ಮಾರ್ಕ 15:32 - ಕೊಡವ ಬೈಬಲ್

³² ಇಸ್ರಾಯೇಲ್‍ರ ರಾಜಾಂದ್ ಎಣ್ಣುವ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಇಕ್ಕ ಶಿಲುಬೆಯಿಂಜ ಇಳಿಂಜಿತ್ ಬಂದತೇಂಗಿ ನಂಗ ಅಂವೊನ ನಂಬಲೂಂದ್ ಎಣ್ಣ್‌ಚಿ. ಯೇಸುರ ಕೂಡೆ ಶಿಲುಬೇಕ್ ಇಟ್ಟ ದಂಡ್ ಕಳ್ಳಂಗಳು ಯೇಸುನ ಅದೇ ಪ್ರಕಾರ ನಿಂದನೆ ಮಾಡ್‍ಚಿ.

ಮಾರ್ಕ 15:32 ပူးပေါင်းရင်းမြစ်များ

ಮತ್ತಾಯ 1:17

ಇನ್ನನೆ ಅಬ್ರಹಾಮಯಿಂಜ ದಾವೀದಕತ್ತನೆ ಪದನಾಲ್ ವಂಶವು, ದಾವೀದಯಿಂಜ ಬಾಬೆಲ್‍ಕ್ ಅಡಿಯಾಳಾಯಿತ್ ಪೋಪಕತ್ತನೆ ಪದನಾಲ್ ವಂಶವು, ಅಲ್ಲಿಂಜ ಕ್ರಿಸ್ತ ಪುಟ್ಟ್‌ವಕತ್ತನೆ ಪದನಾಲ್ ವಂಶವು ಇಂಜತ್.

ಮತ್ತಾಯ 27:42

ನೀನ್ ಬೋರೆಯಿಂಗಳ ಬಚಾವ್ ಮಾಡಿಯಾ, ಆಚೇಂಗಿ ನಿನ್ನ ನೀಕ್ ಇಕ್ಕ ಬಚಾವ್ ಮಾಡ್‌ವಕ್ ಕಯಿಂಜಿತ್‌ಲ್ಲೆ. ಇಂವೊ ಇಸ್ರಾಯೇಲ್‍ರ ರಾಜಾನಲ್ಲ? ಇಕ್ಕ ಅಂವೊ ಶಿಲುಬೆಯಿಂಜ ಇಳಿಂಜಿತ್ ಬರಡ್, ಅಕ್ಕ ನಂಗ ಅಂವೊನ ನಂಬಲೂಂದ್ ಎಣ್ಣ್‌ಚಿ.

ಮತ್ತಾಯ 27:44

ಯೇಸುರ ಕೂಡೆ ಶಿಲುಬೇಕ್ ಇಟ್ಟ ದಂಡ್ ಕಳ್ಳಂಗಳು ಯೇಸುನ ಅದೇ ಪ್ರಕಾರ ನಿಂದನೆ ಮಾಡ್‍ಚಿ.

ಮಾರ್ಕ 15:26

ಅಂವೊಂಗ್ ಕ್‍ಟ್ಟ್‌ನ ಶಿಕ್ಷೆನ ಕಾಟ್‌ವಕಾಯಿತ್, ಇಂವೊ ಯೆಹೂದ್ಯಂಗಡ ರಾಜ ಎಣ್ಣಿಯಂಡ್ ಒಳ್‍ದಿ ಶಿಲುಬೇರ ಮೇಲೆ ಕೆಟ್ಟಿ ಬೆಚ್ಚತ್.

ಮಾರ್ಕ 15:27

ಅದಲ್ಲತೆ ಇಂಞು ದಂಡ್ ಕಳ್ಳಂಗಳ ಯೇಸುರ ಬಲ್‌ತೆ ಬರಿಲ್ ಒಬ್ಬನ, ಎಡ್‍ತೆ ಬರಿಲ್ ಒಬ್ಬನ ಶಿಲುಬೇಕ್ ಇಟ್ಟತ್.

ಯೋಹಾನ 1:49

ಅಕ್ಕ ನತಾನಯೇಲ: ಉಪಾದ್ಯ, ನೀನ್ ದೇವಡ ಮೋಂವೊ, ಇಸ್ರಾಯೇಲ್ ಜನತ್‍ರ ರಾಜಾಂದ್ ಎಣ್ಣ್‌ಚಿ.

ಯೋಹಾನ 12:13

ಆನಗುಂಡ್, ಅಯಿಂಗ ಎಲ್ಲಾರು ಖರ್ಜೂರ ಪಣ್ಣ್ ಮರತ್‍ರ ಕೊಂಬ್‍ನ ಎಡ್‍ತಂಡ್ ಯೇಸುನ ಕಾಂಬಕಾಯಿತ್ ಪಟ್ಟಣತ್‍ರ ಪೊರಮೆ ಪೋಚಿ. ಪಿಂಞ ಅಯಿಂಗ: ಹೊಸನ್ನ! ಒಡೆಯನಾನ ದೇವಡ ಪೆದತ್‍ಲ್ ಬಂದಂಡುಳ್ಳ ರಾಜ ಆಶೀರ್ವಾದ ಪಡ್ಂದಂವೊ. ಇಸ್ರಾಯೇಲ್ ಜನತ್‍ರ ರಾಜ ಆಶೀರ್ವಾದ ಪಡ್ಂದವೋಂದ್ ಜನಯೆಲ್ಲಾ ಜೋರಾಯಿತ್ ಕೂತ್ ಕೊಡ್‍ತಂಡಿಂಜತ್.

ರೋಮ್ 3:3

ಅಯಿಂಗಡಲ್ಲಿ ಚೆನ್ನ ಜನ ನಂಬತೆ ಪೋಚೇಂಗಿಯು ಎಂತ? ಅಯಿಂಗಡ ಅಪನಂಬಿಕೆ ದೇವಡ ನಂಬಿಕಸ್ತನಾಯಿತ್‌ಪ್ಪ ಗುಣತ್‍ನ ಪಾಳ್ ಮಾಡ್‌ವಕ್ ಕಯ್ಯುವ?

2 ತಿಮೊಥೆಯ 2:18

ಅಯಿಂಗ, ಅಕ್ಕಲೆ ಚತ್ತಯಿಂಗ ಪುನಃ ಜೀವತ್‍ಲ್ ಬಾತ್‍ೕಂದ್ ಬೋದನೆ ಮಾಡಿಯಂಡ್ ಸತ್ಯತ್ಂಜ ದೂರ ಆಯಿರ್‌ತ್. ಅಯಿಂಗ ಇನ್ನನೆ ಬೋದನೆ ಮಾಡ್‍ನಗುಂಡ್ ಚೆನ್ನ ಜನಡ ನಂಬಿಕೇನ ಪಾಳ್ ಮಾಡಿರ್‌ತ್.