ಮಾರ್ಕ 15:18 - ಕೊಡವ ಬೈಬಲ್

¹⁸ ಅಯಿಂಗ ಯೇಸುಕ್ ಪರಿಹಾಸತ್‌ಲ್ ವಂದೆನ ಮಾಡಿತ್, ಯೆಹೂದ್ಯಂಗಡ ರಾಜನೇ ಕಾಲಕಾಲಕ್ ಬದ್‌ಕ್‍ೕಂದ್ ಎಣ್ಣ್‌ಚಿ.

ಮಾರ್ಕ 15:18 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 37:10

ಈ ಸ್ವಪ್ನತ್‌ನ ತಾಂಡ ಅಪ್ಪಂಗು ಅಣ್ಣಂಗಕು ಎಣ್ಣ್‌ವಕ, ಅಂವೊಂಡ ಅಪ್ಪ ಅಂವೊನ ನೋಟಿತ್: ನೀನ್‌ ಎಂತಾ ಸ್ವಪ್ನ ಕಂಡಿಯಾ? ನಾನು, ನೀಡ ಅವ್ವಳು, ನೀಡ ಅಣ್ಣತಮ್ಮಣಂಗಳು ನೀಡ ಮಿಂಞತ್‌ ಅಡ್ಡ ಬೂವಾಂದ್‌ ಎಣ್ಣಿಯಂಡುಳ್ಳಿಯಾಂದ್‌ ಕ್‍ೕಟಿತ್‌ ಅಂವೊನ ಬಜ್ಜತ್.

ಆದ್ಯತ್‌ರ ಪುಸ್ತಕ 37:20

ನಂಗ ಅಂವೊನ ಕೊಂದಿತ್‌ ಒರ್‌ ಕುಂಡ್‌ರ ಒಳ್‌ಕ್‌ ಚಾಡನ. ದುಷ್ಟ ಮೃಗ ಅಂವೊನ ತಿಂದ್‌ರ್‌ತ್‍ೕಂದ್‌ ನಂಗಡ ಅಪ್ಪಂಗ್‌ ಎಣ್ಣನ. ಅಲ್ಲಿಂಜ ಅಂವೊ ಕಂಡ ಸ್ವಪ್ನ ಎಲ್ಲ ಎಂತ ಆಪಾಂದ್‌ ನೋಟನಾಂದ್‌ ತಕ್ಕ್‌ ಪರ್ಂದತ್.

ಮತ್ತಾಯ 27:29

ಪಿಂಞ ಒರ್ ಮುಳ್ಳ್ ಕಿರೀಟತ್‍ನ ಮಾಡ್‌ವಂಜಿ ಅಂವೊಂಡ ಮಂಡೆಕ್ ಇಟ್ಟಿತ್, ಬಲ್‌ತೆ ಕೈಯಿಕ್ ಒರ್ ಕೋಲ್ ಕೊಡ್‌ಪಂಜಿ ಅಂವೊಂಡ ಮಿಂಞತ್‍ಲ್ ಮೊಣಕಾಲ್ ಇಟ್ಟಿತ್: ಯೆಹೂದ್ಯಂಗಡ ರಾಜನೇ ಕಾಲಕಾಲಕ್ ಬದ್‌ಕ್‍ೕಂದ್, ಅಂವೊನ ಹಿಯಾಳ್‌ಚಿಟ್ಟತ್.

ಮಾರ್ಕ 15:17

ಚೋಂದ ರಂಗ್‍ರ ಬಟ್ಟೇನ ಯೇಸುಕ್ ಇಟ್ಟಿತ್, ಮುಳ್ಳ್ ಕಿರೀಟತ್‍ನ ಮಾಡ್‌ವಂಜಿ ಅಂವೊಂಡ ಮಂಡೆಕ್ ಇಟ್ಟತ್.

ಮಾರ್ಕ 15:19

ಆ ಓಡೆ ಕೋಲ್‍ನ ಎಡ್‍ತಿತ್ ಅಂವೊಂಡ ಮಂಡೆಕ್ ಪುನಃ ಪುನಃ ಪೊಜ್ಜತ್, ಅಂವೊಂಡ ಮೇಲೆ ತುಪ್ಪಿತ್, ಪಿಂಞ ಅಯಿಂಗ ಮೊಣಕಾಲ್ ಇಟ್ಟಿತ್ ಅಯಿಂಗಡ ಮಂಡೆನ ಬಗ್ಗ್‌ಚಿಟ್ಟತ್.

ಮಾರ್ಕ 15:2

ಪಿಲಾತ ಯೇಸುನ ನೋಟಿತ್: ನೀನ್ ಯೆಹೂದ್ಯಂಗಡ ರಾಜನಾಂದ್ ಕ್‍ೕಟತ್. ಅದ್ಂಗ್ ಯೇಸು: ಅಕ್ಕು, ನೀನ್ ಎಣ್ಣ್‌ನನೆಕೇಂದ್ ಎಣ್ಣ್‌ಚಿ.

ಯೋಹಾನ 19:3

ಈಂಗೆಲ್ಲಾ ಯೇಸುರ ಪಕ್ಕ ಪುನಃ ಪುನಃ ಬಂದಿತ್ ಯೆಹೂದ್ಯಂಗಡ ರಾಜನೇ ಕಾಲಕಾಲಕ್ ಬದ್‌ಕ್‍ೕಂದ್ ಎಣ್ಣಿಯಂಡ್ ಅಂವೊಂಡ ದವಡೆಕ್ ಪೊಜ್ಜತ್.