ಮಾರ್ಕ 15:46 - ಕೊಡವ ಬೈಬಲ್

⁴⁶ ಯೋಸೇಫ ಒರ್ ನಾರ್ ಬಟ್ಟೇನ ಕೊಂಡ್‌ಬಂತ್, ಯೇಸುರ ಚಾವ್ ತಡೀನ ಶಿಲುಬೆಯಿಂಜ ಅಡಿಕ್ ಕೊಂಡ್‌ಬಂತ್, ಆ ಬಟ್ಟೇಲ್ ಸುತ್ತಿತ್, ಒರ್ ಪಾರೆಕಲ್ಲ್‌ರಗುಂಡ್ ಕೆತ್ತಿತ್ಂಜ ಗೋರಿರ ಒಳ್‍ಕ್, ಚತ್ತ್‌ಪೋನ ಯೇಸುರ ಚಾವ್ ತಡೀನ ಬೆಚ್ಚತ್. ಆ ಬಂಡೆ ಗೋರಿರ ಮುಂಬಾಗತ್‌ಲ್ ಒರ್ ಬಲ್ಯ ಪಾರೆಕಲ್ಲ್‌ನ ಉರ್‌ಟಿಯಂಡ್ ಬಂತ್ ಮುಚ್ಚತ್.

ಮಾರ್ಕ 15:46 ပူးပေါင်းရင်းမြစ်များ

ಮತ್ತಾಯ 28:2

ಅಕ್ಕ ಅಲ್ಲಿ ಬಲ್ಯ ಬೂಕಂಪ ಆಯಿತ್, ಒಡೆಯಂಡ ದೂತ ಪರಲೋಕತ್ಂಜ ಬಂತ್ ಆ ಬಲ್ಯ ಬಂಡೆ ಕಲ್ಲ್‌ನ ಆಬರಿಕ್ ಉರ್‍ಟಿತ್ ಆಂಡ ಮೇಲೆ ಅಳ್‌ತತ್.

ಮಾರ್ಕ 15:45

ನೂರ್ ಪಡೆಯಾಳಿಯಡ ಅದಿಕಾರಿಯಡ ತಕ್ಕ್ ಕ್‍ೕಪಂಜಿ, ಯೋಸೇಫಂಗ್ ನೀನ್ ಯೇಸುರ ಚಾವ್ ತಡೀನ ಎಡ್‍ತಾಂದ್ ಪಿಲಾತ ಎಣ್ಣ್‌ಚಿ.

ಮಾರ್ಕ 15:47

ಅಂವೊಂಡ ಚಾವ್ ತಡೀನ ಬೆಚ್ಚ ಜಾಗತ್‍ನ ಮಗ್ದಲ ಮರಿಯಳು, ಯೇಸುರ ಅವ್ವ ಮರಿಯಳು ನೋಟಿಯಂಡ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:53

ಯೇಸುರ ತಡೀನ ಶಿಲುಬೆಯಿಂಜ ಅಡಿಕ್ ಕೊಂಡ್‌ಬಂತ್, ಒರ್ ನಾರ್ಬಟ್ಟೆಲ್ ಸುತ್ತಿತ್, ಮಿಂಞಲೇ ಪಾರೆಕಲ್ಲ್‌ನ ಕೆತ್ತಿತ್ಂಜ ಗೋರಿರ ಒಳ್‍ಕ್ ಚತ್ತ್‌ಪೋನ ಯೇಸುರ ತಡೀನ ಬೆಚ್ಚತ್. ಈ ಗೋರಿ ಇಲ್ಲಿಕತ್ತನೆ ದಾರ್‌ನು ಇಡತೆ ಪುದಿಯ ಗೋರಿಯಾಯಿತ್ಂಜತ್.

ಯೋಹಾನ 11:38

ಯೇಸು ಇಂಞು ದುಂಬ ದುಃಖತ್‍ಲ್, ಗೋರಿರ ಪಕ್ಕ ಪೋಚಿ, ಅದ್ ಒರ್ ಗುವೆ ಆಯಿತ್ಂಜತ್. ಅದ್ಂಡ ಬಾಯಿನ ಒರ್ ಕಲ್ಲ್ ಬೆಚ್ಚಿತ್ ಮುಚ್ಚಿತ್ಂಜತ್.

ಯೋಹಾನ 11:41

ಪಿಂಞ, ಅಯಿಂಗ ಆ ಬಂಡೆ ಕಲ್ಲ್‌ನ ಎಡ್‍ತತ್. ಅಕ್ಕ ಯೇಸು ಕೊಡಿಕ್ ನೋಟುವಂಜಿ: ಅಪ್ಪ, ನೀನ್ ನಾಡ ಪ್ರಾರ್ಥನೆನ ಎಕ್ಕಾಲು ಕ್‍ೕಪಂಗಾಯಿತ್ ನೀಕ್ ವಂದನೆ.

ಯೋಹಾನ 20:1

ವಾರತ್‍ರ ಆದ್ಯ ನಾಳಾನ ನಾರಾಚೆ ಪೊಲಾಕ ನೇರತೆ, ಸೂರ್ಯ ಉದಿಪಕ್ ಮಿಂಞಲೇ, ಮಗ್ದಲ ಮರಿಯ ಗೋರಿರ ಪಕ್ಕ ಬಪ್ಪಂಜಿ, ಗೋರಿನ ಮುಚ್ಚಿತ್‌ಂಜ ಕಲ್ಲ್, ಗೋರಿರ ಪಡಿಯಿಂಜ ಎಡ್‌ತಿತಿಪ್ಪಾನ ಕಂಡತ್.