಡ್‌ವಕಾಯಿತ್ ಪೌಲಂಡ ಪಕ್ಕ: ನೀನ್ ಯೆರೂಸಲೇಮ್‌ಕ್ ಪೋಯಿತ್ ಅಲ್ಲಿ ಈ ಕಾರ್ಯತ್‍ನೆಲ್ಲ ನಾಡ ಮಿಂಞತ್‍ಲ್ ವಿಚಾರಣೆ ಮಾಡ್‌ವಕ್ ನೀಕ್ ಕುಶಿಯಾಂದ್ ಕ್‍ೕಟತ್.