ಮಾರ್ಕ 15:21 - ಕೊಡವ ಬೈಬಲ್

²¹ ಯೇಸುನ ಕೊಲ್ಲುವಕ್ ಕಾಕಿಯಂಡ್ ಪೋಯಂಡಿಪ್ಪಕ, ಬಟ್ಟೇಲ್, ಕುರೇನ್ಯ ಊರಿಂಜ ಬಂದಡಿಂಜ ಸೀಮೋನನ ಕಂಡತ್. ಅಂವೊ ಅಲೆಕ್ಸಾಂದ್ರ ಪಿಂಞ ರೂಫ ಎಣ್ಣುವಯಿಂಗಡ ಅಪ್ಪ. ಸಿಪಾಯಿಯ ಅಂವೊನ ಒತ್ತಾಯ ಮಾಡಿತ್ ಯೇಸುರ ಶಿಲುಬೇನ ಎಡ್‍ತಂಡ್ ಪೋಪಕ್ ಎಣ್ಣ್‌ಚಿ.

ಮಾರ್ಕ 15:21 ပူးပေါင်းရင်းမြစ်များ

ಮತ್ತಾಯ 27:32

ಅಂವೊನ ಕಾಕಿಯಂಡ್ ಪೋಪಕ, ಕುರೇನ್ಯ ಊರ್‌ಕ್ ಕೂಡ್‍ನ ಸೀಮೋನ ಎಣ್ಣ್‌ವಂವೊನ ಕಂಡತ್. ಸಿಪಾಯಿಯ ಯೇಸುರ ಶಿಲುಬೇನ ಪೊರ್‍ಪಕ್ ಅಂವೊನ ಒತ್ತಾಯ ಮಾಡ್‍ಚಿ.

ಮತ್ತಾಯ 5:41

ಒಬ್ಬ ಅಂವೊಂಡ ಚೀಲತ್‍ನ ಒರ್ ಕಿಲೋಮೀಟರ್‌ಕ್ ಎಡ್‍ತಂಡ್ ಪೋಂಡೂಂದ್ ನಿನ್ನ ಒತ್ತಾಯ ಮಾಡ್‍ಚೇಂಗಿ, ನೀನ್ ಆ ಚೀಲತ್‍ನ ದಂಡ್ ಕಿಲೋಮೀಟರ್‌ಕ್ ಎಡ್‍ತಂಡ್ ಪೋ.

ಮಾರ್ಕ 15:20

ಇಚ್ಚಕೆಲ್ಲಾ ಪರಿಹಾಸ ಮಾಡ್‍ನ ಪಿಂಞ ಅಂವೊಂಡ ಚೋಂದ ರಂಗ್‍ರ ಬಲ್ಯ ಬಟ್ಟೇನ ಉತ್ತ್‌ವಂಜಿ, ಅಂವೊಂಡ ಬಟ್ಟೇನ ಇಟ್ಟಿತ್, ಶಿಲುಬೇಲ್ ಕೊಲ್ಲ್‌ವಕಾಯಿತ್ ಪೊರಮೆ ಕಾಕಿಯಂಡ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:27

ದಾರ್ ಒಬ್ಬ ತಾಂಡ ಶಿಲುಬೇನ ಪೊರ್‍ತಂಡ್ ನಾಡ ಬಯ್ಯ ಬಪ್ಪ್‌ಲೆಯೋ ಅಯಿಂಗ ನಾಡ ಶಿಷ್ಯಂಗಳಾಯಿತ್‌ಪ್ಪಕ್ ಕಯ್ಯುಲೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:26

ಯೇಸುನ ಕೊಲ್ಲ್‌ವಕ್ ಕಾಕಿಯಂಡ್ ಪೋಯಂಡ್ ಇಪ್ಪಕ, ಆ ಬಟ್ಟೇಲ್, ಕುರೇನೆ ಊರಿಂಜ ಅಕ್ಕ ಬಂದಂಡಿಂಜ ಸೀಮೋನ ಎಣ್ಣ್‌ವಂವೊನ ಕಂಡತ್. ಸಿಪಾಯಿಯ ಅಂವೊನ ನಿಪ್ಪ್‌ಚಿಟ್ಟಿತ್ ಒತ್ತಾಯ ಮಾಡಿತ್ ಯೇಸುರ ಶಿಲುಬೇನ ಪೊರ್‍ತಂಡ್ ಪೋಪಕ್ ಶಿಲುಬೇನ ಅಂವೊಂಡ ಮೇಲೆ ಬೆಚ್ಚತ್.

ಯೋಹಾನ 19:17

ಯೇಸು ಅಂವೊಂಡ ಶಿಲುಬೇನ ಪೊರ್‍ತಂಡ್ ಗೊಲ್ಗೊಥಾ ಎಣ್ಣುವ ಜಾಗಕ್ ಪೋಚಿ. ಗೊಲ್ಗೊಥಾ ಎಣ್ಣ್‌ಚೇಂಗಿ ಮಂಡೆರ ಓಡ್‍ೕಂದ್ ಅರಾಮಿಯ ತಕ್ಕ್‌ಲ್ ಅರ್ಥ ಆಪ.

