ಮಾರ್ಕ 15:47 - ಕೊಡವ ಬೈಬಲ್

⁴⁷ ಅಂವೊಂಡ ಚಾವ್ ತಡೀನ ಬೆಚ್ಚ ಜಾಗತ್‍ನ ಮಗ್ದಲ ಮರಿಯಳು, ಯೇಸುರ ಅವ್ವ ಮರಿಯಳು ನೋಟಿಯಂಡ್ ಇಂಜತ್.

ಮಾರ್ಕ 15:47 ပူးပေါင်းရင်းမြစ်များ

ಮತ್ತಾಯ 27:56

ಅಯಿಂಗಡ ಕೂಡೆ, ಮಗ್ದಲ ಮರಿಯ, ಯಾಕೋಬ ಪಿಂಞ ಯೋಸೇಯಂಡ ಅವ್ವ ಮರಿಯ ಪಿಂಞ ಯಾಕೋಬ ಪಿಂಞ ಯೋಹಾನಂಡ ಅವ್ವಳು ಇಂಜತ್.

ಮತ್ತಾಯ 27:61

ಮಗ್ದಲ ಮರಿಯಳು ಪಿಂಞ ಇಂಞೊರ್ ಮರಿಯಳು ಗೋರಿರ ಮಿಂಞತ್ ಅಳ್‍ತಂಡಿಂಜತ್.

ಮತ್ತಾಯ 28:1

ಸಬ್ಬತ್ ದಿವಸ ಆನ ಪಿಂಞ ನಾರಾಚೆ ಪೊಲಿಂಜಿತಾಪ ನೇರತ್ ಮಗ್ದಲ ಮರಿಯಳು ಬೋರೆ ಮರಿಯಳು ಗೋರಿನ ನೋಟ್‍ವಕ್ ಪೋಚಿ.

ಮಾರ್ಕ 15:40

ಚೆನ್ನ ಪೊಣ್ಣಾಳುವ ದೂರತ್ಂಜ ನೋಟಿಯಂಡಿಂಜತ್. ಅಯಿಂಗೆಲ್ಲಾ ದಾರ್ ಎಣ್ಣ್‌ಚೇಂಗಿ, ಯೇಸು ಗಲಿಲಾಯತ್‍ಲ್ ಇಪ್ಪಕಾಪಕ, ಅಂವೊಂಗ್ ಸಹಾಯ ಮಾಡಿತ್, ಅಂವೊಂಡ ಬೆಂಬರತ್‌ಲ್ ಬಂದ, ಮಗ್ದಲ ಮರಿಯ, ಚೆರಿಯ ಯಾಕೋಬ ಪಿಂಞ ಯೋಸೇಯ ಎಣ್ಣುವಯಿಂಗಡ ಅವ್ವ ಮರಿಯ ಪಿಂಞ ಸಲೋಮಿ ಎಣ್ಣ್‌ವಯಿಂಗಳೇ.

ಮಾರ್ಕ 15:46

ಯೋಸೇಫ ಒರ್ ನಾರ್ ಬಟ್ಟೇನ ಕೊಂಡ್‌ಬಂತ್, ಯೇಸುರ ಚಾವ್ ತಡೀನ ಶಿಲುಬೆಯಿಂಜ ಅಡಿಕ್ ಕೊಂಡ್‌ಬಂತ್, ಆ ಬಟ್ಟೇಲ್ ಸುತ್ತಿತ್, ಒರ್ ಪಾರೆಕಲ್ಲ್‌ರಗುಂಡ್ ಕೆತ್ತಿತ್ಂಜ ಗೋರಿರ ಒಳ್‍ಕ್, ಚತ್ತ್‌ಪೋನ ಯೇಸುರ ಚಾವ್ ತಡೀನ ಬೆಚ್ಚತ್. ಆ ಬಂಡೆ ಗೋರಿರ ಮುಂಬಾಗತ್‌ಲ್ ಒರ್ ಬಲ್ಯ ಪಾರೆಕಲ್ಲ್‌ನ ಉರ್‌ಟಿಯಂಡ್ ಬಂತ್ ಮುಚ್ಚತ್.

ಮಾರ್ಕ 16:1

ಸಬ್ಬತ್ ದಿವಸ ಕಯಿಂಜ ಪಿಂಞ ಮಗ್ದಲ ಮರಿಯ, ಯಾಕೋಬಂಡ ಅವ್ವನಾನ ಮರಿಯ ಪಿಂಞ ಸಲೋಮಿ ಈಂಗೆಲ್ಲಾ ಯೇಸುರ ಚಾವ್ ತಡಿಕ್ ಸುಗಂದ ವಾಸನೆರ ಮದ್ದ್‌ನ ಇಡ್‌ವಕ್ ಬಾತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:55

ಯೇಸುರ ಕೂಡೆ ಗಲಿಲಾಯತ್ಂಜ ಬಂದ ಪೊಣ್ಣಾಳುವ ಯೋಸೇಫಂಡ ಕೂಡೆ ಪೋಯಿತ್ ಗೋರಿನ ಪಿಂಞ ಯೇಸುರ ತಡೀನ ಗೋರಿಲ್ ಎನ್ನನೆ ಬೆಚ್ಚತ್‍ೕಂದ್ ನೋಟಿಯಂಡಿಂಜತ್.