ಮಾರ್ಕ 15:42 - ಕೊಡವ ಬೈಬಲ್

^42-43 ಸಬ್ಬತ್ ದಿವಸಕ್ ಮಿಂಞತ್‍ರ ದಿವಸ ತಯಾರ್ ನಾಳಾಯಿತ್ಂಜಗುಂಡ್, ಅಲ್ಲಿಯತ್‍ರ ಸಬೆರ ಒರ್ ಮರ್ಯಾದೆ ಉಳ್ಳ ಮನುಷ್ಯ ಇಂಜತ್. ಅಂವೊ ದೇವಡ ರಾಜ್ಯ ಬಪ್ಪಕ್ ಪಾರಕಾತಂಡಿಂಜತ್. ಅರಿಮಥಾಯ ಊರ್‍ಂಜ ಬಂದ ಯೋಸೇಫ ಎಣ್ಣುವ ಇಂವೊ ಒರ್ ಪೋಡಿಯು ಇಲ್ಲತೆ ಪಿಲಾತ ರಾಜಂಡ ಪಕ್ಕ ಪೋಯಿತ್ ಚತ್ತ್‌ಪೋನ ಯೇಸುರ ಚಾವ್ ತಡೀನ ಕ್‍ೕಟತ್.

ಮಾರ್ಕ 15:42 ပူးပေါင်းရင်းမြစ်များ

ಯೋಹಾನ 19:31

ಅಂದೆತ ದಿವಸ ನಮ್ಮೆಕ್ ಮಿಂಞತ್‍ರ ದಿವಸವಾಯಿತ್ಂಜತ್. ಪಿತ್ಯಾಂದ್ ಯೆಹೂದ್ಯಂಗಡ ಮುಕ್ಯ ಸಬ್ಬತ್ ದಿನವಾಯಿತ್ಂಜಗುಂಡ್, ಆ ದಿವಸತ್‍ಲ್ ಶಿಲುಬೇಲ್ ಚಾವ್ ತಡಿ ಇಪ್ಪಕ್ಕಾಗಾಂದ್, ಶಿಲುಬೇಲ್ ಉಳ್ಳಯಿಂಗಡ ಕಾಲ್‌ನ ಪೊಳಿಕಡಾಂದ್ ಯೆಹೂದ್ಯಂಗ ಪಿಲಾತನ ಕ್‍ೕಟತ್. ಎನ್ನಂಗೆಣ್ಣ್‌ಚೇಂಗಿ ಅಕ್ಕ ಅಯಿಂಗಕ್ ಬೆರಿಯ ಚಾವ್ ಬಪ್ಪ, ಪಿಂಞ ಶಿಲುಬೆಯಿಂಜ ಚಾವ್ ತಡೀನ ಆ ದಿವಸವೇ ಎಡ್‍ಪಕಾಪ.

ಅಪೊಸ್ತಲ 13:29

ಅಂವೊಂಡ ವಿಷಯತ್, ಒಳ್‍ದಿತುಳ್ಳಾನೆಲ್ಲ ನೆರವೇರಿಚಿಟ್ಟ ಪಿಂಞ ಅಂವೊನ ಶಿಲುಬೆಯಿಂಜ ಇಳ್‌ಪಿತ್ ಗೋರಿಕ್ ಇಟ್ಟತ್.