ಮಾರ್ಕ 15:34 - ಕೊಡವ ಬೈಬಲ್

³⁴ ಮೂಂದ್ ಗಂಟೆಕ್ ಯೇಸು: ಎಲೋಹಿ, ಎಲೋಹಿ, ಲಮಾ ಸಬಕ್ತಾನೀ ಎಣ್ಣಿಯಂಡ್ ಜೋರಾಯಿತ್ ಕೂತ್ ಕೊಡ್‍ತತ್. ಅದ್ಂಗ್ ನಾಡ ದೇವ, ನಾಡ ದೇವ, ಎನ್ನಂಗಾಯಿತ್ ನೀನ್ ನನ್ನ ಕೈ ಬುಟ್ಟಿಯೇಂದ್ ಅರ್ಥ.

ಮಾರ್ಕ 15:34 ပူးပေါင်းရင်းမြစ်များ

ಮತ್ತಾಯ 27:45

ಮಜ್ಜಣ ಪನ್ನೆರಂಡ್ ಗಂಟೆಯಿಂಜ ಮೂಂದ್ ಗಂಟೆಕತ್ತನೆ ದೇಶ ಪೂರ್ತಿ ಇರ್‌ಟಾಚಿ.

ಮತ್ತಾಯ 27:46

ಸುಮಾರ್ ಮೂಂದ್ ಗಂಟೆಕ್ ಯೇಸು: ಏಲೀ, ಏಲೀ, ಲಮಾ ಸಬಕ್ತಾನೀ ಎಣ್ಣಿಯಂಡ್ ಬಲ್ಯ ಕೂತ್ ಕೊಡ್‍ತತ್. ಆಂಡ ಅರ್ಥ ನಾಡ ದೇವನೇ, ನಾಡ ದೇವನೇ, ಎನ್ನಂಗ್ ನನ್ನ ಕೈ ಬುಟ್ಟಿಯೇಂದ್ ಎಣ್ಣ್‌ವದ್.

ಮಾರ್ಕ 15:25

ಪೊಲಾಕ ಒಯಿಂಬದ್ ಗಂಟೆಕ್ ಅಂವೊನ ಶಿಲುಬೇಕ್ ಇಟ್ಟತ್.

ಮಾರ್ಕ 15:35

ಅಲ್ಲಿ ಉಳ್ಳ ಚೆನ್ನ ಜನ ಅದ್‍ನ ಕ್‍ೕಟಿತ್: ನೋಟಿ ಇಂವೊ ಎಲೀಯನ ಕಾಕಿಯಂಡ್ ಉಂಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:44

ಮಜ್ಜಣ ಆಪಕಾಪಕ ಪನ್ನೆರಂಡ್ ಗಂಟೆಯಿಂಜ ಮೂಂದ್ ಗಂಟೆಕತ್ತನೆ ದೇಶ ಪೂರ್ತಿ ಇರ್‌ಟಾಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:46

ಪಿಂಞ ಯೇಸು: ಅಪ್ಪ, ನಾಡ ಜೀವತ್‍ನ ನೀಡ ಕೈಯಿಕ್ ಒಪ್ಪ್‌ಚಿಡುವೀಂದ್ ಜೋರಾಯಿತ್ ಕೂತ್ ಕೊಡ್‌ಪಂಜಿ ಜೀವತ್‍ನ ಬುಟ್ಟತ್.

ಅಪೊಸ್ತಲ 10:3

ಒರ್ ದಿವಸ ಮಜ್ಜಣ, ಸುಮಾರ್ ಮೂಂದ್ ಗಂಟೆ ಸಮಯತ್‍ಲ್ ಅಂವೊ ಒರ್ ದರ್ಶನ ಕಂಡತ್. ದರ್ಶನತ್‍ಲ್ ಒರ್ ದೇವದೂತ ತಾಂಡ ಪಕ್ಕ ಬಂತ್: ಕೊರ್ನೇಲ್ಯನೇಂದ್ ಕಾಕ್‍ವಾನ ಕಂಡತ್.

ಇಬ್ರಿಯ 5:7

ಯೇಸು ಈ ಲೋಕತ್‍ಲ್ ಬದ್‍ಕಿಯಂಡಿಂಜ ಕಾಲತ್‍ಲ್, ಅಂವೊನ ಚಾವ್‍ಯಿಂಜ ಕಾಪಾಡ್‌ವಕ್ ಶಕ್ತಿ ಉಳ್ಳಂವೊನ ನೋಟಿತ್, ಬಲ್ಯ ಸ್ವರತ್‍ಲ್ ಕೂತ್ ಕೊಡ್‌ತಿತ್, ಕಣ್ಣೀರಿಟ್ಟಂಡ್, ಪ್ರಾರ್ಥನೆ ಮಾಡಿತ್, ಬೋಡಿಯಂಡಿಂಜತ್. ಅಂವೊಂಗ್ ಇಂಜ ದೇವಡ ಬಕ್ತಿರಗುಂಡ್ ಅಂವೊಂಡ ಪ್ರಾರ್ಥನೆ ದೇವಕ್ ಎತ್ತ್‌ಚಿ.