ಮಾರ್ಕ 15:40 - ಕೊಡವ ಬೈಬಲ್

⁴⁰ ಚೆನ್ನ ಪೊಣ್ಣಾಳುವ ದೂರತ್ಂಜ ನೋಟಿಯಂಡಿಂಜತ್. ಅಯಿಂಗೆಲ್ಲಾ ದಾರ್ ಎಣ್ಣ್‌ಚೇಂಗಿ, ಯೇಸು ಗಲಿಲಾಯತ್‍ಲ್ ಇಪ್ಪಕಾಪಕ, ಅಂವೊಂಗ್ ಸಹಾಯ ಮಾಡಿತ್, ಅಂವೊಂಡ ಬೆಂಬರತ್‌ಲ್ ಬಂದ, ಮಗ್ದಲ ಮರಿಯ, ಚೆರಿಯ ಯಾಕೋಬ ಪಿಂಞ ಯೋಸೇಯ ಎಣ್ಣುವಯಿಂಗಡ ಅವ್ವ ಮರಿಯ ಪಿಂಞ ಸಲೋಮಿ ಎಣ್ಣ್‌ವಯಿಂಗಳೇ.

ಮಾರ್ಕ 15:40 ပူးပေါင်းရင်းမြစ်များ

ಮತ್ತಾಯ 10:3

ಫಿಲಿಪ್ಪ, ಬಾರ್ತೊಲೊಮಾಯ, ತೋಮ, ಕಂದಾಯ ಎಡ್‌ಪಂವೊನಾನ ಮತ್ತಾಯ, ಅಲ್ಫಾಯಂಡ ಮೋಂವೊ ಯಾಕೋಬ, ತದ್ದಾಯ,

ಮತ್ತಾಯ 13:55

ಇಂವೊ ಒರ್ ಆಚಾರಿರ ಮೋಂವೊನಲ್ಲ? ಇಂವೊಂಡ ಅವ್ವ ಮರಿಯ ಅಲ್ಲ? ಯಾಕೋಬ, ಯೋಸೇಫ, ಸೀಮೋನ, ಯೂದ ಈಂಗ ಇಂವೊಂಡ ತಮ್ಮಣಂಗಲ್ಲ?

ಮತ್ತಾಯ 27:61

ಮಗ್ದಲ ಮರಿಯಳು ಪಿಂಞ ಇಂಞೊರ್ ಮರಿಯಳು ಗೋರಿರ ಮಿಂಞತ್ ಅಳ್‍ತಂಡಿಂಜತ್.

ಮತ್ತಾಯ 28:1

ಸಬ್ಬತ್ ದಿವಸ ಆನ ಪಿಂಞ ನಾರಾಚೆ ಪೊಲಿಂಜಿತಾಪ ನೇರತ್ ಮಗ್ದಲ ಮರಿಯಳು ಬೋರೆ ಮರಿಯಳು ಗೋರಿನ ನೋಟ್‍ವಕ್ ಪೋಚಿ.

ಮಾರ್ಕ 15:47

ಅಂವೊಂಡ ಚಾವ್ ತಡೀನ ಬೆಚ್ಚ ಜಾಗತ್‍ನ ಮಗ್ದಲ ಮರಿಯಳು, ಯೇಸುರ ಅವ್ವ ಮರಿಯಳು ನೋಟಿಯಂಡ್ ಇಂಜತ್.

ಮಾರ್ಕ 16:1

ಸಬ್ಬತ್ ದಿವಸ ಕಯಿಂಜ ಪಿಂಞ ಮಗ್ದಲ ಮರಿಯ, ಯಾಕೋಬಂಡ ಅವ್ವನಾನ ಮರಿಯ ಪಿಂಞ ಸಲೋಮಿ ಈಂಗೆಲ್ಲಾ ಯೇಸುರ ಚಾವ್ ತಡಿಕ್ ಸುಗಂದ ವಾಸನೆರ ಮದ್ದ್‌ನ ಇಡ್‌ವಕ್ ಬಾತ್.