ಅಪೊಸ್ತಲ 11:20

ಆಚೇಂಗಿ, ಅಯಿಂಗಡಲ್ಲಿ ಕುಪ್ರ ಪಿಂಞ ಕುರೇನ್ಯತ್ಂಜ ಅಂತಿಯೋಕ್ಯ ಪಟ್ಟಣಕ್ ಪೋನ ಚೆನ್ನ ಜನ, ಯೆಹೂದ್ಯ ಅಲ್ಲತ ಜನಕ್ ಒಡೆಯನಾನ ಯೇಸುರ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕ್ ಸುರು ಮಾಡ್‍ಚಿ.

ಅಪೊಸ್ತಲ 13:1

ಅಂತಿಯೋಕ್ಯ ಪಟ್ಟಣತ್‍ರ ಸಬೇಲ್, ಚೆನ್ನ ಜನ ಪ್ರವಾದಿಯಂಗಳಾಯಿತು, ಚೆನ್ನ ಜನ ಬೋದನೆಕಾರಂಗಳಾಯಿತು ಇಂಜತ್. ಅಯಿಂಗ ದಾರ್ ಎಣ್ಣ್‌ಚೇಂಗಿ ಬಾರ್ನಬ, ನೀಗರ್‍ಂದ್ ಜನ ಕಾಕುವ ಸಿಮೆಯೋನ, ಕುರೇನ್ಯ ಊರ್‍ಕಾರನಾನ ಲೂಕ್ಯ, ಪಲಸ್ತೀನ ದೇಶತ್‍ಲ್ ಕಾಲ್ ಬಾಗಕ್ ಅದಿಪತಿಯಾಯಿತ್ಂಜ ಹೆರೋದ ಅಂತಿಪ ಎಣ್ಣ್‌ವಂವೊಂಡ ಕೂಡೆ ಬೊಳ್ಂದ ಮೆನಹೇನ ಪಿಂಞ ಸೌಲ ಎಣ್ಣ್‌ವಯಿಂಗಳೇ.

ಅಪೊಸ್ತಲ 2:10

ಪೊಂತ, ಆಸ್ಯ, ಫ್ರುಗ್ಯ, ಪಂಫುಲ್ಯ, ಐಗುಪ್ತ ದೇಶತ್‍ಲ್ ಉಳ್ಳಯಿಂಗಳು, ಕುರೇನೆರ ಸುತ್ತ್‌ಮುತ್ತ್‌ಲ್ ಉಳ್ಳ ಲಿಬ್ಯ ಪ್ರಾಂತ್ಯತ್‍ಲ್ ಉಳ್ಳಯಿಂಗಳು, ರೋಮ್ ಪಟ್ಟಣತ್ಂಜ ಬಂದಯಿಂಗಳು, ಯೆಹೂದ್ಯಂಗಳು, ಯೆಹೂದ್ಯ ಪದ್ದತಿಕ್ ಕೂಡ್‍ನಯಿಂಗಳು,

ಅಪೊಸ್ತಲ 6:9

ಆಚೇಂಗಿ, ಸ್ತೆಫನನ ವಿರೋದಿಚಿಡ್‌ವಯಿಂಗ ಅಲ್ಲಿ ಇಂಜತ್. ಅಯಿಂಗ ದಾರ್ ಎಣ್ಣ್‌ಚೇಂಗಿ, ಕುರೇನ್ಯ, ಅಲೆಕ್ಸಾಂದ್ರಿಯ, ಕಿಲಿಕ್ಯ ಪಿಂಞ ಆಸ್ಯ ಪ್ರಾಂತ್ಯತ್ಂಜ ಬಂದ ಯೆಹೂದ್ಯಂಗಳಾಯಿತ್‌ಂಜತ್. ಅಯಿಂಗ ಲಿಬೆರ್ತೀನ ಎಣ್ಣುವ ಸಬಾಮಂದಿರಕ್ ಕೂಡ್‍ನಯಿಂಗಳಾಯಿತ್ಂಜತ್. ಅಯಿಂಗ ಸ್ತೆಫನಂಡ ಕೂಡೆ ತರ್ಕ ಮಾಡಿಯಂಡಿಂಜತ್.

ರೋಮ್ 16:13

ಒಡೆಯಂಡಲ್ಲಿ ಗೊತ್ತ್ ಮಾಡಿತುಳ್ಳ ರೂಫಂಗು, ನಾಕ್ ಸಹ ಅವ್ವಂಡನೆಕೆ ಉಳ್ಳ ಅಂವೊಂಡ ಅವ್ವಕು ವಂದನೆ ಎಣ್ಣಿ.