ಮಾರ್ಕ 16:9

ವಾರತ್‍ರ ಆದ್ಯ ನಾಳಾಯಿತ್ಂಜ ನಾರಾಚೆ ಪೊಲಾಕ ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್, ಆದ್ಯವಾಯಿತ್ ಮಗ್ದಲದ ಮರಿಯಕ್ ಯೇಸು ಅಂವೊನ ಕಾಂಬ್‌ಚಿಟ್ಟಂಡತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:3

ಜಕ್ಕಾಯ ಯೇಸು ದಾರ್‍ೕಂದ್ ನೋಟ್‍ವಕ್ ಆತುರತ್‌ಲ್ ನೋಟಿಯಂಡ್ ಇಂಜತ್. ಆಚೇಂಗಿ ಅಂವೊ ಬಾರಿ ಕುಳ್ಳನಾಯಿತ್ ಇಂಜತ್. ಜನಡ ಗುಂಪ್ ಅಂವೊಂಡ ಮಿಂಞತ್ ಇಂಜಗುಂಡ್ ಯೇಸುನ ಕಾಂಬಕ್ ಕಯ್ಯತೆ, ಯೇಸು ಬಪ್ಪ ಬಟ್ಟೇಕ್ ಮಿಂಞ ಓಡಿ ಪೋಯಿತ್, ಯೇಸುನ ನೋಟ್‍ವಕ್ ಒರ್ ಕಾಡ್ ಅತ್ತಿ ಮರತ್‍ರ ಕೊಡಿಕ್ ಪತ್ತ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:49

ಯೇಸುನ ಚಾಯಿತೆ ಗೊತ್ತ್ಂಜ ಜನ ಪಿಂಞ ಅಂವೊಂಡ ಕೂಡೆ ಇಂಜ ಗಲಿಲಾಯತ್ಂಜ ಬಂದ ಚೆನ್ನ ಪೊಣ್ಣಾಳುವ ದೂರತ್‍ಲ್ ನಿಂದಂಡ್ ಇದ್‍ನೆಲ್ಲ ನೋಟಿಯಂಡಿಂಜತ್.

1 ಕೊರಿಂಥ 9:5

ಬೋರೆ ಅಪೊಸ್ತಲಂಗಳು, ಒಡೆಯಂಡ ತಮ್ಮಣಂಗಳು, ಪೇತ್ರನು ಮಾಡ್‌ವನೆಕೆ, ಕ್ರಿಸ್ತಂಡ ಮೇಲೆ ನಂಬಿಕೆ ಉಳ್ಳ ನಂಗಡ ಪೊಣ್ಣ್‌ನ ನಂಗಡ ಕೂಡೆ ಕಾಕಿಯಂಡ್ ಪೋಪಕ್ ನಂಗಕ್ ಅದಿಕಾರ ಇಲ್ಲೆಯ?

ಗಲಾತ್ಯ 1:19

ಅಲ್ಲಿ ನಂಗಡ ಒಡೆಯನಾನ ಯೇಸುರ ತಮ್ಮಣ ಯಾಕೋಬನ ಬುಟ್ಟಿತ್ ಬೋರೆ ಅಪೊಸ್ತಲ ದಾರ್‌ನು ಕಂಡಿತ್‌ಲ್ಲೆ.

ಯಾಕೋಬ 1:1

ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಸೇವಕನಾನ ಯಾಕೋಬ, ಬೋರೆ ಬೋರೆ ನಾಡ್‍ಲ್ ಚದ್‌ರಿ ಪೋಯಿತುಳ್ಳ ಪನ್ನೆರಂಡ್ ಕುಲತ್‍ರ ಜನಕ್ ವಂದನೆ ಮಾಡಿತ್ ಒಳ್‍ದ್‍ವ ಕಾಗದ ಇದ್.